新一代免疫療法，五年內必將爆發？完全醫好癌症不是夢? 下集

文章

杏林專欄. > 臨床腫瘤專科 > 蘇子謙醫生 > 新一代免疫療法，五年內必將爆發？完全醫好癌症不是夢? 下集

新一代免疫療法，五年內必將爆發？完全醫好癌症不是夢? 下集

19-12-2021

新一代免疫療法，五年內必將爆發？完全醫好癌症不是夢? 下集

上回講到現在利用細胞免疫治療的主要是用 car t淋巴細胞。用這些細胞治療癌症有一定的副作用。

CAR T Cell, 的做法是先把病人身體的t淋巴細胞抽取出來，再喺實驗室當中加入一些receptor 在t細胞當中，搖身一變變CAR T Cell. CAR T Cell 比正常嘅淋巴細胞多左一些接受體receptor, 簡單講就係多咗一個追蹤器可以辨認得到身體的癌細胞，更容易發揮強烈的癌細胞消滅作用。而家已經進入了第四代的CAR T Cell, 就更加多咗刺激細胞嘅訊號，令到呢一種細胞治療嘅反應越嚟越好。

常見的副作用是在註射CAR T cell 重新註入病人身體當中，產生強烈的免疫反應。產生細胞發炎因子風暴。有點似病人得到一個嚴重的感染身體的免疫系統強烈激發，嚴重者可以引起全身發高燒，血壓急劇下降的休克，甚至有死亡的風險。所以進行這一種細胞免疫療法一定要在，合適的醫院當中進行。醫療團隊要密切監察和作出快速反應應對各種副作用。有些時候甚至需要icu嘅支援。另一種常見的副作用是身體的神經系統受到免疫攻擊，引起手腳麻痺又或者手腳無力等症狀。

大家可以睇到由抽取病人嘅細胞，到實驗室培植，再去到注射返人體體內嘅過程極度複雜。當中一定要有嚴格嘅無菌操作，第二是有質量控制，和質素嘅保證。最後當然是要有好嘅醫療設施和醫療團隊配合。所以過程絕對不能馬虎要做到一絲不苟。

美國fda暫時批准了五款CAR T cell 正式臨床使用，主要用於一些頑固的淋包性血癌，骨髓瘤，和一些b淋巴細胞。其他較為常見的癌症暫時未有獲得正式使用。但其實全世界不同國家正在火速進行，利用類近的細胞療法治療各種各樣的癌症。有一些國家其實會類似的技術進行off label use, 亦即係較為實驗性質地去治療一些已經沒有其他療法治療的癌症。但正如上述所講因為呢一種細胞療法高度複雜，要小心選擇合規格而且安全的醫療機構進行這些療法。否則可以非常危險。

除咗t cell外，身體內還有一種淋巴細胞叫做NK cell. NK cell亦即係natural killer cell. 是一種天然能夠撲滅癌細胞的淋巴癌。佢嘅特性唔同t cell，NK cell 唔似t cell咁淨係專一對某一種抗原，而係對不同的癌症都有攻擊力。而且NK cell 攻擊癌細胞的方法畀t cell更加多，所以利用培植改造NK cell 變成CAR NK cell 就更加吸引。

CAR NK cell 與此同時對其他非血液的癌症，例如是乳癌，腸癌，肺癌，和前列腺癌等等，好像變形癌症的能力更加高。更加容易製造出強烈的免疫細胞。另外car NK cell 一般用於治療副作用較低，較少機會出現上述所講的細胞因子風暴和神經毒性。所以安全性會較大更加能夠被廣泛使用。

另一方面CAR NK Cell 的另一個好處，是唔一定抽取病人的淋巴細胞。可以抽取病人兄弟姊妹或父母的血液( 當然要驗過合適才可以) 當中的NK cell 進行培植，一樣可以做得到。咁樣做一個好處就係因為某一些癌症病人經過多重治療以後其實身體的淋巴細胞活力已經較弱，使用有血緣關係的其他人嘅淋巴細胞治療嘅效果可更好。除咗呢兩個途徑意外，NK cell 仲可以直接喺實驗室嘅幹細胞，又或者臍帶血當中的幹細胞分裂出嚟，呢個都係而家重點研究這個方向，因為咁樣做可以大大簡化細胞免疫療法嘅製作過程和時間。做出所謂的off the shelf, 又或者我哋俗稱所講 ” 罐頭CAR T Cell”。可以共用於每一位相同癌症的病人。咁樣就可以，惠及更多病人而且可以壓縮成本。

所以講細胞免疫療法嘅發展一日千里，相信不出五年之後，不少擴散咗嘅癌症，都可以利用呢一類嘅療法得到治療。

但正如我上一篇文有人留言所講，暫時細胞療法治療費用非常昂貴，主要是因為這是一種個體特異性的治療法，可為度身訂做。而且中間牽涉很多複雜的技術，所以比一般藥物注射貴很多。

但其實不少地方的政府都開始有資助計劃，去讓合適的病人，得到大福津貼去使用這些新嘅療法。此外保險業也可能要有新的元素改變心態，慢慢包含這些新型治療在醫療保險當中。最後正如上述所講罐頭細胞免疫療法，相信時將來嘅趨勢，發展成功將會有作壓縮成本降低呢一種療法嘅價錢。

當然是否適用免疫療法各位病人先請教自己主診醫生。