<<頭頸部癌症 火上加火? 中西醫如何配合?>>

近來接到了幾位頭頸癌的病人, 幾位都不約而同, 問究竟中醫係點樣睇頭頸部腫瘤呢? 同埋中醫藥喺治療頭頸部腫瘤,包括鼻咽癌, 究竟有何角色呢?

首先從中醫藥的角度去解釋頭頸癌發生嘅原因. 西醫認為頭頸癌嘅發生很多都是和食菸飲酒有關. 食煙和飲酒都是一個重要的致癌因素. 因為兩者都會損傷了頭頸部的黏膜細胞. 頭頸部包括口腔, 鼻腔, 鼻咽 ,鼻竇 , 口咽, 喉嚨, 直至到食道的上面, 都是屬於頭頸部分. (鼻煙癌係一隻較為特別的腫瘤, 下面再講) 各種的致癌物質會引起黏膜的長期發炎, 久而久之發炎控制不好, 細胞便會失控不斷增長變成癌症. 頭頸部最常見的癌症是鱗狀細胞癌. 呢一種長期發炎嘅症狀係中醫嚟講屬於火熱. (至少係一種局部的火熱).

所以中醫認為頭頸癌一般都係屬於熱毒所引起. 好唯毒就係指呢一種熱氣唔係一般嘅熱氣, 而係熱氣到極點而且結聚成一嚿物質. 呢一種積熱並唔係一朝一夕所形成的 .

另外頭頸部的癌症病毒感染引起的. 例如越來越多發現在發達國家有一些較年輕而且生活水平和經濟水平較高的病人, 都會得到頭頸癌症. 例如是口咽部的癌症, 即係包括舌頭的後三分一,再加埋扁桃腺這些地方出現的腫瘤. 不少都是HPV (即是人類乳頭狀病毒)所引起的. HPV有很多不同的種類, 人所共知的就是會引起女性的子宮頸癌. 但其實口菸的癌症也可以有這種病毒引起. 當然不是說一接觸了病毒便會馬上引起癌症. 而是到了病毒感染之後身體卻沒有把它清除, 慢慢變成了一種長期發炎感染, 正如上述所長期發炎是會引起癌症的. 這一種情況係中醫嚟講亦都是屬於火熱毒.

至於在南中國東南亞和香港一帶較為多的 鼻咽癌, 差不多90%以上都是和EBV病毒有關. 同樣道理事實上在香港成人當中95%以上, 都曾經接觸過EBV病毒. 那麼為何只有非常少數人(一年只有幾百人)會有鼻咽癌呢?同樣道理大部分的情況身體的免疫力能把這種病毒清除. 但有多種原因下, 免疫力不足令到這種病毒長期在鼻咽引起長期感染, 昨日的長期發炎引起癌症. 所以去診斷和跟進鼻咽癌治療, 其中一個方法就係定期抽 血啲 EBV 基因水平.

一般的頭頸部腫瘤治療主要有兩大方向. 一個是手術切除和手術後重整頭頸部的功能. 一般呢一種係一種大手術通常要非常專門的醫生去做. 另一種方法是利用電療, 透過輻射直接把癌細胞醫好. 不同地方的癌症和病情輕重決定了究竟用邊一種方法治療. 有些時候可能是先做手術後再需要做手術後電療減低復發. 亦有很多時候電療需要配合,打幾針化療,增強電療的功效. 情況太复雜在這裏不再詳解.

不過無論係用乜方法去醫, 頭頸部腫瘤嘅治療, 因爲要同時間治療局部腫瘤同埋頸部的淋巴, 所以一般治療後都需要長時間康復. 副作用亦有不少. 至於鼻咽癌則較為特別, 主要係透過電療或配合化療來治療, 一般不需要做手術. (除非電療後局部翻發).

一般電療的過程尤其是去到中後段, 病人都頗為辛苦. 一來會有口乾口損吞咽頻痛, 和皮膚有輕微灼傷等感覺. 西醫有很多不同的支援療法, 例如漱口水, 和一些外用藥膏. 但係不少病人即使用了各樣方法仍然受到副作用所困擾.

喺中醫嚟講呢啲副作用屬於陰虛同埋有熱. 所以喺中醫嚟講利用電療呢一種”火熱”之方法, 去醫治頭頸癌, 確實有點是火上加火! 但無論係貼適當利用電療治療還是是必須的. 好多時呢種病人電療之後會有一些非常困擾嘅症狀. 例如係因為口乾, 和整個喉嚨食道都非常乾燥. 進食時會疼痛. 但另一方面又會經常喉嚨和氣管有很多很粘的痰. 呢個係頭頸癌病人一個非常困擾嘅症狀. 有時呢啲痰因為非常黏連, 很難咳出來甚至會引起呼吸困難. 中醫治療方面可以用一個方法叫養陰化痰. 即係一方面俾返舊嘅水分, 令無痰變返冇咁”傑”, 較容易咳出嚟. 另一方面也要見其化痰減低痰的分泌. 兩者要好好互相配合, 攞到一個平衡. 否則養陰太多的話, 痰會反而越嚟越多. 定係化痰化得太多, 又會令到黏膜乾燥嘅情況加劇.

另一方面因為有很多病人經過手術電療再加埋化療之後, 其實身體都有氣虛嘅情況. 但正如上述所講無論係疾病本身, 又或者治療嘅副作用, 都有一些火. 兩者都需要用清熱解毒嘅方法, 佢重新調理體質. 但係若然清熱解毒太過度, 又會加劇氣虛嘅情況. 若然要補氣嘅中藥不少人一點點熱氣. 所以頭頸癌治療開中藥拿到分寸是很重要的. 至於常用能夠益氣生津又不是太熱氣的, 可以用花旗參又或者太子參.

一般頭頸腫瘤再治療三四個月後, 大致上應該已經康復. 但係有一些長期副作用則會困擾很長甚至係一生. 包括係口乾口淡進食沒有味道, 再加埋頭頸的肌肉很緊, 而且伴有纖維化. 係中醫方面可以用養陰柔筋, 舒筋活絡的中藥配合. 再加上一些拉筋和西醫的物理治療, 情況可有改善.

治療頭頸癌和其他癌症一樣, 急性期的治療緊要, 但其實康復期後和以後如何減低副作用提高生存質量, 更重要地減低復發, 也有很多學問. 相信中西醫配合一起治療, 很值得我們研究.

蘇子謙醫生 (臨床腫瘤專科)