文章
其他 > 第五波疫情的中醫藥防疫方法

第五波疫情的中醫藥防疫方法

20-02-2022
第五波疫情的中醫藥防疫方法
(留意返, 呢篇文唔係教人煲湯嘅文章)
寫呢篇文章嘅時候實在帶一點點心情沉重。 回想兩年前疫症開始的時候, 剛剛也是農曆新年附近的時間。 當時在此博客當中, 我寫出了各種中西醫以當時嘅認知, 可以增強免疫力預防感染的方法。 想不到兩年過去, 疫苗也已經面世, 香港竟然發生了最嚴重的一般疫情。 各種社交距離措施也一再收緊。 眼看近日不少市民在長時間排隊做檢測,實在覺得有點傷感。 近日門診當中不少病人都說, 受疫症影響心情實在很差。有病人甚至昨天講笑說, 就算做足曬社交距離措施, 盡量唔出街。 想不到大廈也可以垂直或水平傳染,那麼可以說是防不勝防。預防疫症的衛生措施只能做到盡, 疫苗打足三針以策安全,減低重症病嘅機會。 正正因為這幾位病人聊天,令到我在思考, 究竟除了西方醫學公共衛生的防疫措施以外, 我們傳統中國醫學,究竟有冇辦法可以幫助防疫呢?
早幾天袁國勇教授提倡, 因為隨著社區確診個案不斷上升, (還未計一些隱形病人沒有確診),感染後的無症狀或輕症病患者, 可能之後需要在社區治療,不需要進入醫院。 即時說確診的病人在家中休養,如果有發燒就食必理痛,如果沒有大礙的就電話追蹤,直至抗原測試陰性就可自我解除隔離。那麼即是說在西醫藥方面, 並不需要作任何特效藥物嘅治療。只有嚴重的個案才會送院。 但香港的居住環境一般較為細小,確診的病人很有可能在家中治療嘅時候會傳染家人。另一方面根據報導說,因為近來新症病人太多,很多病人在家中等候多天,還未有收到通知入院,那麼在家中的等候的時候也會有機會傳染家人。 咁究竟有冇特別預防嘅藥物可以給病人的密切接觸者呢? 有否方法可以提升未受感染人士的免疫力, 從而減低中招的機會呢?
其實中醫藥的確有此方法。 這兩年以來, 其實中國內地不同地方的醫藥機構也有推出各種預防的中藥方, 主要係畀一些醫護人員和密切接觸者服用,希望能夠減低感染的風險。中醫藥有所謂因時制宜, 因地制宜, 之所以東南西北中國地方的方藥都有一點點不同,而且隨著時間亦都有所更改。 正是因為如此。 所以香港地區的預防方藥,其實也要參照近來的天氣和香港嶺南地區的多濕多熱特徵作出方藥的調整。
首先未講究竟預防中藥藥方, 我想講一講究竟中藥預防處方,和打疫苗有什麼不同。
無論是打哪一種疫苗,其實原理都係要令到身體的淋巴細胞可以認得出病毒的表面抗原, 產生有記憶性的抗體和淋巴細胞。呢一種係一種特異性的免疫力。 即係話呢一種免疫力是只係針對某一種病毒,即是今次covid19冠狀病毒。隨著病毒產生基因特變 (病毒的基因一定會不斷特變, omicron唔會係最後一種), 這些特異性的免疫力可能作用會減低. 當然假如下一代的疫苗是能夠針對一些不會基因突變的表面抗原蛋白, 那麼就可以說是對所有未來變種的冠狀病毒也有效. 至於中藥的預防處方, 主要的理論是中醫藥傳統認為, 『正氣存內邪不可干, 邪之所湊其氣必虛』 。亦即係話身體正氣強(免疫力)的時候, 外邪(病毒)不能侵犯身體。
假如身體受到感染, 必定先係身體自己已經有點虛弱才讓病毒有機可乘。所以各類預防處方,多多少少有一些益正氣的功效,作用係希望身體強成了透過自己的免疫力阻止感染, 又或者快速復原。但留意中藥提升的免疫力, 是一種整體的免疫力, 並不是疫苗咗產生特異性的免疫力。
所以中藥和疫苗兩者應該是相輔相成, 而不是說服了中藥,就不用打疫苗了。
我記得在2004年,已故的廣東省的名老中醫鄧鐵濤教授嚟香港講書,在台上他說, 當年2003他在廣東省中醫院治療 SARS, 當年的他已經年過80. 他說他巡房治療病人, 從來不戴口罩而且近距離接觸患者. (大家不要模仿)。一些西醫同僚話呢個老人家教授係 『無知所以要無懼』。他就即時反駁說, 『我不是無知,我是藝高人膽大!』他知道自己可以正氣存內邪不可干 , 全場即時熱烈鼓掌。其實當年他已經推出適合在廣東省使用的預防中醫藥處方。由此可見這些國醫大師也是利用相同的理念去面對疫症。
當然現實上最好是透過中醫西醫兩種方法共同防疫. 咁就可以用盡整體免疫和特異性免疫的好處, 特別係現在發現疫苗不能完全避免感染 (但能夠預防重症)
咁講返中藥嘅預防處方。 近一兩個星期, 因為確診個案越嚟越多。大家都聽過有一種中成藥叫做連花清瘟膠囊。據聞不少藥房亦都已經賣斷, 也有一些朋友透過網購購入.中國內地近呢一兩年推出所謂三種藥三條中藥藥方, 可以適用於不同新冠肺炎的病人. 最多人聽就係呢一個連花清瘟膠囊. 咁究竟呢一種藥係適用於哪一種病人呢? 係咪適合預防使用呢?
其實 呢一種中成藥連花清瘟膠囊, 大概係沙士以後中藥藥廠所研發. 當中嘅成分其實係參照古代嘅一些藥方再改良而成. 其中最重要是參照了漢朝傷寒論的 麻杏石甘湯, 再加上清朝藥方銀翹散 再加上一些清熱解毒等藥物所改良而成. 要明白呢一種成藥適用於哪一種人, 首先必須要睇清楚當中嘅成分. 例如當中有麻杏石甘湯的 炙麻黃、炒苦杏仁、石膏呢一啲驅風而且清肺熱嘅中藥. 特別係有肺炎而且氣喘的就更加適合. 當中也有 板藍根、貫眾、魚腥草等等嘅中藥清肺熱. 呢幾種中藥特別係廣為人知嘅板藍根, 其實係現代嘅研究發現有多種抗病毒抗細菌嘅作用. 如果大家記得當年沙士就突然間興起個個都自己煲板藍根預防疫症. 另外還有其他藥物例如紅景天, 可以幫助補氣益肺氣. 本來呢一種藥物主要是針對一些流感病人. 在國內 和香港是早已經上市的中成藥. 近呢兩年發覺原來對新冠肺炎的病人輕症,也有舒緩症狀的作用. 所以內地已經和批准加上新冠肺炎輕症可以使用嘅成藥. 但需要留意嘅係, 呢一種成日係治療獲得了新冠肺炎以後的較輕嘅患者, 本來設計並不是用於預防使用. 加上當中有一些較為重嘅藥例如麻黃和石膏, 就唔係好適合冇病但想作為預防使用的人.
咁究竟呢一種中成藥有冇一些科學實證呢?
其實中藥治療感冒或者是病毒性的感染, 無論是在實驗室或者是臨床研究都有唔少實證, 最廣為人知的是2011年在 美國內科 科學期刊, 所刊登的一篇研究. 係中國十一間醫院共同參與的雙眼對照研究. 呢一個研究就係比較利用 古代藥方 麻杏石甘湯 +銀翹散 (亦即係蓮花清瘟膠囊所建基於的藥方), 和利用特敏福這一隻特效西藥, 去比較究竟哪一種治療流感較為優勝. 除咗呢兩個組別以外也有第三組別是中藥加特敏福. 研究結果發現無論是單獨使用中藥的組別, 或者是中西藥並用的組別, 對比單時使用特敏福, 可以更快地退燒. 當時這個研究可為打開先河, 證實長久以嚟唔少香港人都覺得, 其實醫感冒用中藥仲好. (ref https://pubmed.ncbi.nlm.nih.gov/21844547/)
當然你可以話這個研究只是對付流感, 唔係現在的新冠肺炎. 但係正如上述所講其實唔少中藥都有廣播嘅抗病毒功效. 台中醫使用藥方嘅時候都係斷症而開方, 而不是看哪一種病毒開. 所以到現在我也覺得很神奇, 為何中藥可以歷久不衰經過那麼多年仍然發覺對現代嘅新病都有效.
但正如上述所講無論是蓮花清瘟膠囊, 或者其他國內所推薦的清肺排毒湯等等, 都主要係治療一些已經確診嘅病人, 並唔係用來作健康人士預防使用.
因為治療藥處方和預防及處方所選用的中藥其實係有點不同.
咁傳統中藥有哪些預防嘅處方. 當然有. 以往我在這個博客都已經介紹了玉屏風散呢一條古舊嘅方 個名起得好就係話你食咗呢條藥方之後, 就好似身體有一個屏風擋住, 風邪 (外感)冇容易侵犯到身體. 藥方組成好簡單只有三隻藥, 就係黃芪, 白朮和防風. 黃芪即是我們香港人所講的北芪, 平時好多人煲湯都鍾意落. 呢隻藥嘅好處係可以補氣而現代研究證實可以增強淋巴細胞的活躍, 即係話可以提升免疫力. 白朮可以健脾化濕,也可增強免疫力. 另外加少量防風可以驅風邪. 但面對現在這個疫症, 單用這三種中藥我認為是不足夠的. 第一是因為北芪雖然補氣但係有一點燥熱, 並不是每個人也合適. 假如方中有一些藥物可以中和的一種措施會更加適合香港人的體質. 另外方當中也足夠的清熱解毒 ( 大約等於抗病毒)
咁究竟較為合適嘅預防處方係乜嘢呢?
首先講下定下處方嘅原則.大家都知道中醫講求 辨證論治, 即係話一定要睇返病人嘅體質嚟到開最合適嘅藥方. 但作為預防處方最好就是令到藥方嘅溫熱寒涼平衡, 適合大部分人所服用. 所以佢制定處方嘅時候就需要考慮到呢一點. 第二係需要考慮到香港嘅天氣地理因素. 南方大多 多濕多熱. 大家睇一睇今天(12/2/2022) 早上外望, 霧氣很重濕氣也很重. 所以藥方之中一定要加一些健脾化濕的中藥. 另外第三點要考慮, 呢一個預防處方, 驅風和清熱解毒嘅力量要強一點點, 因為很有可能現在疫情嚴重, 不少人也會有機會接觸到病毒. 或者有一些無症狀感染也不知道. 考慮到呢一點設計處方嘅時候需要考慮 預防和治療輕症兩者結合. 聽落去好似和之前我所講預防和治療輕症兩者藥方是不同有所矛盾. 其實並不是如此. 首先藥方嘅平衡要較著重預防 再加一點點治療輕症嘅藥物, 適為其度。 另外亦都參考西藥嘅理念, 例如治療瘧疾或者流感的藥物西藥, 適當嘅劑量調整也可以作為預防使用。
( prophylaxis) 所以預防和治療輕症其實也有共通之處, 這有其科學根據.
所以講咗咁耐, 藥方當中應要考慮到幾點.
第一要有一些益氣提升免疫力的的中藥, 例如是北芪等等
第二要有清熱解毒,現代認為有一定抗病毒能力的中藥, 好似銀花 連翹板 藍根等等
第三要有健脾化濕的中藥, 包括陳皮藿香等等.
第四 也要有驅風的中藥, 例如防風.
最後不同中藥的 比重最為重要. 必先寒熱溫涼平衡適合大部分人使用.
作為預防處方, 一般都是短時間服用. 一般是每天或隔天服用五至七天。 吃完一個療程後至少休息兩星期。 再按需要決定是否在服用。
另外留意大部分藥方都只係適合大人使用. 小朋友按歲數要減低藥量, 懷孕人士必先要先請教醫生. 另外假如有g6PD (蠶豆症) 人 服用有清熱解毒的中藥要小心先請教醫生. 又或者是正在服務其他中藥或西藥的病人要小心留意。
最後想講一講咁究竟適合邊一些人服用呢?
正如我文章開頭所講, 有幾類人士其實是較為高危接觸到病毒的。
第一是醫護人員, 特別是在前線或公立醫院抗疫的。
第二時是家居當中有人確診的。
第三是曾經去過有確診病人的住所, 需要強檢的人士。
第四 成屋企附近屋苑屋村有確診人士, 又或者樓上樓下有確診的人。
睇到呢度呢可能會問, 點解我講得咁詳細呢。 仲要啲藥方咁詳細咁樣分析。 我係希望大家會明白其實中醫制定藥方嘅時候係好科學的。 中醫藥並唔係淨係一般所講煲乜嘢湯就可以醫病, 又或者有什麼疾病就飲一些花茶。 一般大眾媒體並不著重中醫嘅科學性當中嘅嚴謹性。 我希望藉此機會令大家明白中醫藥多一點。
我現在正在為身邊的朋友和親戚配製這些處方。 責任問題我不想公開整條處方, 若然網友有興趣可以私訊給我。
最後在虎年, 最緊要祝願大家百毒不侵。

城中活動

2024-04-12 9:00 上午 小帆船體驗
2024-03-11 10:30 上午 2024人像攝影工作坊

疑難排解

會員註冊


或許你會想看