文章
杏林專欄 > 臨床腫瘤專科 > 蘇子謙醫生 > <<復活節長假外出, 如何消暑最好?>>

<<復活節長假外出, 如何消暑最好?>>

02-04-2021
<<復活節長假外出, 如何消暑最好?>>

呢幾日長假期, 如筆者之前所料, 無論郊區或者各樣公園都迫爆. 尋日睇新聞睇見西貢碼頭海洋公園,就算普通泳池泳灘, 人山人海. 反而筆者留在市區, 街道卻異常清靜, 有休憩的感覺. 大家假如要去一些郊區或離島, 根據曹劌論戰, “一而再,再而衰,三而竭”, 相信在第三和第四日長假會比較少人. 但係第五日要小心, 因為會有標尾會嘅情況 ,第五日嘅情況應該和尋日差唔多. 不過講返正題, 尋日個個都話人多都唔緊要, 但係實在太熱了. 雖然而家只係4月, 但這幾天陽光都很好, 濕度又高, 溫度去到差不多30度, 究竟我哋點樣喺enjoy長假嘅時候, 又可以消暑呢?

首先從西醫的角度講, 其實我們散熱一般靠皮膚出汗, 和呼吸道噴出的熱氣. 而家經常戴住口罩, 其實就算唔做運動, 在戶外已經焗得要命. 一來係因為本身靠噴氣帶出的熱氣和水氣, 被困在口罩來而且反吸, 二來部分人的呼吸系統不是很好, 會有一點二氧化碳反吸情況. 就更加會出現頭痛頭重啲感覺. 所以在行山又或者去一些郊區跑步, 若然開始覺得焗, 應該除下口罩. 千祈唔好諗住頂唔順嘅時候先除低.

因為出現熱消耗或中暑, 早期的症狀並不明顯. 很多時出現中暑症狀的時候, 其實身體已經過熱,流汗耗損,身體已經反應唔切 . 所以預防中暑的方法, 最好是預防性質. 當然你要除低口罩, 也要睇下週圍嘅人多唔多, 做返social distancing (盡可能啦). 另外就係回程的時候, 其實最好更換口罩. 因為濕了的口罩一來效用較差, 二來也會令到唞氣辛苦.

流汗也是散熱的重要途徑. 補充水分也是非常重要, 否則根本身體沒有足夠的汗去排熱. 同上述所講的一樣, 當天氣炎熱的時候, 其實需要不斷飲水. 即是說假如口味乾得好犀利, 也要進行預防性的飲水. 去保持身體出汗的速度. 否則到身體開始缺水的時候出現, 那時候才補水不適已經太遲. 另外因為在外出活動損耗糖分, 鹽分也會隨住汗排出.所以去飲一些運動飲料, 當中有少許糖分和電解質, 這對於身體補充也是好的, 可能比單單飲水更好.

以前點解廣東人咁鍾意飲老火湯, 我諗其中一個原因係因為日頭實在出汗太多, 老火湯夠咸, 可以補充很多鹽分. 所以若然大家外出玩咗一日, 夜晚可以考慮飲返個自家製的老火湯. 另一方面若然汗蒸發得夠快, 散熱就會散得更好. 天氣熱濕度高汗蒸發慢, 最重要係有風. 若然找不到陰涼有風的地方, 建議自備一把小風扇也可幫助汗蒸發散熱.

至於中醫方面, 其實消暑有很多很好的中藥藥膳和湯水. 很多家庭在天氣熱嘅時候也會煲夏枯草和雞骨草清熱. 其實筆者並不建議普通人士經常飲用這兩種中藥材, 這是因為這些中藥其實太涼, 常飲會損傷脾胃. 而且夏枯草會傷陽氣, 飲得多可能會成日覺得出入冷氣房好凍.

所以消暑其實用溫和的方法 , 筆者建議用竹蔗茅根. 一來竹蔗可以有輕度清熱的功效, 二來竹蔗可以生津止渴,(補充水分), 白茅根可以清熱生津, 也有輕度益氣的功效, 在夏天外出大汗後其實也會傷氣, 所以白茅根正好補充呢一方面. 另外食物方面其實最簡單嘅就係梨, 梨一方面可以清熱消暑, 而且也可以生津止渴. 無論是直接食, 又或者是愛嚟煲湯, 兩者皆可.

另外好多人都會飲凍飲或者食雪糕嚟消暑. 但人在身體非常熱的時候飲凍, 其實會不利身體散熱. 假如是之後繼續暴曬體育活動的話, 可能會影響出汗的速度. 所以人要食雪糕的話, 建議真係到外出活動尾聲, 又或者在中途可以長時間休息的地方先至食.

無論如何,做足消暑的預防措施 , 就可以更好的享受假期. 當然最好的避暑方法, 就係宅在家開冷氣睇netflix…

蘇子謙醫生
(臨床腫瘤專科)

相關文章:

  1. 我的行醫經歷( 1 ) : 我最心痛的事
  2. 編者的話 ( 6 )
  3. 編者的話( 15 ) 節慶的另一次考驗
  4. 編者的話( 23 ) 微笑擴散行動 用戲劇呼喚社會對癌症的關注

城中活動

2025-02-01 AEON「幸福的黃色小票」活動
2024-12-23 10:30 上午 英文藝術字書法創作班 
2024-12-16 11:00 上午 花藝班之聖誕篇🎄

疑難排解

我們有一群專業的醫護人員及相關朋友，隨時解答大家的疑難，立即提交疑問！
按此問問題

會員註冊

成為會員，可以第一時間接收由病患者和照顧者角度出發的資訊，立即行動！
按此註冊
或許你會想看
【渣打香港馬拉松2025】醫患陪你跑-東東雲吞麵
🏃🏻個人簡介 東東雲吞麵｜香港護士，淋巴癌康復者 🏅活動期望 / 心聲  Everyone is No. 1 […]
【渣打香港馬拉松2025】醫患陪你跑-Ada Lo
🏃🏻個人簡介 ADA LO | 乳癌康復者、粉紅戰士癌症康復者龍舟隊隊員   🏅活動期望 / 心聲  […]
【渣打香港馬拉松2025】醫患陪你跑-Doris Cheung
🏃🏻個人簡介 Doris Cheung | 乳癌康復者   🏅活動期望 / 心聲   60歲退休作出 […]
【渣打香港馬拉松2025】醫患陪你跑-Clark Cheung
🏃🏻個人簡介 Clark Cheung ｜健身教練、淋巴癌康復者   🏅活動期望 / 心聲   作為 […]
【渣打香港馬拉松2025】醫患陪你跑-IRIS SHUM
🏃🏻個人簡介 IRIS SHUM（岑麗明）｜展晴社主席、乳癌康復者   🏅活動期望 / 心聲   第 […]
【渣打香港馬拉松2025】醫患陪你跑-Jennifer Tse
🏃🏻個人簡介： Jennifer Tse ｜香港不倒騎士單車隊召集人 淋巴癌康復者   🏅活動期望  […]
【渣打香港馬拉松2025】醫患陪你跑-Josephine Tsang
🏃🏻個人簡介 Josephine Tsang  | 乳癌康復者、香港乳龍主席   🏅活動期望 / 心 […]
【渣打香港馬拉松2025】醫患陪你跑-Christine Fok
🏃🏻個人簡介 Christine Fok | 胰臟癌康復者 時裝店老闆   🏅活動期望 / 心聲 奇 […]
【人工智能】插完胃喉要「照肺」- 實習醫生還是AI 比較可靠？｜黎逸玲醫生
短時間內先後有兩間公立醫院發生實習醫生錯判X 光片，以致未能及時發現胃喉原來誤插氣管、病人受苦，在社會引起很大 […]
2024年GCOG全球抗癌協作組年會
2024 GCOG-第5屆ILROG國際淋巴瘤北京會議 2024 GCOG-智能腫瘤學北京論壇 2024 GC […]
【正副廠藥】副廠藥不如正廠藥？(二) 從何選擇
當二十年的專利權過後，藥廠需要公開其申請專利時所提交的配方，其他藥廠就可以依照該配方生產具同樣效用和安全性的非 […]
【正副廠藥】副廠藥不如正廠藥？(一) 淺談藥物專利權
病人從胃鏡檢查中發現有幽門螺旋菌，需要吃三聯療法，然而不少保險計劃都不理賠醫治幽門螺旋菌的特效藥。很多病人問我 […]
熱門話題
「輻射治療癌症」？放射治療師很危險!?
《身之畢業禮Before Dying》動畫短片放映會
陳慧忠醫生 DR CHAN WAI CHUNG, VINCENT
HPV 和頭頸癌