癌症資訊網

文章

杏林專欄 > 臨床腫瘤專科 > 蘇子謙醫生 > <<傷風感冒後喉嚨痕係咁咳點搞?>>

<<傷風感冒後喉嚨痕係咁咳點搞?>>

14-05-2021

<<傷風感冒後喉嚨痕係咁咳點搞?>>

近這兩三星期不少幼兒幼稚園小學都爆發上呼吸道感染。不少細路仔都有流鼻水，喉嚨不適的症狀。大人接觸後很多都受到感染。不少患者都有先喉嚨乾燥輕微疼痛，繼而再有少少鼻水等症狀。( 有咁嘅症狀都要排除係COVID)

症狀雖然唔算嚴重。過三四天便會痊癒。但係好返之後卻有喉嚨痕輕微咳嗽等纏綿難愈的症狀。咁究竟點樣做先可以搞得掂呢啲咳嗽？

第一有這種症狀好多時都係所謂風寒入咗喉嚨氣管，有“餘邪”，即係俗稱講，爭少少好極都好唔曬。第二部分病人可能仲有濕氣，第二種情況就更加難好返。

要醫這一種咳嗽其實中醫都有點辦法

第一就要戒口，一定要避免進食生冷食物飲品。凍飲和雪糕都不可以吃。在這個炎炎夏日在戶外行山分鐘都已經汗流浹背。要完全解除凍飲真係好難。不過其實只要飲少少凍嘢呢種咳嗽已經好難好返。呢啲就係中醫所講 “形寒飲冷則傷肺”。另外戒口仲要戒花生，果仁，朱古力和其他乾果類的食物。味精的食物一樣要戒否則喉嚨只會越來越痕。

第二避免吹冷氣，特別係瞓覺嗰陣時。不過實在很難做到但係如果捱得到幾晚，基本上咳嗽都會好好多。

第三其實有中成藥可以治療輕微的情況。有一條方叫做止嗽散，就係醫呢種輕微，寒熱都不是特重的咳嗽。藥性溫和。有需要的讀者可以一試。

不過如果食咗兩三次都唔好，又或者本身有哮喘等疾病，再或者有兼夾濕重嘅情況。呢個時候就真係要去睇中醫了，唔可以自己亂食藥。

蘇子謙醫生
(臨床腫瘤專科)

城中活動

2026-06-28 4:00 下午擁抱自己 · 瑜伽與心靈工作坊

2026-06-24 「舞」走麻痺臨床研究

2026-06-15 7:00 下午【中醫講座】未病先防｜中醫教你為家人守住健康防線

疑難排解

我們有一群專業的醫護人員及相關朋友，隨時解答大家的疑難，立即提交疑問！

按此問問題

會員註冊

成為會員，可以第一時間接收由病患者和照顧者角度出發的資訊，立即行動！

按此註冊

或許你會想看

2025-4-28 AI 對肺癌防治有用嗎？聽聽這些專家怎麼說！