癌症病人冇胃口，唔肯食嘢，不斷消瘦點算？
化療以後沒有胃口
癌症病人冇胃口食嘢，其實有多種原因。 有些可能是疾病影響身體有一種發炎反應令到冇胃口食嘢。 有啲時候可能是做咗一些化療以後沒有胃口， 又或者藥物影響味覺令到食而無味。 又或者各種原因引致腸道唔不吸收不斷肚瀉。 也會引起 冇胃口繼而慢慢消瘦。
一般遇到呢個情況好多時病人嘅家人都非常緊張。 不斷聽好多網上或者流傳嘅食譜煲好多補益嘅湯水。 有時可能適得其反。 近來都見了幾位非常相似嘅病人情況。
中西醫改善癌症病人胃口問題
例如有一位接近已經九十歲的男士因為胰臟癌來求診。 主要求診的目的是接受化療以後 一直胃口減少而且每個星期都不斷減磅， 精神亦都越嚟越差， 令到家人都非常憂慮。 我從中西醫兩方面去幫助他。
第一 是給了一些消化酵素幫助食物的吸收， 第二也使用了一些腸道益生菌去調節他大小腸當中嘅好嘅細菌。 但使用藥物還不足夠， 必需要從飲食習慣改變著手。
這位病人的家人都是非常好的 ，大家都很關心他，不斷煲了很多補品。而且每天也煮了不少嘅平常人聽到也會想食的飯餸甚至每天去整田雞粥。 但病人無奈見到呢一啲食物卻真係食得兩啖就吞不下去。 家人見到心機盡失， 再加上病人又見到屋企人咁有心大自己又吞唔落慢慢變成家庭中一種張力，令到大家的壓力都很大。
了解癌症病人的飲食情況
我便先了解病人平日三餐是食些什麼。病人早餐是食得嗰位充足的，反而是中午或者下晝吃的飯和粥比以往少了很多。 病人一點也不覺得肚餓， 而且口又有乾，佢話就算係食新鮮蒸雞也沒有味道覺得非常沒趣味， 好似食橡筋一樣。 家人給他的補品很多他也吃不下。
後來了解了他的情況最後我便叫他吃一點 比較淋和濕的東西。察覺病人提起中式糖水，有喜悅嘅表情。我便叫他每天中午或下午茶時間可多吃一點新鮮豆腐花，平日也可多吃燉蛋燉奶等食物。 我亦叫他家人不要強迫他吃白飯，盡量把少少肉碎魚肉放進粥裏，煮得稀一點。不定時一肚餓就吃，毋須介懷時間。
中藥調理固護元氣
另一方面從中藥調理， 我判斷他是脾胃氣陰兩虛， 再加上是腎陽虛弱， 即俗稱所講的火不生土。 一方面 氣陰雙補，令到他口水增多 ，進食嘅時候會覺得有味道。 另一方面脾陰增加也可以增加肌肉。 另一方面加一點中藥 補益腎陽， 固護元氣。
多種方法之下經過三個星期的治療體重慢慢回升。 無論胃口和氣力都增加。 現在仍然每星期調節中藥繼續幫助腸胃消化。
治療癌症病人胃口差其實的確不容易。 需要多管齊下，亦都要適當改變家人的過度關心， 又或者把他們的關心轉化為適當的動力。 否則 有些時候每一餐飯都變成了家庭之間的角力， 令到無論是病人或家屬都感到非常疲倦。 呢個係一般治療好容易忽略嘅要點。
無論如何 每位病人嘅情況都有點不一樣， 要治療胃口差很多時要請教自己嘅醫生定下一個貼身方案。
