作者：Dave

昨天看了報紙一單關於兒科醫院的新聞報道。 看了心裏確是有點不舒服。不過整件事情事實未清楚之前，實在很難評論。

反而筆者近日到了政府和不同醫療機構協辦的疫苗中心接受疫苗， 覺得整個疫苗接種中心的安排和流程非常之好，應受一讚。

筆者去的是位於鴨脷洲由港大醫學院營辦的疫苗接種中心。 另外也有家人去了聖保祿醫院安排的接種中心，不少醫管局同事也去上環瑪麗醫院營運的中心。 聽回來大家的feedback 也是非常好的。 如果 有得好似openrice 咁樣畀分,相信大家都會畀五粒星。( 唔計打手)

以筆者的 第二針個人經驗為例。 首先在網上預約打針的時間。 因為遷就了 工作的安排 ，我第二針也延遲了兩次， 網上去改也不困難。 不過要首先check清楚你想轉嗰日有冇位， 有的話就取消原本的預約， 馬上重新登記。 登記非常簡單，登記後馬上會收到SMS 作為預約證明。

到了打針當天， 第二針的時候畀第一針多人。 但雖然係咁場地非常大 ，人手也充足。 而且人員都非常友善， 有一些人去錯地方晚上會有人溫馨提示。 在登記處交出身份證和sms 證明， 就馬上分配坐喺教育區嗰度。 筆者早了幾個字去 ，也沒有問題。 坐喺教育區等了大概十分鐘， 有一些義工又或者是醫護學生免一些有冇藥物敏感一些簡單問題， 在問下上一針有冇特別反應。 而且係逐個逐個人咁樣問， 安排非常妥當 。最後再重新睇一次須知。 沒有其他疑問 就安排坐在等候區等候打針。

第二針人數較多，坐在等候區 ，都只係等了少於十分鐘。 主要係因為 協助打針的護士數目多， 而每一個 接種人是打針都係進入獨立的房間裏。 等了一段短時間 有職員便通知我進入其中一間房。 入到去之後 護士會 在核對好過人資料， 確認我知道 是打哪一種疫苗( 可能因為之前曾經有其他地方撈亂咗)。 簡單消毒一下打針都不用一分鐘就搞掂。 一啲都唔痛。

打完後便會獲得一張證明我打了兩針疫苗的證書， 中英文對照， 仲有QR code, 作為電子記錄。 跟著我變咗在觀察區過多十五分鐘， 呢個安排係預防某啲人 可能會出現不適或過敏。 過了十五分鐘自己便可以離開 ，臨離開前門口會有人贈送贈品。

整體而言整個過程非常流暢 順利， 場館環境非常舒服而且地方很大， 沒有擠迫的感覺。 重要的是來接種疫苗的人士 真的 什麼人也有， 外籍人士也有不少。 大家都非常合作，看著指示去 做 ，所有嘢都井井有條 。 冇話爭先恐後，又冇人突然間燥底話要做乜等咁耐。 冇平時去到人多地方嘈吵的感覺。 大家有沒有多說話，就算有時見到嚟打針人士應該係幾個朋友一齊嚟， 講嘢都特別細聲地面嘈到其他人。呢啲都睇到其實香港人真係好有公民質素。

相信其他疫苗中心情況也是差唔多。 對於疫苗而家全世界都搶貨， 異常珍貴， 甚至有錢都買唔到。 我聽到有德國人話， 他的朋友在德國也未打到BioNtech. 我哋香港竟然可以入口到德國的疫苗。 近來發現在外籍人士圈子， 他們都非常踴躍打針。這方便我們香港人應該感恩。

我上年都寫過一篇文， 講述醫療系統最重要係系統兩個字。( 有興趣自己爬文) 一個醫療系統的成功 其實唔係話淨係有幾多個醫生或者幾多個護士就可以搞得掂。 足夠的人手固然重要， 但更多的硬件，“ 軟件” ，約定俗成的習慣， 呢啲唔係一朝一夕可以做得到。

我成日都話以香港咁低嘅稅率， 可以做到一個咁有效的公營醫療系統， 再加埋一個成熟的私營雙軌道進行。 而且兩者的質素有得到保證， 真的不要take it for granted. 一個好的醫療系統 其實係有賴每一位市民努力維持。

不少癌症病人去到中期或以後, 因為癌症影響, 又或者接受了治療之後, 引起了體重下降, 有的甚至不斷瘦落去, 引起病人和照顧者的擔憂. 好多病人和照顧者都問, 究竟有什麼辦法可以令病人食得多啲, 增加番體重呢? 呢個係一個複雜的問題, 以下是從中西醫角度講解.

首先癌症病人體重下降, 原因有很多, 要先找出原因先至可以對症下藥. 例如某部分病人係因為頭頸癌或者食道癌, 進食嘅時候有疼痛或阻礙, 這種情況是因為食得少而引起, 可以考慮進食流質食物或稍為改變餐單, 令到病人可以容易啲吞,就可以改善. 另外有一些病人是因為疾病或者化療後人氣長期肚瀉, 呢一個情況應該先調理腸胃, 找出引起肚瀉的原因. 例如中藥可以用健脾化濕升清, 又或者清熱去濕的方法治療. 有部分病人因為受了多種治療後, 小腸中的細菌菌群microbiota受到破壞, 好菌壞菌失衡. 呢個情況可以進食一些合適的口服益生菌, 一般情況很快會改善. 而且有好的microbiota, 亦會幫助消化和吸收. 但需要注意部分病人起初進食益生菌的時候, 反而會加劇了腸胃脹氣或肚瀉的情況, 呢個是因為小腸中的細菌正在調節, 解決方法是起初用低劑量慢慢地提升到正常劑量. 這樣可以減少起初進食的不適.

也有病人是因為胰臟或者肝膽癌症, 引起了膽汁又或者消化酶的阻塞不足, 引起吸收的問題. 這個時候可以服用西藥當中的胰臟消化酶補充劑, 也有一定的效果. 另外也有一些病人是因為疾病或治療後, 口中有苦味或怪味, 引起胃口不好. 呢個時候可以去搵一啲有營養和好味的餐單 (很快便會有一本免費網上書, 其中一部分會就住香港人嘅口味, 定出不同癌症病人不同階段可以煮的實用餐單, 推出的時候筆者定必在這裏通知!) 若然口中有苦味, 中醫可以用一些清熱解毒化濕的中藥去解決呢一個問題.

有些較為嚴重的病人, 西醫稱為惡病質 cachexia, 即係話無論進食幾多食物, 胃口有多好, 病人還是一路瘦落去.呢個係因為癌症嚴重, 癌細胞產生了不少發炎因子例如是interleukin 6. 呢啲發炎因子會引起身體的代謝問題, 引起身體的脂肪和肌肉慢慢溶解形成營養不良. 呢個情況其實但係靠增加進食也沒有太大幫助. 治療方法西醫方面較為棘手. 最重要的事針對癌細胞作出適當的藥物, 盡快壓力癌細胞生長, 反而體重有機會會升. 所以在門診當中有事病人和照顧者都會問, 病人不斷瘦, 係咪應該先補充足營養才進行藥物治療呢? 有些時候反過來係應該更加快用藥物. 否則時間越拖得耐, 身體只會越嚟越消瘦. (當然不同病人的病情不能一概而論)

中醫方面遇到這種情況, 可以用一些補益的藥物, 例如是益氣養陰的花旗參, 可以養陰的黃精, 生熟地. 若然有陽虛氣虛的情況, 也可以用北芪,黨參, 骨碎補,巴戟等等中藥. 同西醫 道理一樣, 有些病人病邪情況嚴峻, 呢個時候應該用 攻邪治癌症的中藥. 總之要透過中醫先診症才定下合適的藥物處方.

有些時候不少照顧者心情非常緊張, 見到病人不斷瘦下去 ,會不斷買營養奶叫病人由朝飲到晚. 但某些病人其實長為受不了這些奶類飲品, 飲料之後反而有反胃和肚瀉, 反而影響營養吸收. 所以都係嗰句營養奶唔係個個病人每一個階段都合適. 另外有一些病人可能做完化療後一兩天, 胃口稍為不好, 有點作嘔的感覺, 反而嗰兩天可以稍為小一點進食. 否則吃下去也只會吐出來不舒服. 等過多幾天胃口好了的時候, 才補充進食. 稍為食少一兩天不需要太大的罪疚感.

無論如何癌症病人體重下降係一個複雜的課題, 去定下處理的方案的時候, 要先請教自己的主診醫生.