偏方我見

文章

杏林專欄 > 外科 > 黎逸玲醫生 > 偏方我見

17-08-2023

以前有位醫學院教授講過一句令我印象非常深刻嘅說話：「如果一個病有好多方法去醫，代表無一個方法係最好。」

道理其實好簡單，若然有一種手術方法被證實可以快速切除腫瘤之餘、手術風險低、復發率又低，咁大部分醫生都會轉用呢種方法。如果個種手術多年後仍然唔能夠普及和取代其他治療方案，咁一定係有解決不能嘅問題，例如併發症率高、需要更長手術（和麻醉）時間、又或者成本效益低（貴！）。現代西方醫學講求循證實踐(evidence-based practice)，故此並不存在「偏方」或「隱世秘技」呢回事。

不過，總有無恥之徒利用癌症病人嘅渴望同脆弱去賺錢。有醫生朋友曾經遇過一位乳癌病人，不願手術和化療而跑去試「隱世神藥」。「神醫」話：「癌症係身體一種毒，我啲藥可以幫你迫晒啲毒出來，個病就會好。」隨著時間個腫瘤當然越來越大，甚至由乳房皮膚爆出來。「神醫」同病人講：「爆出來岩架啦！就係咁迫啲毒出來！」後來腫瘤流血不止又發炎含膿，臭味難擋，病人於是搵返最初嘅醫生。醫生朋友幫佢止血洗傷口、處方抗生素控制炎症，亦苦口婆心勸佢唔好再食「神藥」，好好治療乳癌。不過，待病情稍為好轉後病人又去返搵「神醫」。「神醫」怒罵：「西醫害死你呀！佢止晒血洗晒膿，咁啲毒出唔到來你就死啦！」直至病人身體差無可差，家人再捉佢去睇醫生朋友，可惜已經太遲了。

呢類故事其實仍然不斷發生。大家要明白，如果偏方真係咁有效，就唔會再係「偏方」，而變成首選治療方案(first line treatment)啦！

癌症治療黎逸玲醫生循證實踐偏方神醫

城中活動

2026-06-28 4:00 下午擁抱自己 · 瑜伽與心靈工作坊

2026-06-24 「舞」走麻痺臨床研究

2026-06-15 7:00 下午【中醫講座】未病先防｜中醫教你為家人守住健康防線

疑難排解

我們有一群專業的醫護人員及相關朋友，隨時解答大家的疑難，立即提交疑問！

按此問問題

會員註冊

成為會員，可以第一時間接收由病患者和照顧者角度出發的資訊，立即行動！

按此註冊

或許你會想看

2025-4-28 AI 對肺癌防治有用嗎？聽聽這些專家怎麼說！