癌症資訊網

文章

杏林專欄. > 臨床腫瘤專科 > 蘇子謙醫生 > <<第四期癌症不是末期!>>

<<第四期癌症不是末期!>>

08-12-2021

<<第四期癌症不是末期!>>

近來有幾位病人一路覆診。突然間一次回來講了幾句眼淚流出嚟。我覺得好奇怪因為明明病情在好轉為何突然情緒那麼憂傷呢。原來他們都是分別被其他醫生告知他們是第四期，是末期的癌症。令到他們感到非常震撼。

因此筆者必須喺呢度講一講究竟乜嘢係第四期同埋係咪第四期真係冇得醫，係咪真係末期呢？

簡單嘅答案係，當然唔係!

千祈唔好畀第四期呢一個標籤使到病人喪失了治療嘅意志。

第四期呢個觀念其實早已經是outdated。

其實所謂第四期都只不過一個統計學上嘅分期。主要係為咗方便研究，和俾國家地方去統計癌症的生存率所定下來。每一種癌症嘅分期方法都不一樣。但簡單啲嚟講，一般第一期第二期是屬於早期，第三期就是中期一般有局部嘅淋巴轉移。至於第四期的意思，其實是指遠處的淋巴轉移又或者轉移到並不是在原發腫瘤附近的組織或器官。例如是肺癌轉移到骨，又或者腎臟癌症轉移到肺，都是屬於第四期。

假若癌症即使只有幾處骨嘅轉移，是第四期。全身又一百個地方轉移，又是第四期。根本所謂第四期當中，其實包括一大群非常不同的病人。每個病人嘅預後同埋治療方法可以很不一樣。不是說每個病人第四期都是一樣。舉個例子，其實好多第四期嘅肺癌又或者乳癌患者，假如只有一處或者幾處嘅轉移，好多時用電療把這些地方的癌症消滅，已經可以達到長期生存。

有舉一個例子，前列腺癌即使係擴散了疾病嘅病人，甚至擴散地方很多的病人，配合適當的藥物治療加上電療，仍然可以長期生存!

特別係現今抗癌藥物越來越先進，第四期患者變成長期病患嘅機會就會越嚟越高。近呢幾年不同藥廠和研究機構不斷推出新嘅藥物。除咗傳統嘅化療和標靶藥民外，近這六年，再加上而家免疫療法又，有透過基因排序更加準確地選擇標靶藥物。嚟緊幾年又會越來越多細胞治療例如是car T cell。再加埋高精準定位嘅電療，達到可以消滅癌症的劑量 ablative dose. 癌症嘅治療發展真係一日千里!

其實不少患固的擴散癌症，相信不出幾年已經可以變成長期疾病! 即係好似高血壓糖尿病咁樣長期處理。以上所講嘅仲未計可以透過中醫藥固本培元，調理身體，提高生活質量。

舉一個例子大家就明白。以往her2形嘅擴散乳癌基本上是很難治療。但自從十多年前開始有針對呢一種病嘅標靶藥不斷推出。治療嘅療效真係越嚟越好。即是 2016年嘅數據嚟睇，擴散咗嘅乳癌，所謂第四期嘅患者，配合當年有嘅最新標靶藥加化療藥物治療，平均生存期已經達到差不多五年! 是想想近呢五六年再加上不同嘅藥物推出，現在的生存期相信已經在大為提高。

當然無可否認有一些癌症還是非常之難治療。
主要是因為傳統藥物化療對呢一啲癌症嘅幫助唔大。但而家透過傳基因排序確實令我哋了解多咗每一種癌症點解會發生，同埋當中點解對藥物有抗藥性，從而定出針對性嘅治療。

總之無論如何，千萬唔好畀所謂第四期嘅標籤消磨意志，治療癌症最緊要保持積極心態，因為其實心情的確可以直接影響身體嘅免疫力。另一方面追從自己嘅主診中西醫生，定下合適嘅治療計劃。努力抗癌!