全身麻醉後蠢了｜黎逸玲醫生

文章

杏林專欄 > 全身麻醉後蠢了｜黎逸玲醫生

全身麻醉後蠢了｜黎逸玲醫生

15-08-2024

「唔得呀唔得呀！唔可以再做手術！上次全身麻醉完佢成個人蠢晒又無晒記性！」姨姨對著我激動地說。
我望一望她身旁的丈夫周伯通，他一臉事不關己的樣子，坐在病床上看電視。

「但佢個情況唔可以用局部麻醉。況且全身麻醉唔會影響記憶力…」
「點會唔會！我而家問佢咩佢都答唔記得、唔知！總之點都唔可以全身麻醉！黎醫生你幫幫手啦！」

周伯通仍然盯着電視機，嘴角微微上揚… 😏
我沒好氣的說：「我暫時用抗生素頂住咋，你再諗清楚啦。」

事情要從大半年前說起。大叔是一位長期病患，每天都要吃十多種藥物、打糖尿針。內科醫生給他的藥他都乖乖的吃，可就是從不戒口，好吃的他就吃、酒也照喝。有一天他身體某地方長了個膿瘡，也不知道他捱了多久才去求醫，他的內科主診醫生找我時，膿瘡已大得誇張，細菌也入血了。我跟他說馬上要動手術，當時他很抗拒：「你哋啲醫生成日無野搵野搞，我無事喎唔使做手術。」
「無事你又入院？仲話唔痛，你而家痛到郁都郁唔到啦。」😒

第二天
「好啦，怕左你，做啦做啦！」🙂‍↔️
「咁就乖啦。而家簽手術同意書先，手術風險包括…」
「得架啦，唔使講啦，大不了咪死係手術枱！」
「半生不死仲慘呀… 認真聽我講埋先！」

出院之後大叔每天都要來診所洗傷口，他終於明白我不是「無嘢搵嘢嚟搞」的醫生，我也發現他原來是一名愛享受人生的瀟灑大叔，肯吃藥完全是為了能繼續吃好料。他的妻子和兒女本來在外國，當妻子知道大叔的情況後，立刻飛回香港照顧大叔，一日三餐都親自下廚，嚴格控制大叔的飲食。姨姨每次都陪診，有次我讚姨姨勞心勞力，大叔很小聲的咕嚷着：「無味架…」姨姨聽到後：「為你好呀！無我睇住你之前亂食嘢咪搞成咁囉！」大叔沒再出聲。

這次大叔出現新狀況，擾攘數天後終於主動要求入院。當我再三建議進行緊急手術時，大叔沒啥表示，姨姨卻認為全身麻醉對大叔影響太深，強烈反對。入院後再僵持了數天，有日巡房時剛巧姨姨不在，大叔鬼馬地問我：「幾時安排做手術呀？」
「你呀你，早幾日一直唔出聲！」😤
「梗係唔出聲啦。老婆講嘢仲出聲想死咩！」
「麻醉科醫生真係慘，咁就食左死貓，你同老婆解釋下啦。」
「佢要咁諗咪由佢囉。」🤪
「我點暪住佢推你入手術室呀？」🙃
「我簽紙架嘛！」

突然姨姨出然，大叔馬上噤聲。
「黎醫生，佢真係唔可以再全身麻醉架啦！佢無晒記性啦。」
「咪住先！」趁這機會我再嘗試說服她多一次「你唔係話佢早兩星期岩岩先考牌成功咩？無記性又點考試呢？」其實大叔是位專業人士，每隔數年就要溫書考試續牌。
「但佢成日都唔記得我講過啲咩。我問佢嘢佢成日都話唔知唔知，連我生日都記唔起！佢以前唔係咁架，係上次做完手術先蠢左…」我瞄一瞄病床上的周伯通，他望着電視機，臉上的表情有點耐人尋味… 😐

黎逸玲醫生外科醫生全身麻醉記憶力都市傳說目前並沒證據證明麻醉藥會令記性及判斷力轉差麻醉科局部麻醉抗生素

城中活動

2026-06-28 4:00 下午擁抱自己 · 瑜伽與心靈工作坊

2026-06-24 「舞」走麻痺臨床研究

2026-06-15 7:00 下午【中醫講座】未病先防｜中醫教你為家人守住健康防線

疑難排解

我們有一群專業的醫護人員及相關朋友，隨時解答大家的疑難，立即提交疑問！

按此問問題

會員註冊

成為會員，可以第一時間接收由病患者和照顧者角度出發的資訊，立即行動！

按此註冊

或許你會想看

2025-4-28 AI 對肺癌防治有用嗎？聽聽這些專家怎麼說！