連續幾日長假講少少輕鬆的話題。

話說 今年呢一個 復活節長假期， 係連續第二年復活節，全香港都冇得去旅行困在香港的日子。 而且今年再搭埋清明節， 連續五日假期。 畀著係以前疫症未發生之前， 早就走了半個香港去旅行。

但係而家大家都困在香港超過一年， 而且疫情開始受到控制， 一定個個人都要外出 。不如大家集思廣益， 諗諗嚟緊呢五日點樣過呢？ 究竟香港境內的娛樂設施 能唔能夠承載700多萬多人呢？？

( 宗教活動唔計)

我諗到以下每一個選項 都各有問題。。。

1行山: 一定逼過旺角

2游水： 啱啱開返應該好多人， 應該針都插唔入， 而且都仲係有啲驚衛生問題。

3郊野公園 ，農莊： 同第一點

4海洋公園迪士尼： 相信有年三十晚行花市嘅感覺。

5酒店staycation: 不少酒店呢幾日都有加價， 聽講不少酒店都book爆。 如果諗住係去 悠閒渡假下， 可能會發覺事與願違。 分分鐘朝早酒店食早餐都要等位。

6食餐好： 我想去嗰間扒房復活節早就已經滿曬。 同埋五日你食得幾多餐。

7離島： 你下晝五點鐘搭到船出嚟你話我知。。。

8睇戲： 好多戲院執曬 同埋真係冇好戲睇

9宅在家： 可以喺屋企睇下netflix 玩下音樂睇下書。 不過困在家一年有多 有乜可能仲忍得下去。。

比返工的日子更困擾。

唔知大家有咩睇法呢

早排 tesla老細Elon Musk 又再公開講話讀大學其實冇乜用， 主要係娛樂性質， 因為其實大部分的知識在網上都可以免費獲得。 這方面我頗為 認同。 之前其實我都已經在呢個博客講過幾次。

琴日有筆者的以前中學老師，在課堂中播放筆者的youtube 教人點樣讀書的影片，甚喜。 估唔到我自己自娛的youtube channel 真係有人覺得有用， 若然幫到人我自己都很開心。 另外那位老師說 ，其實在名校的老師教學其實和其他中學也沒有太大分別， 名校之所以可以出產 好的學生和畢業生， 主要係學校裏面的 良好競爭風氣， 同埋本身入去讀書嘅學生本身已經好叻。

我本身並不是出自什麼名校中小學， 但身邊不少朋友 都係傳統香港名校出生， 他們也有相同的觀點， 認為其實名校之所以為名校， 主要都係因為學生自己讀書同埋自己叻。 我在港大醫學院任教了好幾年， 發覺其實這個理論, 在醫學院當中好似都apply. 我成日覺得啲學生本身已經好叻， 問佢哋 很多嘢本身都已經識曬， 因為他們懂得自學和網上搜尋資料。 考試就算係好難嘅題目佢哋一樣識答， 真係令我驚訝不已。

咁如果咁講老師係咪作用已經大不如前呢？ 呢個我又唔同意。 以我自己學中西醫為例， 其實我真係感激曾經遇到好幾位非常之inspiring 的老師。 與其說是老師 ，倒不如說是mentors。Mentor 對於做人處世 和在職業上的發展實在非常重要。 有時真係聽君一席話勝讀十年書。 雖然在 現在什麼都可以在網上獲得知識， 但在老師和師父身上， 真係可以學到擴闊思維 和一些 竅門。 呢一啲 重要的知識其實在書本或網上都找不到。 所以我諗作為老師最重要係可以成為學生 的mentor。

另外好的學校和大學當然最為重要的是人脈關係 這個不需要我多講。

想起未來的教育， 以往大家都很緊張要入讀名校， 無論中小學大學都爭崩頭。 但係而家 科技發達知識普及化， 依家有一些大公司請人都真係睇實際能力， 並唔係睇大學是讀哪一間。 例如我想請一個懂得用big data 方法研究醫學數據的人， 我懶理得他是讀什麼大學 ，又或者是什麼博士出生。 若然只要他在網上修讀了一些認可的課程， 再加上可以做得出成績，show 到畀我哋睇佢真係可以識得做。 他讀什麼大學 ，以前中學拿多少分數與我無關。 我曾經見過一些 非常之叻嘅research assistants, 其實很多數據分析方法都係自己學返嚟， 唔係靠大學課程入面教的。

另外在這個全世界印銀紙印到飛起嘅年代， 我哋已經進入了一個利用資產賺錢 多於打工賺錢的時代。 雖然很殘酷， 但我實在見到這個趨勢越來越嚴重。 這就是為什麼全世界貧富懸殊那麼厲害。 所以而家還想用傳統教學方法，希望可以透過打工做中產， 其實呢條路對於一些貧窮出生的學生越嚟越難行。

所以其實怎樣的教學才是最有用呢？ 恐怕要留待各位教學學者去慢慢參究了。

撇除以上所講西醫引起的病理性水腫。 其實更加多件的 面腫腫是因為間質(interstitial fluid)水液停留。 間質interstitium 呢一樣組織結構其實不嬲都知道存在， 但他的重要性都是幾年前在scientific reports一篇影響深遠的paper, 才重新引起科學界的重視。

間質其實就是細胞外嘅一些統稱環境。 他是介乎動血管微絲血管和淋巴組織， 和細胞之間中間的空間。 當中除了有水液之外，還有很多不同種類的結締組織(connective tissues), 細胞的新陳代謝廢物排泄 和國強免疫功能其實都是在這一層間質當中進行。

打個譬如就容易明白。 間質和當中的水亦就像泳池一樣。 在炎炎夏日 很多人去游水， 泳池當中的男女就是各種不同的細胞。 不同的細胞各樣健康的功能functioning， 是在(泳池)水當中進行。 但其實泳池水是不斷有更換的。 有新鲜水不斷加入(動脈 和微絲血管滲透養份)， 保持泳池水乾淨， 當然亦有排污渠， 抽走舊水， 呢啲就係 靜脈血管和淋巴。 若然去水的為阻塞了或者減慢， 泳池的水便會滿瀉， 就好似身體會水腫一樣。 除了泳池水會滿瀉之外， 水中的各樣 污穢( 大家都知道泳池水當中有鼻涕口水甚至尿液和。。。 不用講得太明了吧) 就會殘留。 慢慢形成水質暗濁和發臭， 細菌滋生，影響了游水當中的泳客健康。 細胞在間質水當中也是一樣道理。

所以 保持細胞間質的水健康的循環， 不單止是為了 外表好睇啲， 而係 和身體的健康息息相關。 這就是中醫所講氣血循環， 經絡暢通的重要。

此外傳統認為腦部沒有淋巴系統， 中央腦部神經組織 是透過腦脊液嚟到吸收營養 和排泄廢物。 這其實只是其中一方面。 現代的研究發現 原來 腦部有一個類似於淋巴細胞的液體網絡
。腦部透過顱底骨 穿出來的 12對神經線， 原來當中的微量淋巴透過面部和頸部的淋巴回流 到靜脈。 咁即係話其實眼耳口鼻 的淋巴 和靜脈 回流， 甚至是間質水回流， 其實都是通於腦部。 所以例如中醫所講 濕氣重面腫的病人， 其實都是面部的間質水回流受障礙， 下流 堵塞了， 上樓的腦部排泄易受影響。 所以見會頭昏腦脹， 連思維活動都可以減慢下來， 個人冇咁醒目。 呢個就係中醫所講濕重嘅病徵。

現代甚至 有一些研究顯示， 原來 腦脊液 當中的beta amyloid protein 的 排泄也和這些頭面部的 淋巴血管網絡相關。 而這一種蛋白假如積聚 就是腦退化的一個特徵。 所以中醫治療腦退化 其中一個方法就是用通經活絡的方法。 即所謂 “通 竅法”， 就可以 “醒神”。 由此可見現代醫學的發現間接證明了中醫學的觀察。

不過講返轉頭究竟有什麼DIY 的方法可以減輕面腫呢?

第一我必須強調運動的重要。 多做運動 例如每星期做三次至少半小時的帶氧運動， 即係要做到喘氣輕微出汗的才計數。 西醫講就係增加血液循環 ，激活細胞的代謝。 在中醫睇呢一方面可以幫助舒筋活絡， 第二方面可以健脾。 所以呢一樣嘢決不可少。

第二可以做一些頭頸部按摩， 大家都有經驗按摩之後， 頭頸的肌肉和軟組織疏通了， 會突然間覺得人精神爽利， 連個樣都好似靚埋。 而且腦部亦都 得到鬆弛 ，可以促進腦部的功能， 睡眠 也會改善。 大很多時按摩這些被動的方法， 只是一時間的改善， 都必須要配合上述所講運動，這些較為主動的方法。 簡單講即係冇得懶。

最後睡覺的重要 相信唔使多講， 有長期留意呢個博客的 都會知道我不斷強調睡眠的重要。 每天八小時優質的睡眠 不單止可以促進肌肉放鬆 和間質水液的回流， 而且可以促進腦部排廢物， 保持腦部的健康。 正正因為睡眠的時候放鬆了， 頭面部的間質水日才有時間回流。

總之 要治療 面腫腫的情況， 可以參考以上幾種DIY 方法， 若然都係搞唔掂， 就先請教自己的家庭中醫了。

好多人成日都覺得有時自己塊面點解腫腫地， 有啲情況當然純屬為貪靚， 但是在中醫的角度看來， 很多時都是身體的內部問題反映出嚟。 即“所謂有諸內必形於外”， 用較為現代的術語， 即是你的身體如何， 你的外表也必如何。 這是貫穿中醫理論的一個核心。

咁究竟喺中醫嘅角度睇嚟 ，點解有啲人會面腫腫呢 ？ 黃帝內經說： 諸濕腫滿，皆屬於脾。 即係話凡係水腫或者腫脹的情況， 都要治理脾胃， 都需要健脾化濕。 但係又唔係話不斷飲去濕茶就可以消腫。 這是因為其實面種都分很多種不同種類。

先講西醫學所講的病態面腫，例如有進食了類固醇之後產生的Moon face, 又或者甲狀腺功能不足引起的面水腫， 又或者是腎病引起的面水腫 等等， 這些都真的是因為有西醫學當中所講的病理變化而產生， 要治療就先要解除病因。治療方便就相對直接( 但不代表一定容易)。 類固醇引起的就業需要慢慢地減類固醇， 甲狀腺不足引起的就補充甲狀腺素， 腎病引起的就治療腎病， 又或者使用利尿藥。 當然還有一種就是整體身體肥胖， 面部當然也會顯得腫脹， 這是需要減肥。

除了上述的情況外， 更多件的是沒有明顯病理因素引起的面腫。 呢方面女性可能比男性更有觸覺。 睇西醫睇嚟好多時沒有明顯的原因解釋， 但係中醫學上就有細分一些不同類型的面腫。

例如脾虛氣虛的人會有一種虛腫， 這是應該用健脾益氣的方法治療。又有一些是氣滯引起的腫， 要用疏導氣機的治療。 另有一些人因為缺乏運動 ，經常用電腦，又或者睡眠不足，頭頸部膊頭的肌肉很僵硬 ，經絡阻塞了，也會引起面部腫，這是需要中藥或針灸通經活絡化濕舒筋， 解開阻塞。 又例如痰濕特別重的人， 面腫得耐 面色也帶暗啞 而面腫也以下面部和下巴為主， 需要健脾化濕化痰。 又例如心火肝火旺盛的人，陽氣上衝，會正常見到面部有泛紅又腫， 這是需要清火養陰。 總之有不同原因可以引起面腫腫， 需要鑑別清楚。

總之喺中醫嚟講，面腫其實只不過係一個表徵， 反映出身體出現了某些問題。 要治療就需要解決呢一啲陰陽失衡。

咁究竟從現代科學睇嚟 ，究竟面腫啲腫喺邊度嚟㗎呢？

同埋除咗睇中醫之外， 有什麼平日可以做的DIY, 可以幫助消除面腫呢? 請留意聽日推出的下集。