你們好, 本人爸爸是肺癌患者, 因為CHECK過PD-L1 有90%, 所以依家做緊免疫治療, 但做左免疫治療之後,佢全身都出左好多好痕嘅紅疹, 有一粒粒, 有一塊塊, 好痕好痕, 皮膚好乾,番政府醫院覆診, 醫生話係正常, 開左一些俗稱黃丸仔嘅敏感藥, 但食左又好眼訓, 成日都要訓覺, 想問問咁多位醫生, 除左黃丸仔之外, 有無一些藥物/藥膏係有效止痕但無咁眼訓呢? 因為痕癢都好折磨佢, 令佢訓覺都訓得唔好! 謝謝你們^^
免疫藥可以引起皮膚反應,包括皮膚乾燥,痕癢,紅疹,發炎,皮膚轉深色,毛髮脫落。
處理方法包括用帽及衣服避免陽光照射皮膚,保持全身皮膚濕潤非常重要,避免用熱水沖涼,盡量少用番梘和淋浴露,沖完涼之後立刻用潤膚膏。
有一些抗敏感藥是比較少引致眼瞓,可以試轉用。比較嚴重皮膚炎症,可以用抗生素及類固醇藥膏,但如果大範圍皮膚反應,便可能要口服抗生素及類固醇。
醫生或者會暫時停止免疫治療,直至嚴重皮膚反應改善。
所以如有任何不適反應,一定要話俾醫生知,及早處理。