作者：Dave

<疫情爆發，或自己被隔離, 前列腺癌電療怎麼辦?>

第五波又再爆發, 其中癌症病人嘅治療可能會受到影響. 無論病人是在公立醫院或者私家醫院接受治療, 都可能因為醫院有疫情爆發, 又或者擔心人多而受到延誤. 其中以 #前列腺癌 為例, 不少前列腺癌病人都需要做 #電療 作為 #根治性的治療 , 但因為電療嘅次數多每天進出醫院, 令到唔少病人都擔心 ，假如有爆發甚至自己確診了， 應唔應該暫停前列腺癌電療呢？

簡單答案係, 前列腺癌電療， 不應該隨便暫停或者中斷！ 因為咁樣有機會影響前列腺癌痊癒嘅機會。
今日先有一個病人， 正在做前列腺癌手術後嘅電療, 剛剛開始電療就遇到第五波疫症爆. 在醫院人多， 又好擔心自己萬一確診又或者成為密切接觸者，在家居隔離應該如何辦呢?

首先要明白一個原則, 新冠肺炎 假如是在已經 發生在打疫苗嘅病人身上, 絕大部分都係輕嘅症狀死亡率甚低. 反而如果是 原本可以根治嘅前列腺癌， 因為各種 延誤，影響了治療，癌症的死亡率可能更高!

所以對於前列腺癌病患者， 假如是以開始做電療, 萬一是確診又或者是懷疑確診, 假若是症狀不重的, 垵衛生防護中心的建議先做快速測試和核酸測試。 無論是在公立醫院電療或者是在私家醫院電療, 要馬上通知治療嘅醫院部門, 經過兩年嘅疫情醫院一般都知道如何處理。 很多時會要求病人 戴口罩和著保護衣到醫院做電療， 而且通常 病人會放在每天電療的最後時間， 以方便馬上清洗消毒電療房間。 總之中嘅原則係盡量唔好耽誤電療， 無論如何先忙醫院溝通讓醫院作出最好嘅安排。

除非是發生了重症要進醫院治療， 那麼電療嘅安排就要稍作更改。 若然當中因為入院而延遲了完成電療， 一般醫院的醫學物理學家和醫生會計算電療嘅劑量同埋排程， 再去作出補救性嘅電療劑量和次數.

所以病人不需要太擔心， 最緊要先通知醫院!
假如只是密切接觸者, 又或者家居有確診人士, 而沒有病徵. 假如快速測試等自然都是陰性的話, 做足一般嘅戴口罩和手部衛生， 一般醫院都唔會要求延遲電療。

另一方面 ，另外假如前列腺癌剛剛確診， 需要進行根治性的電療。 想盡量減少外出去醫院的次數， 那麼怎麼辦呢？
以往傳統嘅前列腺癌電療一般電三十多次， 每天一次 ，星期一到星期五進行， 總共差不多要七至八個星期才可以完成。 但近這十年電療技術和影像導航等方法越嚟越進步， 現時 不少前列腺癌患者 電療已經可以減少至20次， 更有不少可以採用 只需要五天便完成治療嘅 #立體定位放射治療技術！ 研究證明不單止 治療嘅效果等同傳統電療 , 甚至顯示副作用 比傳統電療較少。 確實時方便了病人， 也減少了病人經常來回醫院嘅痛苦。 呢方面病人可向自己主診醫生查詢!

另一方面 不少前列腺癌患者 需要電影嘅時候也同時需要使用荷爾蒙針藥, 假如是想暫時延遲電療到一至兩個月之後， 等到疫症較為穩定先進行根治性嘅電療。 可以先進行荷爾蒙針藥嘅療法 一至兩個月， 咁樣做不會影響病人跟自己會和生存機率， 而且荷爾蒙針唔同化療係唔會影響 病人嘅免疫力, 亦都唔會增加感染嘅機會. 咁前列腺癌患者就可以 安心咁樣先進行針藥治療， 睇定啲先開始電療！

無論如何 每個病人情況唔同 ,前列腺癌患者在呢段期間如何使用各種電療嘅策略, 記得先請教下大家嘅主診腫瘤科醫生了!

#蘇子謙醫生
#蘇子謙中醫師
#中西醫結合
#前列腺癌電療

蘇子謙醫生 (臨床腫瘤專科及註冊中醫師)

今日講下如何利用中西醫方法 ,減低小朋友種中疫症嘅機會, 亦會講下假如中咗之後 ,在家等候期間, 家長可以如何處理.

琴日講咗一些 理論，解釋咗為何小兒病人在第五波疫症之中好像較之前幾多嚴重. 呢個可能係我哋表面睇得到的 現象, 但實際上在西方國家暫時嘅數據， 在這一波疫情之中 ，兒童的死亡率其實沒有太大分別。 當然當患病人數越嚟越多， 就算入院比率沒有增加？ 入院嘅病人多了也會對香港嘅社會構成壓力。 另一方面 病情在香港也不一定要西方國家類近， 因為這次 疫情還沒有過去很多數據還在收習集階段，而且疫情嘅發展仍然未知道， 實質嘅重症比率和入院比率還有待核實。

香港的居住環境 和西方不同, 再加上近這兩年真的嚴守戴口罩等策略 ，免疫力可能有所不同。 所以不可單是引用西方嘅數據而掉以輕心。 詳情可以參考我昨天寫的文章 。

今日我會講一些較為實際的建議， 去給各位家長去參考。 希望略盡綿力幫助到感到無助的 病人和家長。
要保障小朋友安然渡過這次疫情. 唔能夠唔講疫苗. 現時香港獲批准了五歲以上可注射服必泰疫苗, 另外三歲以上可以注射科興疫苗。網上嘅各個群組喋喋不休, 不少家長正在苦惱應不應該打針, 又或者究竟把那一隻較好， 較為適合自己的小朋友。

呢方面近這一星期兒科學會都已經有所指引 同埋討論, 我喺呢方面唔想再重複. 但總體嚟講 ,當我哋決定打唔打疫苗嘅時候, 其實係一個風險與益處嘅評估. 即係簡單講著數大啲嘅就打, 冇乜著數嘅就唔打. 早兩個月前, 當大家還未意識到 香港可能大規模爆發疫情, 當然大家都唔想打. 但現在社區爆發嘅風險係實在清澈可見, 不少家長也改變過往的 諗法.

有一些小朋友可能過往 有一些疾病, 令到家長都十五十六,唔知道應唔應該打針. 例如有家長問我，他的小朋友曾經患過川崎症, 究竟可唔可以打針呢? 甚至有小朋友是長期病患正在服藥, 能唔能夠打針呢? 又有小朋友曾經 接種疫苗後有一些不良反應, 究竟可唔可以打針呢? 其實每個小朋友 嘅情況都不同, 而且小兒嘅疾病一般較為複雜, 好難一概而論 .所以我衷心建議如果有家長有以上嘅疑問, 去打針之前真的先請教兒科專科醫生. 就好似近這一兩年 不少成人在打疫苗之前, 都會先做一個身體檢查一樣. 若然有所擔心，應該先找兒科專科醫生檢查和諮詢一下.

首先講下 除咗疫苗之外，中西醫兩種方法如何預防。盡量暫時減少外出， 戴口罩勤洗手等等就唔使再多講。 從中醫角度睇, 尤其是近幾天的天氣, 要避免小朋友受寒. 一個人假如受寒 ，特別係風寒從頭部或者頸部 吹過來的 最容易受寒（ 膀胱經絡)， 受寒後身體的免疫力會減低。 用現代嘅術語講 ,受寒後 ,鼻部黏膜 免疫力會減低， 更加容易感染病毒. 所以小朋友要特別注意頸部 和背部 嘅保暖 . 另一方面, 最容易感染風寒， 的時間係瞓覺嘅時候。

假如小朋友的房間窗門係向住北面, 呢樣東西 更加要留意. 有很多小朋友 有時唔知點解鼻敏感等醫都醫唔好, 同睡房嘅位置同埋窗邊漏風有關. 喺呢一方面家長要留意一下， 作出一些補救措施。

另一方面也是不少人忽略的, 是食物的問題. 其實假如腸胃受寒，肺部也更加寒。 內外受寒更加容易感染外邪。 所以喺呢個時候要 減少 小朋友進食雪糕品生冷食物。 我諗呢方面好多家長都知道。 但另外也要留意避免食滯. 中醫兒科有講 假如 小朋友感受外邪以後, 再加上食滯病情會更加重。 所以中醫治療小朋友 ，很常見會加一些化滯的藥。 調返轉頭如果暴飲暴食, 不斷進食各種零食, 也使 身體更加容易感受外感。 呢個係中醫所講肺胃相通。 呼吸系統和消化系統都係身體接觸外界細菌病毒等嘅第一防線， 黏膜嘅免疫力兩者也是相同的， 呢方便各位要留意。

那麼更多人 問一問題係, 中醫究竟有何預防的藥物可以用呢?
上星期哪一個post後, 收到大量嘅inbox 詢問預防藥方, 我都已經盡量回答. 但是因為facebook messenger 的功能 麻麻地再加上 工作繁忙, 有時遺漏或者延遲回覆煩請見諒.

上星期我所寫的預防藥方, 只是給12歲以上人士使用. 不少人希望我寫出預防嘅方藥給小朋友使用. 網上也有不少人 推出各種湯水, 但給小朋友的中藥和成人的有點不同. 第一要留意一些較為強烈藥性的中藥小朋友應該盡量避免, 第二分量要輕， 而且服用時間嘅長短非常講究。 不需要長期服用， 呢個係傳統中醫兒科所講用量輕，用量少一脈相成。 西醫也有根據小兒嘅年齡和體重去調較劑量， 其實都係同一道理。 第三是 假如小朋友有其他長期疾患， 一定要先看中醫才可以開出預防處方。 總之給小朋友嘅預防處方一定要謹慎， 呢個係用中藥 嘅原則。

所以若然你想要預防處方, 留意這處方只適合3至12歲小兒使用， 有長期疾患需要長期服食藥物, 又或者是有蠶豆症g6pd 的 #不建議使用 。
若然你睇到呢一度真的有興趣, 請你在呢個post之下留言 #小兒預防藥方 ( 不要inbox我 ,我睇唔切亦都覆唔切 …) 留言之後我喺未來一兩天會inbox 給你。 （ 呢個係因應facebook business suite 嘅改動, 咁樣做 我冇咁易miss咗你哋嘅message) 留言後亦代表你明白了我以上所講的東西。

另一方面假如小朋友不幸中招了, 在家中發燒和有其他症狀，但又暫不需要去急症室或住院處理， 家長應該如何處理呢? 大家都知道喺呢個情況下， 其實係很難搵醫生親身睇。 好多家長都同我講真的唔知點算。

除咗打醫管局嘅熱線之外, 大家可以考慮喺家中準備一些西藥， 按照症狀 酌量使用， 以便不時之需.
以下是一些例子, 留意實質藥物的劑量必先按照體重和歲數所調教. 如有疑問請教自己的兒科醫生.

1. -高燒藥 (brufen, ibuprofen, nurofen)
2. -低燒藥 (Panadol)
3. -塞肛高燒藥 (voltaren)
4. -收鼻水
5. -咳水
6. -洗鼻鹽水
7. -維他命C
8. -氣管擴張藥(ventolin) + aerochamber
9. – 溫度計
10. -兒童用血氧機 (低過95%要call 999)
11. -快速測試kit

假如家中已經有以上藥物， 可以按照情況和症狀酌量使用。

在等候公立醫院和有關當局安排期間， 無需恐慌， 亦無需要在冇必要嘅情況下走到急症室。 因為現在公立醫院已經負荷很重， 走到急症室 等候需時 ，這樣做也不一定對小朋友病情最好。 其實外國一啲地方很多家長發現小兒發燒， 都有經驗係用電話或者視像諮詢醫生意見， 呢個係外國嘅文化因為外國要找醫院並不容易。 現在有不少 私家嘅西醫都有視像應診去幫助患病嘅小朋友， 大家可以喺網上search search。

在家中留意小朋友精神狀況和胃口等，正所謂小兒無詐病。 唯一注意嘅係假如發覺血液含氧量降低, 又或者出現神智不清， 氣促或抽搐嘅情況, 又或者高燒不退的話 那麼就需要打999 到公立醫院求診。

另一方面近這幾天已經有很多私家嘅中醫透過學會組成一個清單， 為有需要因為covid 在家中隔離 ，需要服食中藥嘅病人應診。 大家有需要的話也可以在網上尋找。 又或者更為理想的是，可以找一找平時睇開嘅中醫， 睇下哪一位中醫可不可以幫到忙。另外需要留意有一些中成藥其實並唔適合小朋友使用 。

最後再次呼籲各位家長不要自亂陣腳, 不用恐慌, 其實香港除咗公立醫院意外, 還有一個龐大嘅私家中西醫網絡, 再加上現在網絡會診盛行, 一定有方法可以幫助到患病嘅小朋友。

（ 以上部分資訊由兒科專科醫生 蘇詠怡醫生提供, 特此鳴謝)
#小兒預防藥方

蘇子謙醫生 (臨床腫瘤專科及註冊中醫師)

1

今個週末會 連續兩天 寫兩篇關於今次在新冠肺炎第五波疫情之中, 如何保護小朋友, 減低小朋友感染的機會, 又或者增強小朋友的免疫力 ,即使感染了也只發生輕症. 首先我不是兒科專科醫生 ，有一些資訊是我其他兒科醫生朋友提供的, 有一些是依照我 中西醫 啲知識, 和網上睇研究論文所總結出來。 希望可以 幫助各位家長 增進 醫療知識， 幫助保護家中的小朋友。

第一篇 較為理論性， 講解為何第五波疫症 omicron 會對小朋友的影響 比預期中大。明天的那一篇會較為實用性 ，講一講究竟一般人實質可以做些什麼， 減低小朋友重症感染機會。
全世界也有共識看到一個現象 就係以往的新冠肺炎疫情， 一般小朋友重症嘅機會較為低。

很多時症狀也唔明顯， 所以以往外國一些地方甚至在疫情之中也不建議完全停課。 根據研究所講這是因為 小朋友的 非特異性免疫力, 其實較 成人強. 一定接觸病毒以後 非特異性的免疫力 一方面可以抵抗病毒 第二是因為更快 可以觸 發有記憶性的特異免疫力， 從而產生抗體。 呢個就係點解小朋友 有時可以講係病毒嘅一個溫床， 唔少人也有經驗 假如接觸了一些小朋友正在流鼻水咳， 大人很容易受到傳染 而且症狀比小朋友厲害很多。 我哋俗稱所講“” 啲細路嘅菌係好毒的 ，大人頂唔住“”

但好像今次的omicron 變種病毒情況有點不一樣. 在上年年尾到今年年頭omicron 開始在全世界爆發, 呢一種病毒傳播能力較以往的強很多, 甚至有一些科學證據認為是空氣傳播. 而在西方社會較早爆發, 他們發現 呢一種病毒 較容易引起 小兒的 咽喉氣管支氣管炎 (croup). Croup 以往一般由其他上呼吸道病毒引起, 通常發生在六歲或以下的 兒童. 主要因為這些小朋友的氣管較為窄, 病毒引起的 發炎引起 氣管腫脹, 小朋友會出現 好似狗吠色的咳嗽, 嚴重者甚至乎吸困難對 生命可有危險. 嚴重者需要入院吸氧氣 並且透過 霧化吸取藥物。

以往的 新冠肺炎病毒 很少出現這種問題， 但今次 無論是在較早爆發的西方或者現在的香港， croup 發生比率在增加. 呢個亦係為何這一次受感染的小朋友需要住院 ,比以往的較多. 但根據美國方面的數據 雖然住院比率真多 ,但暫時看不見較高的死亡率.

另外之前在新聞也有報道一位三歲小孩中了病毒以後不幸離世。 根據報道小孩是因為病毒引發腦炎。 而且哪一位小孩的病情發展 非常地快急轉下坡。 其實不少病毒也可以引起腦炎 即使流感病毒也一樣可以。 以往中醫呢一種情況叫做“”直傳心包“” 【中醫用心呢一個字去反映埋腦系統 嘅神志活動。】 至於為何病毒可以產生腦炎 第一時因為免疫力病人的免疫力保護不夠快 ，又或者病毒的含量很高， 病毒可以由呼吸道的黏膜 在透過血液直接 穿過腦屏障 都到中央神經 的腦 脊椎， 產生嚴重發炎。 腦發炎可以引起 抽筋， 神智不清 等 最後甚至影響維生的呼吸功能。 情況就好似踢足球咁， 假如畀對方在中場接到波， 自己一方的中場和後防不夠快， 給人哋 帶波的 長驅直進， 直接衝入龍門， 呢個龍門就係腦部（ 又或者是心臟產生心肌炎). 一旦發生腦炎治療便困難很多。

另外就如疫症初期, 不少成人嘅病人感染後產生嚴重發炎反應, cytokine storm, 即係細胞 發炎風暴， 即使是身體的免疫力 一方面不能 完全對抗病毒， 另外方面過度激發， 反過來攻擊自己的器官， 例如是肺部引起嚴重肺炎， 心臟引起心肌炎， 又或者攻擊腦部引起腦炎。 所以這一次有小朋友引起急性腦炎可能也和這種嚴重發炎反應有關。 從進化論嘅角度睇， 其實病毒 並不是想將 感染了的人殺死， 因為這樣做對病毒也沒有好處。 其實不少病毒引起的 嚴重反應 ，是因為身體的過度亂來的發炎反應，把自身的器官 一起攻擊所引起。

至於近這兩年發現感染新冠肺炎的 小部分 小朋友可能過兩至四星期後， 產生一些和川崎病很類似的全身性發炎性疾病， 也和這一類反應類近。
咁至於點解 ，這一次小朋友好像抵抗能力較差呢。

根據最新英國不同醫院發布在nature immunology的聯合研究, 證實了一些醫學界 以往的猜想和學說. 首先研究證實了原來小孩對於冠狀病毒所產生的抗體和T 細胞免疫力 的確比起成人強, 另一方面也免疫力的持久性也較高. ( 抗體在一年內也沒有下跌) 更加有趣的係 原來假如 小朋友 經常接觸 引起一般傷風的普通冠狀病毒, 所產生的 免疫力, 原來也會對新冠肺炎的病毒有一定程度的保護力. 學名叫做cross reactivity. 這是因為普通 傷風冠狀病毒, 和現在的新冠 冠狀病毒的結構有一定程度的相似。 其實在疫情嘅初期 ，也有另外一些研究發現 以往在03年感染沙士的新加坡病人， 竟然會對新冠肺炎的病毒有免疫力。 相信道理也是一樣， 因為冠狀病毒的抗原有相似的地方.

原來我哋中國人傳統所講，小病是福， 確實充滿智慧。

這個研究也確認, 即使是新冠肺炎患者的康復者, 抗體水平也不一定達到sterilizing level, 亦即係話唔能夠完全百分百 保障唔再受感染. 而且降低水平在成人當中較兒童下跌得快。 其實呢種情況一啲都唔令人詫異， 就好似一般傷風 冠狀病毒那樣， 即使我們已重覆感染了好多次， 我們仍然會感染傷風， 但大部分人 也會在幾天內痊癒。 呢一個觀察和新冠肺炎一樣， 可以重複感染， 但症狀 和嚴重嘅程度 應該會畀第一次輕。

那麼講返小朋友， 特別是較為年幼的， 近這兩年 各種社交距離措施和戴口罩等， 一方面預防了新冠肺炎病毒， 另一方面 傷風感冒也少了， 這就有可能令到現今的小朋友 缺乏對各種冠狀病毒的cross reactivity免疫力, 所以對今次傳播力超強的變種病毒毫無防範, 症狀較重。 這個情況其實並不是香港獨有。

那麼有何解決方法呢, 可幸的是 根據呢個研究 小兒對於 新冠肺炎的免疫力產生是很強的。 甚至比大人還強。 若然按此推論小兒對於疫苗的反應 和保護性應該更加好。

明天會 再講一些比較實際可以操作嘅 中西醫方法, 幫助減低小朋友感染重症嘅機會。

最後我始終不是在抗疫兒科前線的兒科醫生, 以上的資訊若然發現有任何嘅錯誤, 各位兒科醫生朋友 請馬上 指正, 我會即刻更改。

另外因為我用google語音輸入法， 成篇文都係靠口講的， 若然有錯字各位文字警察麻煩幫幫手。