文章
杏林專欄. > 臨床腫瘤專科 > 蘇子謙醫生 > <<究竟牛肉係咪真係毒? 牛肉有冇藥用功效?>>

<<究竟牛肉係咪真係毒? 牛肉有冇藥用功效?>>

27-12-2021

<<究竟牛肉係咪真係毒? 牛肉有冇藥用功效?>>

今日天寒地凍,講呢個題目就真係特別合適。 不少病人特別係皮膚病患者又或者是癌症病人, 成日都問我究竟應唔應該食牛肉, 同埋牛肉究竟係咪真係毒呢? 再加上而家好多人都聽過牛肉等嘅紅肉係會引致大腸癌症, 就更聞肉色變。 咁究竟咩人啱食牛肉,咩人唔啱食呢?

其實牛肉喺中醫嚟講屬於甘溫之物。 亦即係話帶少少熱性。 其實本身係氣血虛弱成日怕凍嘅人, 進食牛肉是合適的。 對於一些久病身體虛弱肌肉萎縮的人, 進食牛肉確實是幫助身體回復。 可以令到肌肉重新有力, 中醫嚟講屬於有點益氣嘅食物。 現代營養學就知道牛肉確實要有豐富嘅蛋白質, 同埋各種維生素同礦物質。 若然要搵同等嘅營養, 需要大量嘅食物先可以取代一份牛肉的營養。至於而家成日講紅肉致大腸癌 , 其實同煎煮嘅方法有好大嘅關係. 主要是因為在高熱例如是bbq的煎煮方法之下才會產生致癌物. 一般用 水煮的方法其實風險很低.

咁究竟咩人又唔啱食牛肉呢?

因為牛肉是帶有熱性的, 所以本身有好多暗瘡又或者濕疹急性期, 又或者是其他皮膚病的急性發作, 因為帶有熱在皮膚哪裏, 所以暫時牛肉要避忌一下. 其實其他 熱性食物也一樣要避忌. 另外癌症病人很多時要避免進食大量牛肉. 留意我所講的是大量這兩個字. 意思就係假如你天天都要鋸扒, 又或者食好大量嘅牛仔骨咁樣就係唔好. 但若然只係小小食牛肉片, 亦即係一般中國人食牛嘅方法一般問題唔大. 因為癌症係中醫嚟講屬於瘡癢的一種. 亦即係話屬於生瘡. 不過呢一種瘡係一種毒瘡. 中醫這個形式其實是很貼切的. 例如嚴重的乳癌如果沒有得到合時的治療, 乳癌潰瘍流血流水, 就係一種瘡瘍. 其他在內在的癌症其實癌症本身也有一定的壞死, 喺中醫嚟講亦係屬於瘡癢. 凡瘡癢總有一些熱. 所以唔少抗癌嘅中藥都係有清熱解毒嘅功效. 所以如果癌症熱性非常強烈的時候, 牛肉要少食一點. 但並不是說完全唔食.

反而其實我一般叫病人, 其實適當善用牛肉可以幫助病情. 過量服用就會對病情有影響.

例如近來有一個胰腺癌病人來求診. 起初打化療的時候, 白血球很低. 需要打白血球針. 後來我教他要多食牛肉再加上紅菜頭, 即使化療 份量加大了, 白血球血小板仍然非常穩健, 甚至不再需要打白血球針. 所以 牛肉是有食療功效的. ( 每位病人情況不同請先請教自己的醫生)

其實牛肉的煮法和份量才是最大的關鍵. 例如你是煮一般廣東香港的煮法, 例如時蕃茄牛肉炒蛋, 又或者蒸牛肉片等等. 其實完全沒有問題. 但假如是辛辣的牛肉, 又或者時打邊爐湯底味精牛肉, 又或者街上的沙爹牛肉麵, 又或者是落了黑椒又或者蒜蓉很重的牛扒, 那些就真的要避忌.所以並不是牛的問題, 是調味料的問題. 另一方面打邊爐的肥牛油或者是牛扒, 因為好多時都不是全熟, 所以癌症病人要避免進食.

咁話分兩頭, 咁點解 健康人士食得多牛會覺得熱氣呢?

你又係因為我哋香港人屬於中國南方人. 我哋香港一大同嶺南地區一樣屬於多熱多濕嘅地方. 一般香港人嘅體質都係濕熱比較重. 唔同一些中國北方地方, 又或者是歐美等地, 冬天的時候確實凍得非常緊要. 所以我哋其實比起一些不方地方唔需要進食同一份量的牛肉. 所以香港人嘅養生方法和其他地方不能對比, 呢個就係中醫所講要因地制宜, 一方水土養一方人.

另一方面我哋香港人成日街外進食多, 很多時街外的食物有很多調味料味精 , 吃零食有多, 再加上經常夜瞓, 很多人本身都係屬於偏熱的體質. 所以再加上 大量的牛肉麵會覺得非常熱氣.

另一方面也要因時制宜. 例如呢幾天天氣比較冷, 不妨進食牛多一點可以增加氣血陽氣. 甚至這幾天可以食羊肉. 羊肉嘅溫程度, 比牛肉更加厲害. 按照中醫嚟講, 其實喺香港啱食羊肉嘅時候一年都只係很少. 一般只會啱食完冬天畀個星期最凍嘅時候. 假如夏天多吃羊肉就反過來過咗火位.

最後成日好多人問我如何用食療保健身體.

其實如果唔想長期服用中藥去調補氣血. 用一簡單食療方法只要堅持下去, 一個到兩個月左右一般都可以改善手腳冰冷和經常頭暈嘅問題. 方法很簡單. 就係整一個羅宋湯( 雜菜湯). 利用新鮮的蕃茄, 紅蘿蔔, 薯仔, 在加入椰菜, 紅菜頭等等. 最後加上一些牛肉片. 調味料只用鹽. 煎煮後成湯. 每天空腹服用. 不單味道非常好, 仲可以補益氣血.

經常手腳冰冷的人士可以一試.

所以牛肉這樣 食物, 識用嘅都可以成為補品, 唔識用嘅就真係可能會上火病情加重.

 

蘇子謙醫生
(臨床腫瘤專科及註冊中醫師)

#牛肉
#食療
#中藥
#中西醫結合
#蘇子謙醫生
#蘇子謙中醫師
#中醫藥治癌
#濕疹

城中活動

2022-06-14 11:00 上午 花籃藝術工作坊
2022-05-10 2:30 下午 生活調適 ~ DIY

疑難排解

會員註冊


或許你會想看
模擬掃描 — 呼吸控制之法
模擬掃描 — 呼吸控制之法 呼吸控制之法 — 套上紙袋! 當然是開玩笑。 放射治療中的其中一個最大的挑戰為呼吸 […]
會面 — 積極準備抗癌之路
會面 — 積極準備抗癌之路 會面,是積極準備抗癌之路的第一步。在這裹,你或會收到好消息,亦有可能確認壞消息。不 […]
會面 — 好的會面準備,是成功的一半
會面 — 好的會面準備,是成功的一半 上文「會面 — 積極準備抗癌之路」說明了會面的目的及過程。接下來的文章會 […]
放射治療副作用 – 難以避開的八大原因
放射治療副作用 – 難以避開的八大原因   不論治療本身是否有效,放射治療副作用往往更令人關注,直接 […]
放射治療副作用 — 深入認識原理及心態
放射治療副作用 — 深入認識原理及心態 在放射治療中,副作用可分為兩大項,分別是隨機性(stochastic) […]
放射治療計劃 — 仔細設計 才可以發揮放射治療的最佳效果
放射治療計劃 — 仔細設計 才可以發揮放射治療的最佳效果 這就是放射治療計劃設計所用到的軟件,可以調節不同的因 […]
固定模具 — 精準放射治療的先決條件(附送2大模具材料介絡)
固定模具 — 精準放射治療的先決條件(附送2大模具材料介絡)   這就是其中一種固定器 — 熱塑性膠 […]
正式治療 — 新症講解須知
正式治療 — 新症講解須知 新症講解是與病人溝通很重要的一環,既可以多了解病人,又能令病人更了解放射自己的放射 […]
正式治療 — 消滅癌細胞的開始
正式治療 — 消滅癌細胞的開始   經過漫長的設計工作,終於來到了正式的放射治療了。這一刻,相信很令 […]
正式治療 — 治療過程大了解
正式治療 — 治療過程大了解 治療過程中,以雷射對位的步驟 經過新症.講解後,相信病人更了解接下來會發生的事, […]
輻射防護之4大要素 — 時間、距離、屏障及ALARA原則是你最大的武器!
輻射防護之4大要素 — 時間、距離、屏障及ALARA原則是你最大的武器! 先想安全,再想效用。 水 […]
聞輻射色變? 原來沒你想像中那麼可怕
聞輻射色變? 原來沒你想像中那麼可怕   輻射的基本資料 輻射,英文是radiation,是一個聽起來令人害怕 […]