新一代免疫療法， 五年內必將爆發？ 完全醫好癌症不是夢? (上)
這篇文章不是提供醫療建議， 而係講下整個癌症治療嘅大趨勢。
回想起 2015至16年， 第一代的PD1 免疫療法藥物正式係香港使用。 起初都只有一兩個疾病係被批准使用的。 分別就係黑色素瘤和某一些的肺癌。 到今時今日大約六年之後，PD1 藥物免疫療法越出越多， 而且適用嘅疾病範圍 已經大幅躍進，到幾十種癌症情況。 可以咁講，大部分醫癌症用呢些藥物作為免疫療法，已經係治療嘅一種骨幹。 此外除咗pd-1以外， 還有其他 類別的免疫療法藥物check point inhibitors 陸陸續續推出 。幾年來的發展 的速度遠超於以往幾十年化療的發展。
那麼未來五年都十年的 癌症治療發展呢？ 我相信未來五年爆發的就是現在已經有苗頭的細胞免疫療法。
細胞免疫療法，cell based immunotherapy, 某程度並唔係一種藥物。 而係透過提煉病人自己本身的免疫細胞， 又或者透過輸入其他外來的免疫細胞到身體哪裏， 去攻擊身體內部潛伏的癌症。 這種細胞免疫療法和以上所講的check point inhibitors 很不同。
以往的免疫療法通常講的都只不過係用不同的藥物， 去到刺激淋巴細胞和癌症之間的互動， 重新激發淋巴細胞對癌細胞的攻擊力。 簡單嘅比喻就係 好似架車 將煞車系統整壞， 冇咗個brake， 淋巴細胞自然快速高速咁樣活動， 去殺死癌細胞。 然後個輸入細胞免疫療法， 就係透過改造病人身體本身的淋巴細胞又或者其他免疫細胞， 強化細胞再重新輸入病人體內。 又或者從親戚又或者是在實驗室培植的外來細胞， 強化後輸入到病人體內， 讓這些特別免疫細胞直接去攻擊癌細胞。 呢種情況就好似將原本身體架車重新改造再放回到道路當中。 又或者簡單地直接從外來引入一架新嘅跑車， 自然速度很高性能很好。
第一種療法check point inhibitors, 亦即係藥物療法 相對簡單。 很多是藥物就像抗生素一樣或化療藥物一樣吊針入病人體內就可以了。 但如上述比喻所講有些車本身引擎都已經壞壞地， 就算冇咗個brake, 架車快極都有限。 同樣道理有些病人本身身體的免疫細胞已經係非常疲弱， 亦即係話冇曬攻擊力。 就算如何使用check point inhibitors 亦可能完全冇效果。 呢個情況喺醫學上叫做 t cell exhaustion. 所以有些時候用細胞免疫療法會更加好。 因為直情換車， 比起小修小補一個壞車更加好。 另一方面若然兩者一齊使用療效可能會更勝一層樓。
近呢一年不少病人都其實聽過， 其中一種細胞免疫療法較多人知道的， 就係Car T Cell 療法。 呢一種療法嘅概念就係抽取病人嘅t淋巴細胞， 經過 各種培植和強化後， 在輸入到病人體內讓這些經過改造的淋巴細胞( 稱為CAR T 細胞)， 在身體內撲滅癌症。 其實這個技術都已經唔係新。 到今時今日為止已經發展到第四代。 淋巴細胞的攻擊力和安全性也大大提高。 暫時為止呢一種療法主要係獲批准在一些血科癌症身上。 例如是某一些的血癌和b淋巴細胞癌， 又或者是某一些的骨髓瘤。
至於並非血科的癌症例如常見的肺癌，乳癌，大腸癌，和前列腺癌。 暫時研究數據仍然未很充分。
另外其實除咗CAR T淋巴細胞意外，CAR NK 淋巴細胞療法 也越來越興起。 究竟兩者有咩分別? 同埋究竟呢一種療法係咪真係好有效?
大約十年前的一單美容案件， 正正是透過輸入病人的自身血液， 後來因為菌血症 導致病人死亡。 使到 大家 重新著是整個複雜的過程其實 唔係咁簡單的。 所以利用這些細胞療法安全性也是一個考慮。 究竟點樣先做得到安全的細胞療法呢 呢?
我哋聽日再詳細講一講。
#CarTcell
#CARNKCell
#免疫療法
#細胞免疫療法
#蘇子謙醫生
#癌症治療
#蘇子謙中醫
#中西醫結合
