2020精準癌症治療大事回顧(下)

2020精準癌症治療大事回顧(下)

  基本篇 發表留言   1 分

上回倒數了第十至六位,現在繼續看看第五至第一位吧!

5. HER2陽性癌症有望使用新型標靶藥物

最典型帶有HER2陽性這種特徵自然是乳癌,而在2020年裡,Margetuximab及Tucatinib這兩種HER2標靶藥通過認證,令HER2治療又添兩種選擇。

原來HER2陽性並非限於乳癌,其他如腸胃道癌症都有機會帶有。更令人振奮的是,一種嶄新並已在乳癌通過認證、針對HER2的「抗體藥物複合體」藥物,用於HER2陽性、常規治療失效的大腸癌及胃癌,研究數據於去年中發佈,顯示接近五成的部份緩解率(腫瘤直徑總和縮小三成或以上),而無惡化存活期亦比較常規治療延長一倍。現時這種用法正獲美國藥管局進行優先審批。

4. 擴散性非小細胞肺癌第一線標靶治療更多選擇

以往提到這種肺癌的標靶治療,大多指EGFR基因突變中所用的標靶藥,少數是針對ALK或ROS1基因變異的。去年間,針對較罕有的RET基因變異標靶藥Pralsetinib及Selpercatinib,以及有關MET變異的Capmatinib相繼通過認證,所以確診時可考慮把常見及不常見的基因一併檢驗,避免輪流驗浪費時間。

3. 更多生物相似藥登陸香港

標靶藥物費用高昂,在專利期過後發展及生產的生物相似藥是舒緩經濟負擔的方法之一!這些藥物同樣通過臨床實證,在外國已獲批使用多年,而在去年有幾種終於在本地正式上市,如抗HER2標靶藥及B細胞淋巴瘤的標靶藥,希望能惠及更多癌友。

2. 血液癌症基因檢測通過認證

我常常強調的其中一項精準癌症治療要義,就是精準治療始於精準檢測。以往醫生用以判斷各種標靶藥是否合用,主要利用抽組織或手術而得的腫瘤細胞進行癌症基因體檢測。至於血液癌症基因檢測(又稱為液態活檢)在正常血液內找出浮游癌細胞如大海撈針,敏感度一般較低,以往除特定情況外並不建議以此為用藥根據。但技術日漸成熟,2020年中,美國藥管局首次接納以血液廣譜癌症基因體檢測指導用藥,意味着多種癌症患者尤其取樣困難或不足時,不一定需要抽組織才可進行檢測。當然,若血液檢測陰性,還是可以加驗腫瘤組織作實。

1.精準癌症治療在疫情下更顯重要

新冠病毒在2020年全球肆虐,大事回顧第一名恐怕非它莫屬!疫情對於癌症患者的各方面都影響極大,包括親身覆診的次數不免減少,又或被視頻會診取代,這令精準癌症治療—提升療效、避免不必要的副作用—的重要性更明顯了!

而在通過藥管局認證的新標靶藥中,有不少能減少癌友到醫院的次數及逗留時間。口服藥物包括上文提及的Avapritinib, Repretinib, Tucatinib, Selpercatinib, Capmatinib 等;一些本來只有靜脈滴注的標靶藥,例如針對骨髓瘤細胞上CD38的Daratumumab 以及針對乳癌細胞上HER2的Pertuzumab及Trastuzumab,都在去年通過新的皮下注射配方,治療時間由數小時大大減到數分鐘。另外,本來三星期一次的免疫藥物Pembrolizumab,現時可考慮改變劑量六星期才注射一次。

2020確是不容易的一年,但科學卻未停下腳步。新的一年,我們大家一起努力吧!

黃曉恩醫生
內科腫瘤科專科醫生

 

肺癌病人要求將IMpower150肺癌組合藥物納入治療藥物方案以延續存活希望

肺癌病人要求將IMpower150肺癌組合藥物納入治療藥物方案以延續存活希望

26-1-2020

由左至右:肺癌患者林女士、癌症資訊網慈善基金主席方嘉儀女士、香港肺癌學會會長區兆基醫生以及癌症資訊網慈善基金創辦人吳偉麟先生

2021年1月26日,香港】目前,本港很多肺癌患者正飽受癌症煎熬,為了求活而耗盡畢生積蓄,身心俱疲。一直與癌症病人並肩同行的癌症資訊網慈善基金今日反映了病人的要求,希望醫院管理局考慮將IMpower150治療肺癌組合藥物、免疫治療(阿替利組單抗)、抗血管增生標靶藥物(貝伐珠單抗)和化療組合一併納入治療藥物方案內,以延續他們的存活希望。

根據最新數字,2018年本港的肺癌新增個案為5,252宗,死亡率51.7%,在十大致命癌症中排行首位。

肺癌病人的訴求 

今年初,癌症資訊網用網上問卷形式,訪問了超過100名跟肺癌相關的人士。當中,95%受訪者認為目前政府提供的肺癌支援並不足夠,希望可以改善的首四個支援項目是藥物治療方面的資助和支援、醫院臨床服務、社區支援和心靈及情緒支援。六成人在治療失效後,會選擇下一線治療方案,但93%受訪者擔心缺乏下一線的治療方案。更令人憂心的是,九成人對要支付治療藥物的費用而感到壓力,而近三成人更曾經因為缺乏藥物支援而中斷治療。

癌症資訊網慈善基金主席方嘉儀小姐表示:「九成受訪者希望政府能增加受資助的藥物數量,而近八成半人士希望加快審批藥物並引進到計劃項目內,更有98%人士希望政府可於半年內引進療效更好的一線肺癌藥物到關愛基金計劃內,讓病人可以獲得更快、更適切的治療,這同時也是癌症資訊網慈善基金所盼望的。」

肺癌治療新趨勢

肺癌的治療方案要視乎患者的年齡、身體狀況、癌細胞的種類、大小、位置和擴散程度。早期可以進行外科手術,中期用電療或化療,而晚期則有標靶治療、免疫治療、抗血管增生和化療等方案。

對於EGFR基因突變的晚期(轉移性)非小細胞肺癌患者,一線治療為EGFR-TKI標靶藥物。現時,當一線治療無效時,病人可以根據醫生建議,採用重新激活免疫系統對付癌細胞的免疫治療,作為二線治療方案。

當EGFR-TKI標靶藥物失效後,目前亦出現了IMpower150治療肺癌組合藥物,即由阿替利組單抗、抗血管增生藥和兩種化療藥組成的四藥聯合治療。香港肺癌學會會長區兆基醫生表示:「IMpower150的第三期臨床研究顯示,使用阿替利組單抗四藥聯合治療,無惡化存活期的中位數可以由6.1月提升至10.2月,而24個月整體存活率更可以由43.3%提升至73.9%。更值得指出的是,新療法的耐受程度普遍理想, 並沒有顯著增加的安全風險。」

真實求助個案

一名確診時為期數4A的58歲患者,使用第二代EGFR標靶藥物兩年左右開始出現抗藥,只能使用IMpower150。雖然該藥物已獲納入藥物名册,但仍未有受到任何基金的資助,患者家人每三星期要花兩萬元。

文: 癌症資訊網

 

羅英敏先生

羅英敏先生

羅先生在香港理工大學獲得物理治療學(榮譽)理學士,並在澳洲墨爾本大學取得物理治療學(肌肉骨骼科)碩士。他于英國謝菲爾德大學獲得哲學碩士(主修醫療衛生服務研究學)。

他是香港理工大學康復治療科學系臨床導師(物理治療) 。香港理工大學康復治療診所顧問。香港理工大學的運動員訓練及康復計劃統籌 。曾任物理治療碩士(中國) 及物理治療碩士課程之臨床教學統籌。曾任香港復康會一級物理治療師,曾任四川地震災區社區康復資源中心隊長,是創始人之一。四川省汶川地震發生後,他曾於四川省內多個災區建立和管理四川地震災區社區康復資源中心,提供災後社區康復服務。

他是國際物理與康復醫學學會災害康復委員會委員。國際輪椅及截肢體育聯會的國際殘疾級別鑒定委員會委員和高級國際級別鑑定師(輪椅劍擊)。澳洲物理治療學院院員。澳洲肌肉骨骼科物理治療學會會員。英國皇家公共衛生學會會士。英國康復研究學會會員。香港強直性脊柱炎協會醫學顧問。香港物理治療學會終身會員。香港殘疾人奧會暨傷殘人士體育協會義務醫療隊成員及義務隊醫。他曾獲邀擔任官方國際級別鑒定師,包括2014年在韓國及2018年在印尼舉行的殘疾人亞運會。

他獲得歐洲中風研究基金會頒發的研究員獎,並獲得國際教學科技獎銅獎。

 

Law Ying Man (Angus)

 

Angus received his Bachelor degree in Physiotherapy at the Hong Kong Polytechnic University (PoyU), Master of Philosophy degree (major in Health Services Research) from the University of Sheffield in the United Kingdom (UK) and Master of Physiotherapy degree (Musculoskeletal Physiotherapy) from the University of Melbourne in Australia.

He is a Clinical Associate in Physiotherapy (i.e. Lecturer) teaching physiotherapy programmes for PolyU and a Consultant in Physiotherapy for the Rehabilitation Clinic of PolyU. He was the Clinical Coordinator for the Master in Physical Therapy (China) and Master of Physiotherapy programmes of PolyU within the mainland China and in Hong Kong. He was the Team Leader and Physiotherapist 1 of the Hong Kong Society for Rehabilitation for the Community-Based Rehabilitation Resources Centre for Earthquake Zones in Sichuan after the Wenchuan earthquake occurred in the mainland China.

He is a Committee Member of the Disaster Rehabilitation Committee of the International Society of Physical and Rehabilitation Medicine, an International Committee Member and International Senior Classifier for Wheelchair Fencing for the International Wheelchair and Amputee Sports Federation. He is also a Fellow of the Royal Society for Public Health and a Member of the Society for Rehabilitation Research in the UK. He is a Member of the Australian College of Physiotherapists and a Member of the Musculoskeletal Physiotherapy Australia of the Australian Physiotherapy Association in Australia. He was an Official International Classifier for Wheelchair Fencing in international sports events including the Para-Asian Games in Korea in 2014 and in Indonesia in 2018. He is a Medical Advisor of the Hong Kong Ankylosing Spondylosis Association and a Member of Volunteer Medical Team of Hong Kong Paralympic Committee and Sports Association for the Physically Disabled.

He was awarded with the Investigator Award by the European Stroke Research Foundation and won a Bronze Award in the Learning Technologies Awards (in the Best use of mobile learning category) in London.

 

劉少懷醫生

劉少懷醫生

 

 

性別︰
專業資格︰ 香港大學內外全科醫學士
英國皇家內科醫學院院士
澳洲新南威爾斯大學衛生行政學碩士
  註冊專科︰ 西醫,內外全科
地址︰ 香港九龍佐敦德興街12號興富中心13樓1305室
地區︰ 佐敦
執業類別︰ 私人執業
語言或方言︰ 廣東話, 英文, 國語
醫療服務項目︰ 內外全科,疫苗接種
在診所以外所提供的醫療服務項目:
使用醫院︰  
辦公室電話︰ 3619 7661
辦公室傳真︰ 3619 7610
傳呼機 :
診所網頁︰ www.easyhealthcare.com.hk
電郵地址︰ [email protected]

 

 

那些癌症教曉我們的事(3)- 對自己好啲, 別做”爛好人”!

那些癌症教曉我們的事(3)- 對自己好啲, 別做”爛好人”!

除咗學識要收順啲, 仲要學識對自己好啲! 經常發現, 做老師,銀行業或者社福界嘅病人都好容易生Cancer! 一方面佢哋好識得虐待自己, 經常挑戰人體極限! 另一方面佢哋亦都有一啲好識得虐待佢哋嘅上司……呢啲都唔係世衛認可的一級致癌物! 所以防不勝防!

所謂”爛好人”, 就係毀曲自己成全身邊所有人嘅人! 即係唔識得 Say “No”嘅人, 就連生Cancer 都要一個星期後先至請病假嘅人, 因為佢哋好有責任心, 不但止要對上司負責, 還要對同事負責, 但係對自己唔負責! 最恐怖嘅係, “爛好人”一般都係走火入魔, 要佢哋 say “No” 仲難過叫佢哋將啲嘢做曬! 要佢哋 say “No”, 佢哋會成晚都瞓唔著! 完全唔覺得自己喺度虐待緊自己, 好恐怖! 最恐怖嘅係, “爛好人”+ 虐待人嘅上司+自私嘅同事= 遲早生Cancer! 只係遲定早的問題. (溫馨提示: 最好買重保險, 因為保險公司仲未識得將呢啲風險事項加loading!!🙈)

劫後重生, 重回工作崗位的”爛好人”, 一般都會萬劫不復! 通常”爛好人”都會以為放完病假之後, 重回崗位嘅時候, 大家都會對佢哋體諒啲, 做嘢應該會順利啲, 日子應該會好過啲! 呢樣嘢好講彩數, 其實出得事嘅”爛好人”好多時候身邊都係冇乜好人, 如果唔係”爛好人”都應該唔會出事, 所以千祈唔好期望過高! 你返得工, 人哋就預你做得嘢, 而且仲要預你做返之前嗰份, 千其唔好咁天真! 已經見過無數病人, 復工後繼續日日夜夜被折磨, 然後身體陸續出現唔同程度嘅問題, 焦慮事小, 抑鬱,復發事大……所以, 一定要學識保護自己, 對自己好啲!

那麼, 如何脫”爛”呢? 正所謂冰封三尺非一日之寒, 江山易改, 本性難移! 脫”離”對於爛好人來說同戒毒應該都冇乜分別! 劫後重新仍要返回舊路的話, ”爛好人”將來一定會後悔, 所以再難也要改變自己, 對自己好啲! 為咗份工冇命, 只會多一個花牌, 多一啲帛金, 公司永遠冇話冇咗邊個唔得! 但係對於屋企來說, 就冇咗一個重要嘅成員!

首先, 唔做”爛好人”不等於做壞人! 只係對不合理嘅事 Say No, 而唔係欺壓身邊嘅人! 要糾正慣性把”不合理的事合理化”的思想, 訂立善良的底線! 一旦過咗底線, 就要 Say No! 通常最難都是頭幾次 Say No, 練習多了, 便熟能生巧! 慢慢便會適應下來!

其次, 千萬不要心存僥幸! 以為時間會將身邊的壞人 (e.g. 變態上司, 自私同事) 變走, 這個發生的可能性很低, 因為”爛好人”通常都會短命啲 (變態上司, 自私同事通常放負能力極高, 身體都健康啲), 鬥長命輸硬, 所以, 要坐言起行, 對自己好啲嘅計劃要即時生效!

由於我太多病人都係”爛好人”, 自己以前都係”爛好人”, 好多病人都提醒我唔好步佢哋後塵, 所以我已經 level up, 冇做”爛好人”好耐, 我係一個合理嘅好人😆, 大家都要一齊努力啊!

 

黃麗珊醫生
臨床腫瘤科專科

那些癌症教曉我們的事 (2)- 點樣為之收順啲?

那些癌症教曉我們的事 (2)- 點樣為之收順啲?

之前同大家講過收順啲,身體都好啲! 但係點樣可以做到收順啲?其實知易難行, 每天都要持續修煉! 簡單啲嚟講, 每當你遇到有一啲你覺得唔係好順嘅事, 你覺得有壓力嘅事, 都可以停一停! 諗一諗, 唔好畀自己中自己嘅圈套!

其實每一日大大小小嘅事都有機會係完美主義set嘅圈套! 簡單如食飯, 其實已經好多病人好煩惱!! 100% 病人都會問我關於戒口嘅事. 其實西醫角度嚟講, 除咗高血壓, 高血脂, 糖尿病, 痛風症和過敏症有關的病等等一定需要戒口之外, 大部分疾病包括腫瘤, 一般都冇需要戒口. 腫瘤科醫生一般都會建議均衡飲食, 注意衛生, 多菜少肉, 紅肉比例要比較少, 避免用高溫烹調肉類, 避免攝取過量熱量, 對於乳癌病人, 我們會建議避免進食含有雌激素成分的食物, 整體來說, 我們就只有這些建議了.

由於網絡世界充滿著氾濫嘅資料, 似是而非, 而且有啲又唔 update, 再加上姨媽姑姐同埋大量朋友嘅溫馨提示, 你唔難發現, 如果跟足網絡資料再加埋親朋戚友嘅建議, 其實乜嘢都唔可以食, 即係話……地球真係好危險, 食乜嘢嘢都有機會令腫瘤復發! 食啖飯都好大壓力! 食啖飯負能量都爆標! 就算食啲乜有營養而又健康嘅嘢你都唔會吸收得到, 但一定會吸收到負能量. 一日又要食三餐, 食足三餐負能量, 係唔係好大鑊先! 而且, 大部份嘅飯餸已經係非常清淡, 要極大嘅意志力先至可以長時間食淡而無味嘅食物, 真係人都癲! 所以, 記得要收順啲! 只要遵守基本大道理又食得開心係最緊要嘅, 間唔中放下自己假, 一次半次食啲唔係好健康但有益心靈嘅嘢都冇乜所謂! 如果唔係便會喪失抗癌嘅鬥志, 得不償失.

除咗食嘢之外, 日常生活每一件事都可以練習, 如果你搭唔到一班車, 你嘅心情可能好差, 覺得嘥曬啲時間, 或者呢一樣係一個天意, 你可以一路等車一路試下做拉筋練習, 又可以一路練習靜觀, 話唔定下一班車少啲人搭, 坐得輕鬆啲, 永遠冇人知點樣嘅安排才是最好的, 就讓我們嘅人生順着安排而行, 就是所謂的收順啲!

即使我係醫生, 在別人的眼中事業有成, 事事如意, 亦並不是大家想象的活得那麼輕松! 其實我每天都在不同的崗位打怪獸! 我每天都是很努力地學習如何收順啲, 對自己好啲! 大家要一齊努力!

P.S.
這張相是昨天我們一家到錦田打理田園時拍攝的, 多功能公公和我在努力收割, 爸爸和兩個女兒在hea, 如果一個阿媽見到兩個女坐得咁哩啡, 一啲都唔似女仔, 仲要掛住睇電話唔幫手! 作為一個醫生, 見到佢哋坐姿唔正確會傷害脊椎, 影響日後發展, 睇電話會傷害眼睛, 亦會影響專注力, 影響學習進度……好難唔眼火爆! 但諗深一層, 又覺得呢個畫面其實都幾溫馨, 都係收順啲好…..結果我家有一個美好的週末.

黃麗珊醫生
臨床腫瘤科專科

那些癌症教曉我們的事 (1) – 凡事收順啲,復發都少啲!

那些癌症教曉我們的事 (1) – 凡事收順啲,復發都少啲!

無數嘅病人都同我講過覺得好唔甘心好唔抵, 因為佢哋從來都非常注重健康, 不但止冇不良飲食習慣, 而且作息定時又有適當運動, 冇食煙冇飲酒, 又冇家族史,亦都冇做過任何傷天害理嘅事, 點解會生Cancer! 相反, 有啲又煙又酒嘅人又好好地, 乜事都冇, 真係令人好唔憤氣.

即使現在醫學科技發達, 我哋仲未有方法可以準確掌握每位病人之所以患癌嘅原因, “唔好彩”就變成唯一嘅成因了! 向來鍾意同病人吹水嘅我, 其實發現好多病人都有一個共通點, 就係唔知道自己用好大嘅力氣去維持健康嘅生活習慣! 結果無時無刻都活在壓力當中而不自知. (e.g. 連食碗公仔麵都覺得好邪惡!). 其實呢類型嘅人唔單止係生活習慣上無時無刻都有無形壓力, 其他所有大大小小的事都是追求完美而不自知, 大部份都係非常做得野嘅人, 所以一旦有病嘅時候, 都會覺得好大鑊, 一方面好難接受自己又 Cancer, 另一方面覺得如果自己要停下來醫病的話, 頭家會散, 同事會好大鑊, 唔好意思做死啲同事……Stop! 有病嘅時候竟然唔係諗自己先, 有冇諗過其實呢一個係一個病態! 甚至有啲變態! 變態而不自知, 更變態!! 相反, 又煙又酒又經常爆粗嘅人, 因為佢哋實在太過善於釋放負能量, 反而身體健康! 我哋唔係鼓勵大家食煙飲酒同爆粗, 而係我想強調”負能量”比一級致癌物更加毒!!

我經常同病人講, 唔好將生 Cancer 諗成人生嘅一個 FULL STOP! 應該將佢諗成爲一個 PAUSE! 如果冇呢一個 PAUSE! 你唔會有呢個機會停下來, 好好反思一下你嘅人生! 生老病死係每一個人人生嘅必經階段, 如果喺人生比較早嘅階段便要面對生Cancer, 呢個苦難可能係對你有一啲嘅信息! 一啲嘅人生體會! 唔難發現, 唔病都唔知原來自己好幸福, 原來身邊有好多關心自己嘅人 (甚至有太多人關心, 覺得好煩.), 亦都有人發現, 原來自己好禁捱! 畢竟從前健康嘅生活習慣令佢哋接受治療嘅時候承受副作用嘅能力都比較高, 所以之前嘅努力其實一啲都冇白費!

曾經有一個獨居冇乜朋友又有嚴重抑鬱嘅病人問我, 我唔知我生存為啲乜? 點解天父只會比苦難我, 一啲關心都唔俾我? 作為一個醫生, 我唔可能為每個病人定下生存意義, 我只可以講, 一日天父未 call 我哋返天家, 我哋總有啲用處, 你而家唔知道, 你將來一定會知道! 你既然生Cancer都唔死得, 因為抑鬱呢個病你又唔驚死, 你我有緣相會, 有機會俾我關心你(要知道,就算有錢要到我診所見我,亦未必可以安排到🙈), 我相信呢一個唔係一個偶然, 就讓大家每天都坦蕩蕩地活着, 只有活着, 才有機會找到生存的意義!

趁著治療腫瘤呢個長假期嘅時候, 可以好好反思一下, PAUSED 完結之後你想過怎樣的下半場! 在此, 我想溫馨提示一下大家, 學會”凡事收順啲”, 你嘅下半場一定會好過啲, 你嘅家人亦一定會好過啲! 千祈唔好輕視負能量對身體嘅影響! 要知道, 對每件事都過分執著未必有你預期嘅效果, 但當中引起嘅負能量對你嘅身體一定有影響, 對你的家都一定有影響. 學會收順啲, 負能量都少啲!

人嘅身體同埋心靈都總有瑕疵, 接納不完美, 凡事收順啲, 病痛都少啲, 這個是一世人的修行, 我們大家都要努力!

 

黃麗珊醫生
臨床腫瘤科專科

 

眾籌計劃 –胰臟癌病情嚴重 盼捉緊治療希望 (CIPSF-201204) 

胰臟癌病情嚴重 盼捉緊治療希望 (CIPSF-201204) 

劉先生在 2019 年在一次唱歌活動進行中,發現嘴角突然歪斜,口水不自覺溢 出,被送院發現腦中風,在醫院醫治期間,醫生發現他的胰臟有黑影,最後被 確診胰臟癌,而且腹脹腰圍至 38 吋,足足脹大了 6 吋。

劉先生一直是單身人士。現獨居於公屋。親友不多,只有一位年老哥哥同在香港生活,其餘皆在內地,所以劉生的支援網絡較弱。發病前,劉生從事職業的士司機,收入能自給自足。但發病後,身體未能應付任何工作。

劉先生每月只靠綜合社會保障援助維生。但需要自費 SFI TS-1 化療藥費十分昂貴,對鄧生已是天文數字,無力承擔。 現盼望籌募$72,000 作藥物費用。

 

檔案編號:  (CIPSF-201204) 

捐款項目名稱: 

善長捐款方法: 胰臟癌病情嚴重 盼捉緊治療希望

點擊以下可選用之捐款方法,頁面將會自動連結到捐款協辦單位網頁內. 

信用咭 網上銀行 網上繳費靈 便利店
Paypal 銀行轉賬 電話繳費靈 支票

 

捐款協辦單位 : 「意贈慈善基金」

眾籌計劃 –肺癌四期媽媽 盼見證女兒健康成長 (CIPSF-201202) 

肺癌四期媽媽 盼見證女兒健康成長 (CIPSF-201202) 

詹女士在 2016 年確診非小細胞肺癌(第 四 期),並擴散至淋巴組織、胃部、盆骨及脊椎,令致 T6 及 T7 脊椎骨下陷,痛症頻生。 詹女士由 2016 年起努力配合治療,奈何藥物一次又一次對她起不了療效。故醫生就詹小姐現時病情,建議只可嘗試用IMPower 150 (Atezolizumab, bevacizumab, paclitaxel and carboplatin combination) 來醫治,而這種藥物並不在藥物名册 內,亦未有受到任何基金資助。

詹女士自癌症確診後,因身體機能大衰退,出入都要靠拐杖來扶助,加上痛症不斷,大大影響睡眠質素,身體狀况令她無法工作。早年詹女士與丈夫關係緊張,丈夫更一度搬離住所,現關係漸漸改善,丈夫亦搬回同住,來照顧詹女士及女兒。詹女士不希望放棄治療,以求爭取更多時間陪伴正值青春期的女兒及與丈夫修補關係。

詹女士一家現時只靠每月的社會保障綜合援助金 及丈夫從事保安工作來維持生活,並無能力支付藥費開支。
「意贈慈善基金」現開設專頁為「非小細胞肺癌四期媽媽 盼見證女兒健康成長 」公開募捐,現急需籌募約港幣$80,000作為藥費所需。

檔案編號:  (CIPSF-201202) 

捐款項目名稱: 

善長捐款方法:肺癌四期媽媽 盼見證女兒健康成長

點擊以下可選用之捐款方法,頁面將會自動連結到捐款協辦單位網頁內. 

信用咭 網上銀行 網上繳費靈 便利店
Paypal 銀行轉賬 電話繳費靈 支票

 

捐款協辦單位 : 「意贈慈善基金」

眾籌計劃 –乳癌四期媽媽盼延續生命伴愛兒成長(CIPSF-201203) 

乳癌四期媽媽盼延續生命伴愛兒成長(CIPSF-201203) 

胡女士在 2011 年確診乳癌,並發現擴散至骨及肺部,先後完成左右胸切除手術、化療及電療,胡女士確診乳癌時尚屬年輕,為減輕患上卵巢癌風險,醫生建議需自費注射荷爾蒙針藥 Leuprorel Acetate。

胡女士努力面對各種治療的同時,丈夫得知胡女士確診乳癌,需進行切割乳房手術,及後感情生變,最後亦離婚。胡女士現搬回與雙腳因膝關節退化行動不便的母親及患上專注力失調的兒子同住。

因為患病及接受治療,身體狀況已無法出外工作。現在積蓄亦已耗盡,惟一直依靠綜合社會保障援助金來應付日常開支,經濟狀况已捉襟,更加沒法負擔額外醫療開支。

胡女士期望透過社會有心人士的捐款,讓她能繼續接受治療,

盼延續生命伴愛兒成長。

 

檔案編號:  (CIPSF-201203) 

捐款項目名稱: 

善長捐款方法:乳癌四期媽媽盼延續生命伴愛兒成長

點擊以下可選用之捐款方法,頁面將會自動連結到捐款協辦單位網頁內. 

信用咭 網上銀行 網上繳費靈 便利店
Paypal 銀行轉賬 電話繳費靈 支票

 

捐款協辦單位 : 「意贈慈善基金」