<<醫護唔係想像中咁舒服?>>
今年醫護面對的挑戰十分艱鉅,但他們奮勇抗疫,似乎令年青一代受鼓舞,報讀醫護的人數有所上升。
Cup magazine 報到美國在這一年疫情之間竟然發現報讀醫生和護士學位的人數有大幅增長. 當中的理由何解呢? 根據報導可能年青人受到了在疫症期間醫護的表現受啟發而報讀.
但其實做醫生護士都有一些唔好的一面. 大家選擇入行的時候, 除咗睇好的一方面, 仍要睇下一些無可避免的缺點自己是否忍受得到.
就讀醫為例, 最大的痛苦就是很多嘢要記憶和背誦. 例如不同的藥物, 身體每一嚿骨頭和一片肌肉的名稱作用,呢啲都係小兒科. 而且很多時起初讀的時候都枯燥乏味, 簡單講出嚟就係死記.
而且讀醫的幾年, 有無窮無盡的考試. 很多時假期都全部用作來溫習. 很多本身十多二十多歲應該享受和活動的都無可避免受到影響. 畢業後完個選擇專科訓練, 就更加多書讀, 而且仲有好多關考試, 再加埋唔少要獲得專科是做的論文和研究報告等等. 這些都是額外在放工後, 又或者是在公眾假期同埋Annual leaves 用自己時間準備的. 所以曾經有一個教授話. 專科醫生未完成專科考試之前, 都唔使旨意有正常人的生活. 講出嚟唔係冇道理.
工作方面, 工作時間可以很長. 剛剛早幾天同一位實習醫生傾計, 佢話佢都唔明點解, 佢要連續踩三十幾個小時, 仲要隨傳隨到. 每幾日就on一次call. 通宵工作後令日又要繼續返工, 而且又冇得補假. 佢話佢自己啲中學同學做金融, 即使時間係長都唔會係咁樣. 點解醫生要係咁樣呢? 呢個問題之前都解釋過, 無謂再詳細講, 而且短時間內看似沒辦法解決. 所以都係食得鹹魚抵得渴.
另外工作嘅時候有時長時間困在醫院, 有時會有一些輕度情緒低落, 有少少”坐監”的感覺. 呢種感覺要經歷過才會明白.
而且醫生經常面對各種重要決定, 隨時影響病人生命安危. 也要面對醫學道德和法律上的要求. 同時間公立醫院有長期工作量過大. 成日返工都驚住會”出事”. 所承受的精神壓力唔低.
近這一年都是covid影響, 其實醫護人員的確每日返工有受感染的機會. 就算好小心都好. 你睇下近來聯合醫院和瑪嘉烈醫院爆發你就明白. 呢個可以當為一種”工傷”
睇完當然唔係叫大家打退堂鼓, 但係報讀醫的人要有心理準備, 做一個 informed choice. 唔好淨係聽好的一面, 要所有的資訊全面分析參考.
最後嗰位實習醫生同我講, 佢話如果以前知道做醫生咁辛苦, 佢會考慮讀牙醫或者法律.
https://www.cup.com.hk/…/pandemic-us-medical-nursing-schoo…/
![]() |
蘇子謙醫生 |