正向谷針有妙計! 群體免疫不是夢

文章

杏林專欄 > 臨床腫瘤專科 > 蘇子謙醫生 > 正向谷針有妙計! 群體免疫不是夢

正向谷針有妙計! 群體免疫不是夢

04-06-2021

正向谷針有妙計! 群體免疫不是夢

話說政府和其他商業機構連番出招，又有得抽獎又有得送樓，又好似免費機票酒店等等。大家無非希望鼓勵合適市民盡快接種新冠肺炎疫苗，令到香港市民活動和經濟盡快復常。

眼看英國上年疫情爆發嚴重死亡率很高，現在透過疫苗之後慢慢各樣活動已經回復正常。反而台灣一路控制擴散非常好，主要都是靠關口控制和social distancing。但經過一年以後近月卻出現一定規模的爆發。可見關口控制social distancing 畢竟只可以係一個短期措施。疫苗起碼至少係一個中期方案。

今天和朋友吃飯傾下傾下，其實大家都諗到妙計。去威迫其他人接種疫苗，有可能引起對抗心態適得其反。反而用利誘的方法更為有效。例如早排旅遊發展局推出只要在本地消費兩張單夠八百蚊，就可以參加酒店staycation 作為800蚊嘅扣減。筆者和一些朋友有計劃開始的第一分鐘，不斷嘗試進入優惠網站登記，搞來搞去試咗成兩個鐘，系統都係死機，因為登入量嚴重overloaded! 由此可見, 只要有” 著數”, 不少香港人一定會踴躍參與!

以下有幾個正向的意見，相信可以幫助到，正在猶豫打針的市民盡快作決定。( 打疫苗的好處是肯定的，至於各樣副作用已經有很多人講了幾個月，唔需要再喺呢度講)。

第一就係豁免打針人士買樓的印花稅。呢排樓市暢旺個個爭住入市，若果政府可以豁免打針人士的印花稅或雙倍印花稅，相信會令到不少人願意打針。當然豁免有上限啦，例如是印花稅回贈最高50萬，那麼很多準備買樓人士相信都會唔介意打針。另外發展商也可以提出在抽新樓的時候樣打針人士有優先權抽樓。咁就更加事半功倍。

第二點同上面類近。就係打針人士，可以額外退個人入息稅例如是30萬。那麼不少打工仔都會非常樂意打針

第三點至於上述未能受惠人士，則可以有其他優惠。例如是公屋免租兩個月，綜援出雙糧一個月。已打針人士優先抽居屋，優先上公屋，亦都優先可以參加其他資助房屋計劃。那麼這群人士也會有非常大的誘因去參與疫苗計劃。

至於大專學生，就可以免大學學費一年。。再靠姜濤。。。

相信各樣銀彈政策，當然會令到政府今年的財政收入有所受損。但其實都只係捱一年，當達到六七成以上的人打了針，社區達到群體免疫的時候。香港的經濟將可以重新振奮，海陸空三路的交通可以盡快恢復，與內外通關。那麼生意做得好，下年度的各樣稅收爆棚，應該可以搵返。

而且上述優惠畀直接派消費券更好。一來省卻很多行政費，第二這個有點奇特的方法，若然成功，可以讓香港喺國際上增光。

當然各樣誘因方法也需要配合正確的疫苗教育和社區宣傳達到效果!