癌症資訊網

文章

杏林專欄 > 臨床腫瘤專科 > 蘇子謙醫生 > <<係咪全部前列腺癌都生得慢？唔洗醫？>>

<<係咪全部前列腺癌都生得慢？唔洗醫？>>

03-09-2021

<<係咪全部前列腺癌都生得慢？唔洗醫？>>

簡單答案係：梗係唔係啦!

早兩天睇咗一個病人，都差不多七十歲已經係擴散咗個前列腺癌，佢話癌指數慢慢上升之，前有人同佢講，話前列腺癌生得很慢，唔會影響到佢嘅生命。我馬上睇一睇佢之前活檢報告，發覺佢嘅前列腺癌gleason score 係九分( 以下會作詳細解釋)。呢一種咁高分嘅前列腺癌，生得很，快病程進展亦很快，不作治療的話絕對有機會危害生命。

前列腺癌雖然都有分1至4期，但係實際上最重要嘅只係分兩種。一種係未擴散( 即係局部疾病 )，一種係已經擴散。

未擴散的局部疾病前列腺癌至少分為三個等級。可以分為係低風險中風險或者高風險。咁至於點樣分風險呢，主要有幾種因素。

第一是癌指數PSA 的水平。以10和20作為分野去分成低，中或，高風險。如果癌指數超過20淨係呢一種子錶已經可以斷定是高風險疾病。

第二種指標係前列腺癌喺局部涉及的範圍。或者叫做局部的期數。例如癌症在影像學上只係佔左右其中一邊細個一半，就屬於低風險。假若癌細胞已經，超出了前列腺的外莫甚至侵蝕其他附近器官，就已經算係高風險。

第三種指標，就係癌細胞活檢出來的細胞分化度，又可以叫做gleason score. 分數最低是六分，最高是十分。分數越高代表癌細胞，未分化程度高，即係癌細胞嘅樣唔似本身前列腺癌細胞。亦即代表細胞分裂得很快，生長速度高。呢一種疾病擴散的機會很大。假如是六分的就代表和本身前列腺的細胞樣貌較為相似，生長的速度較慢。

所以三種風險，就靠以上三種指標去衡量來制定。

低風險的病人可以暫時不作治療作密切監察，有需要可作電療又或者手術去根治。有些病人因為年紀太大，可能根本只是定期監察就可以了避免為病人產生更加多的副作用。

中高風險的病人則需要進行手術或者電療。有部分要配合荷爾蒙藥。若然要使用荷爾蒙藥高風險的病人一般使用的時間較長。

當然以上所講的都係簡化了的分級方法實際還有其他的考慮。

那麼至於擴散了的病人呢？

要斷定病人需要較為進取積極的治療或者使用一些較為簡單的荷爾蒙治療，主要取決於擴散了疾病所牽涉的器官多少，和睇番本身gleason score.

例如大家都是擴散了的病人但是一個只是非常少量盆腔有淋巴轉移可能除了荷爾蒙治療，都不需要使用化療或者標靶藥物。但另一個病人可能病情一發病已經發覺骨頭甚至肝臟和肺部都有擴散癌症，那麼就要化療和標靶藥物一同使用治療。

如上述所講，另外疾病本身的gleason score 因為也說明了疾病擴散和生長的速度。所以就算只是跌得幾粒淋巴轉移，但是可能gleason 10，都要盡快用比較進取的藥物治療，否則病情很快便會轉移到其他身體重要器官危及生命。

所以我成日同病人講每個前列腺癌病人的癌細胞情況都不同，就算大家都係第四期擴散病人治療的方法和積極性也可以很大分別。千祈唔好就咁聽人講話前列腺癌生得很慢，就唔理佢。否則可能錯過，醫治的黃金機會。

蘇子謙醫生
(臨床腫瘤專科及註冊中醫師)

#中西醫結合
#蘇子謙醫生
#蘇子謙中醫師
#癌症治療
#癌症中西醫
#前列腺癌
#電療
#放射治療

城中活動

2026-06-15 7:00 下午【中醫講座】未病先防｜中醫教你為家人守住健康防線

2026-06-13 3:30 下午有人共鳴—— 一個很小、很溫柔的喪親分享聚會

2026-06-12 7:00 下午【線上講座】家支援醫事講・老年腫瘤學新視角

疑難排解

我們有一群專業的醫護人員及相關朋友，隨時解答大家的疑難，立即提交疑問！

按此問問題

會員註冊

成為會員，可以第一時間接收由病患者和照顧者角度出發的資訊，立即行動！

按此註冊

或許你會想看

2025-4-28 AI 對肺癌防治有用嗎？聽聽這些專家怎麼說！