文章
杏林專欄. > 臨床腫瘤專科 > 蘇子謙醫生 > 減肥唔成功 ,遺漏的一個要點

減肥唔成功 ,遺漏的一個要點

23-04-2021

<<減肥唔成功 ,遺漏的一個要點>>

今朝巡房的時候有病房的姑娘, 無意中講到原來佢正在嘗試減肥。 我教佢試下用168的方法 ,但係講下講下我發覺佢唔係咁簡單。 佢話佢已經 不嬲食好少嘢 ,長期都唔係好好胃口 ( 其他同事也同意),但係唔知點解唔食都肥。 其實呢個情況並唔罕見 ,我嘗試用中醫角度解釋畀佢聽,同埋有何解救方法。

跟住我問佢, 佢係咪好細個甚至係小學嘅時候都已經冇乜胃口食嘢, 而且食嘢食得好慢嗰種人。 佢話係 。佢話曾經讀大學嘅時候有人以為佢接近厭食嘅程度。 另外佢就鍾意食零食多過食正餐。 所以喺佢哋講, 其實從中醫角度相對簡單, 就係小時候的腸胃問題未解決 ,一路拖到而家成人仍然受同一問題困擾。

不少小朋友都有胃口差食嘢慢正餐近己都哽唔落嘅現象。 喺中醫角度睇呢其實呢個情況係唔正常的。 但的確不少人大左會自己好返。 即所謂outgrow the problem. 但有部分又問題纏繞青春期甚至成人階段, 變成長大以後長期都有腸胃問題。 喺中醫嚟講 損傷脾胃, 便會產生氣虛和痰濕, 兩者都會令到肌肉鬆弛 ,脂肪積聚,而且肌肉看起來很“透”, 毫無張力。 咁就可以解釋到點解唔係食好多嘢都會肥。

就呢位護士朋友的情況嚟講, 有兩個可能性。

一個 腸胃 積滯。 即係這個概念只是在中醫有。 大概就是 小時候因為飲食不節, 不斷食唔同種類嘅零食, 又或者是情緒影響, 又或者是 過量用抗生素等等問題。( 很多時 已經很難追番小時後點解會起初有這問題) 腸胃有積滯 在小朋友身上症狀較為明顯。 但其實在成人中也有。 症狀包括長期食少少就會覺得 肚脹, 胃有好多氣, 食少即飽。 大便可以有便秘又或者 肚瀉 兩樣都得 。兩者 亦可交替出現。 而且一般情緒較為忟憎。 長期積滯會生熱, 就可以表現為口氣重 和其他熱氣嘅徵象。 治療要用消滯除積的中藥, 例如山楂, 神曲等等 。 但注意一般因為積聚已久治療不可急於一時, 要慢慢復藥。 但一般一至兩個月便可以有明顯改善。 呢種病人千萬不要服用補品, 否則只會越食越差。

第二個可能性就係脾胃虛弱。 脾胃虛弱雖然吸收 較弱, 但另一方面所謂運化的功能也都弱。 亦即係話吸收了的營養身體不懂得正確利用運行全身, 只會堆積聚皮下成為脂肪。 即所謂脾虛濕重。 呢種人通常長期都覺得很攰 而且經常想睡覺。 治療方面和第一種情況剛剛相反, 要加一點點補益的中藥, 健脾益氣化濕。 好多人問點解我脾胃那麼虛弱呢? 除咗多食生冷之外, 很多時就係 小朋友的時候 腸胃有問題沒有調理好。

所以治療方面最好就係是經過中醫診症作出適當嘅處方。 但因為今天筆者很忙沒有時間為呢位護士朋友診症。 但我卻叫他可以進食一些益生菌以改善腸胃, 這是一個簡單的方法。 另外戒除所有零食。 並且有心理準備開頭食益生菌的時候會有不少腸胃不適。 腸胃調節好後就可以另外配合運動 和減食糖份來減肥。 至於點解要用益生菌呢,下一期再講。

 

蘇子謙醫生
(臨床腫瘤專科)

城中活動

2022-03-01 10:00 上午 椅子操
2022-02-23 7:00 下午 乳龍工作坊

疑難排解

會員註冊


或許你會想看
要求簽發醫生信 希望可以不用打疫苗
要求簽發醫生信 希望可以不用打疫苗 1   最近有很多病人要求簽發醫生信希望可以不用打疫苗, 我並不 […]
由一個滑雞煲仔飯講起
由一個滑雞煲仔飯講起 話說近來都冇得夜晚出街食飯, 喺屋企悶悶哋不如整番個北菇滑雞煲仔飯。 一打開煲蓋已經陣陣 […]
鼻咽癌中醫有乜辦法
鼻咽癌中醫有乜辦法 有年輕女病人因為鼻咽癌求診, 問為什麼她不煙不酒, 那麼年青就患上鼻咽癌究竟原因為何。 鼻 […]
乳癌瑣碎事(31): 晚期癌症病人的照顧之道
乳癌瑣碎事(31): 晚期癌症病人的照顧之道 前文章提及晚期癌症病人的平安四寶,其實要讓晚期癌症病人及其家人都 […]
由呢一樽我介紹嘅豆漿講起…..
由呢一樽我介紹嘅豆漿講起….. 話說之前喺健康餐廳嘅群組介紹過呢一種由有機黃豆製成嘅豆漿。 好似係 […]
乳癌瑣碎事(30):晚期癌症病人的平安四寶
乳癌瑣碎事(30):晚期癌症病人的平安四寶 早前有機會參與病人的人生派對(Life Party),感觸良多。一 […]
別將化療妖魔化 乳癌化療藥物推陳出新為患者燃希望
別將化療妖魔化 乳癌化療藥物推陳出新為患者燃希望 乳癌乃本港女性十大常見癌症之首,2019年新增個案逾4700 […]
乳癌瑣碎事(29):身體檢查驗血能有效篩查腫瘤?
乳癌瑣碎事(29):身體檢查驗血能有效篩查腫瘤? 最近有不同類型體檢的廣告都宣稱只需一次簡單驗血,便能篩查多種 […]
乳癌瑣碎事 (28):哪種菇菌芝類最適合乳癌病人?(靈芝/雲芝/香菇/舞菇/白蘑菇)
乳癌瑣碎事 (28):哪種菇菌芝類最適合乳癌病人?(靈芝/雲芝/香菇/舞菇/白蘑菇) 作為腫瘤科醫生,經常有病 […]
<<究竟牛肉係咪真係毒? 牛肉有冇藥用功效?>>
<<究竟牛肉係咪真係毒? 牛肉有冇藥用功效?>> 今日天寒地凍,講呢個題目就真係特別合 […]
乳癌瑣碎事(27):2021 美國SABCS乳癌研討會的最新研究成果
乳癌瑣碎事(27):2021 美國SABCS乳癌研討會的最新研究成果 每年12月,其中一個全球大型的乳癌會議在 […]
新一代免疫療法, 五年內必將爆發? 完全醫好癌症不是夢? 下集
新一代免疫療法, 五年內必將爆發? 完全醫好癌症不是夢? 下集 上回講到現在利用細胞免疫治療的主要是用 car […]