<點樣治療胰臟癌? > (上集)
星期五晚上, 和一班中醫碩士學生上堂後進行問答環節. 有學生問究竟胰臟癌有乜嘢早期嘅徵兆? 可唔可以及早發現. 令筆者想到不如講下點解胰臟癌咁難去醫治, 同埋究竟點樣醫先係最好呢.
胰臟癌點解一路咁難醫, 同胰臟嘅位置有啲相關.胰臟屬於一個腹膜後的組織, 前面是胃部和2指腸, 佢唔係直接消化路經,即係話食物又或者是大便唔會經過胰臟呢一個器官. 所以唔同胃部癌症會有胃痛出血, 又或者好似大腸癌一樣會有大便又有血等症狀. 胰臟位於身體差不多正中心, 雖然附近的血管有神經叢,
但早期當有腫瘤發生的時候幾乎完全沒有症狀. 又或者病人會有一些好似消化不良和類似膽石的症狀. 好多時驗來驗去都唔知道其實係胰臟癌. 所以很難在早期的時候診斷出來. 直至到開始進入中期以後, 影響了消化吸收 (胰臟會分泌消化酵素), 身體開始日漸消瘦, 又或者腫塊形成壓倒神經線而肚痛, 又或者造成膽管阻塞引起黃膽, 病情先被發現出來. 所以通常一發現已經不是早期.
喺中醫的角度睇嚟胰臟, 屬於脾臟系統所管轄,傳統中醫所講的脾,其實已經包含了胰臟, 因為兩者在解剖學上其實是黐埋一齊, 亦都係有脂肪組織所包住. 屬於中醫所講的中焦. 我哋成日聽古代話, 病入膏肓. 噉究竟乜嘢係膏肓呢? (背部的的膏肓穴位是另一樣東西) . 膏，心下脂肪；肓，心臟和橫膈膜之間。。膏肓相傳是身體內藥力所不及的地方。按照解剖學嚟睇,有理由相信膏肓所講就係胰臟附近的一大脂肪組織. 亦即係話古代都知道藥物是很難滲透到胰臟嗰個地方. 所以解釋到點解胰臟癌咁難醫.
講返現代科學喺細胞學上, 亦發現胰臟癌症嘅細胞之外, 通常會有一浸類似纖維膜, 而呢一個纖維膜正正是會擋住化療藥物的滲透. 所以單獨化療藥物對於胰臟癌嘅作用一般唔會好大. 好在而家通常醫胰臟癌會用兩隻甚至三隻, 呢個問題可以得到改善. 另一方面就係因為有呢一陣纖維, 所以身體的T淋巴細胞較難去進入和接觸而臟癌細胞, 所以好難產生免疫攻擊力. 而且在腫瘤附近的微環境, 會將原本活躍的免疫細胞都抑制下來. 所以而家一般用免疫療法藥物, 去治療胰臟癌的效果並不理想.
所以睇嚟中西醫對於胰臟癌難於治療, 大家睇法一致.
但係雖然話困難, 又唔係話冇得醫.
首先如果能夠可以手術切除的, 身體整體情況可以承受手術的, 一定要進行手術治療. 手術治療後, 若然可以完全切清, 可以增加生存機率, 減低復發. 此外完成手術及康復後應該盡快進行化療. 又超過一種的化療藥物組合, 都已經證實可以減低復發增加生存率. 此外由於胰臟的後面就是一些大血管和神經叢, 所以即使有切清曬, 有些時候後邊的margin 闊度會不足, 亦即係所謂的”抆水”. 這類病人很多時在接受化療又或者完成化療途中, 都會有局部翻發的可能. 呢個時候應該盡快接受電療, 可以將手術附近位置剩餘的微小癌細胞清除. 所以點解即使是在手術後化療期間, 都應該久不久驗癌指數, 在化療途中又或者在化療後再照電腦掃描, 確認沒有局部翻發.
另外有些胰臟癌可能和血管生得太近, 又或者甚至入侵了血管. 手術就可能切不清. 這個時候就應該先做化療, 上次佢縮細癌細胞. 作了幾次化療之後再睇睇腫瘤可不可以縮細做手術切除. 若然即使縮細了但也是手術不能切除的個案, 越來越多的科學證據證實利用高劑量的立體定位放射電療 (SBRT), 可以有效控制消滅腫瘤. 一般這一種的電療只是做五次. 而且副作用輕微. 有部分病人亦可能再接受電療後發覺腫瘤進一步縮細, 變成可以接受手術的類別. 當然接受了電療之後, 都要繼續跟進, 否則可能死灰復燃.
今日暫時講到呢度, 聽日會講埋下集. 講下點解胰臟癌啲中藥治療, 同埋講下點樣夾西醫治療.
#胰臟癌
