WARS x 腫瘤病人注意事項 (上)

文章

杏林專欄. > 臨床腫瘤專科 > 黃麗珊醫生 > WARS x 腫瘤病人注意事項 (上)

WARS x 腫瘤病人注意事項 (上)

03-02-2020

WARS x 腫瘤病人注意事項 (上)

現在大家都人心惶惶,專家對這個疫情掌握到嘅資訊不多, 這個病高度傳染之餘又有永無止境之感，負責決策的高層智慧不足之餘又帶有政治考慮,而且抗疫資源缺乏，加上互聯網資訊泛濫,對所有人嘅精神都引起極大困擾，分分鐘嚇死多過病死! STOP ! 大家真係要停一停! 唔好比驚恐失控! 驚多啲唔會免疫力好D! 理智D! 千其唔好自己嚇死自己! 所以這一個月會暫停有關腫瘤資訊的分享，改為分享有關疫情的資料 (尤其是適合腫瘤病人使用的資料)，希望一齊可以捱過這個難關!

大家之所以非常驚係因為好容易受感染,而且受感染後無藥醫, 死得好快死得好慘! 仲衰過生腫瘤! 但實情又係我地想像中既咁恐怖? 由於未能確定官方所呈報的病發個案是否完全準確 , 而且亦有資料顯示有些受感染的病人是沒有病徵的, 感染肺炎後的死亡率其實有機會比實情低，所以大家切勿過度恐慌, 有足夠嘅抵抗力, 其實很大機會係可以自救的｡大家千萬不要灰心!

有微生物學醫生指出,從現有初步嘅肺炎數據所觀察得到,比較年長的男士以及長期病患者,比較容易感染武漢肺炎後有嚴重的併發症。正在接受治療的腫瘤病人要非常非常小心｡由於要繼續定時定候到診所或醫院接受治療以免延誤病程，而診所或者醫院本身亦是高危的地方，所以比起其他人要有更充足的準備!

在家中的安排:

• 請儘量留在家中養病, 即使有沒有口罩也盡量不外出。

• 注意家居衛生!
– 洗手不可缺! (用梘液徹底洗手最少二十秒，能有效防止感染及傳播傳染病。)
– 回家即清潔 (出外回家後要立即洗手及洗臉。將衣服清洗或掛在通風的地方最少一天。將鞋清潔好，放到通風的地方並洗手。)
– 經常打開窗戶，保持室內空氣流通。使用風扇或抽氣扇，加強室內空氣流通。
– 家具應定期抹拭，尤其是經常接觸的地方、傢俬物品、玩具、用具、廁所、浴室及地板須至少每天用 1 比 99 稀釋家用漂白水清潔消毒，待乾後，用水清洗並抹乾。
– 廁所地下去水渠，定期倒啲水落去，保持U型渠位儲水。
– 如厠後應蓋上厠板才沖厠!

• 多喝水, 最好的話可以每天喝~兩公升水 (不適合多喝水的病人除外, 例如鹽份低或者有水腫的病人) 。充足嘅水分可以有效改善便秘嘅狀況, 這亦是非常多腫瘤病人受困擾的問題! 我留意到很多人根本未能留意自己的飲水習慣其實是很差, 以為自己飲好多水其實只係飲咗好少水。

• 每天在家中30分鐘適量的運動 , 拉筋鬆弛筋骨, 這些都有助改善睡眠質素!

• 均衡飲食! 依照「健康飲食金字塔」的原則飲食，以穀物類為主，並多吃蔬菜及水果，進食適量的肉、魚、蛋和奶類及其代替品，減少鹽、油、糖分；並以去肥剩瘦，多採用低油量的烹調方法如蒸、燉、炆、烚、白灼, 減少煎炸。(如果因為疫情持續買蔬果越嚟越難, 建議用健康的烹調方法, 不用太計較肉類及碳水化合物的比例, 畢竟非常時期非常手段!)

• 不需要過度進補! 暫時未有數據顯示任何類型的保健產品能夠預防腫瘤惡化或者預防疫症! 大家可以慳返啲錢嚟買口罩或者新鮮嘅食材!

• 盡量減少過度用神! 留意到好多人用好多精神同時間睇新聞以及互聯網上無窮無盡嘅資訊, 大量負面嘅資訊產生大量嘅負能量, 影響睡眠質素, 間接影響抵抗力, 與其日日夜夜上網睇大量唔知真定假嘅資訊, 不如在家中多做運動!

• 注意保暖! 現在病倒了去睇醫生又驚唔去睇醫生又驚! 就算簡單嘅傷風感冒都嚇餐飽!

下一次會同大家分享腫瘤病人到診所或醫院的安排!

Ref: https://www.chp.gov.hk/files/pdf/a_guide_to_personal_home_and_environmental_hygiene_keep_clean_be_healthy_booklet.pdf