前日講咗公立醫院巡房醫生的工作, 今日繼續.

負責巡房的醫生, 簡單嚟講要做到 “隨傳隨到”. 特別係對於腫瘤科, 沒有常設的實習醫生, 呢個職責就更加重要. 因為即使完成早上巡房和各功課之外 , 病房病人有什麼變化又或者有什麼要求, 病房護士都可以隨時call 醫生. 所以負責巡房的醫生要經常袋住call機 又或者是醫院配給的smart phone. 有什麼是護士都可以馬上通知醫生.

有時可能係病人突然間情況轉差, 例如突然間抖唔到氣,含氧度降低, 那麼醫生便要馬上作出應對, 又或者即時跑回病房. 檢查和治療病人. 另外有一些較為minor的事情, 其實都會花上醫生不少時間. 例如時出院時, 病人可能之前唔記得咗, 但佢突然醒起要出院證明又或者要假紙, 又或者突然間醒起佢要多一兩隻藥. 那麼護士便會即時通知醫生, 回到病房去處理文書工作. 但有時這些事情發生的時候, 醫生可能要有其他的duty, 例如是正在看門診等等, 根本不可能隨時走開. 因為假如一來一回, (而且可能唔係淨係行一次), 其實已經花了不少時間和腳骨力. 另外由於在醫管局當中有些藥物是不用給錢的, 有些藥物卻是要給錢的. 即係政府唔包. 又或者有一些時候即使同一隻藥物, 有些情況是要開為不用給錢的, 有些情況要開私家藥. 有時電腦入錯了code, 去到藥房就會出現問題. 有時又要重新返回病房再改.

例如近排, 我們病人有一個得到了深靜脈栓塞. 經過血科同事的診治, 決定用一隻新型的薄血丸. 而呢隻薄血丸是需要自費的. 但病人還需要留在醫院進行其他治療. 於是我便開了一張所謂home leave 藥單, 即係比還未出院的病人但是還是要留在醫院的, 去藥房真金白銀買呢隻私家藥. 藥費不是太貴只是幾百塊. 我已經非常小心, 出藥單的時候表明是home leave, 而不是discharge. (這個其實是非常容易錯的, 開錯了假如病人倒出院的時候又需要開另外一張藥單, 系統便會禁止, 即係話病人唔可以再攞藥….要再經過一些程序在取消藥單總之很麻煩…)

我肯定這張藥單是私家藥單. 我充滿自信的認為今次做對了. 到了下午後, 護士突然間call我, 話我張藥單開錯了. 呢一張藥單只能夠再試其他社區藥房購買, 而不能在醫院藥房購買. 我實在覺得很奇怪. 問為什麼呢? 明明這隻藥醫院藥房是有的. 後來再經過護士打去藥房再確認. 再call了我一次. 原來這隻藥藥房是有的, 可以買私家藥, 但是只係畀discharge病人買, home leave 藥單的病人是不能在醫院買的. 必須到其他社區藥房買.

我霎時間一個黑人大問號…..因為我知道再問點解也是徒勞無功. 很多事都已經慣了….. 咁我再問因為病人暫時出不到院, 有什麼方法可以讓這位病人真金白銀買藥呢? 原來答案是唔好用電腦出單….. 改返用舊式的手寫藥單就可以喺醫院度買藥. (即係電腦出單唔可以喺醫院買, 手寫單就可以….).

一來一回, 為了一張藥單, 大家便花了半個小時, 病人也走嚟走去了兩次….

另外作為巡房醫生無論病房什麼事到時你的責任. 例如突然間病人發燒, 護士會馬上call你. 又或者病人可能喺病房行行下突然間跌倒, 巡房醫生也有責任去睇一睇病人. 有一次試過病人因為隻腳非常瘦, 竟然他在了病床和床欄中間, 插了入去出不了來. 這些也是醫生需要處理的. 那次試了很多方法也不行, 差一點要call消防員鋸床. 最後找了一些醫院技工, 非常出色, 把病床拆散了, 救番病人隻腳出嚟.

所以總言之, 有時一些其他事項佔用的時間比真係巡房睇病人的時間多.

另外醫院一般 還有另外活動, 通常都會定期進行. 一樣叫做senior round, 另外一樣叫做grand round. 首先講第一種senior round. 亦即時說由較為高級的醫生, 去到supervise 巡房醫生睇病人. (一般直接巡房的醫生都是初級醫生). 很多時都是初級醫生在病房向高級的醫生逐個病人回報情況. 不同部門不同醫院有不同的做法. 有些地方可能是senior round 一星期一次, 有些地方可能是每日都有一次. 各有各做法不同.

另外一樣巡房醫生要花更多時間準備的是grand round. Grand round 有個grand字. 聽到都知道係勁. 一般主持的都是部門主管 又或者其他顧問醫生, 或部門的教授等等. 很多時是整個部門的醫生空巢而出, 又話寫是整個division的醫生一齊在病房 巡房. 較為初級的醫生一般在這些情況都很緊張. 因為其他醫生會一齊去到監視和評審巡房醫生對病人的處理是否恰當, 另外其他醫生也會給一些意見和建議, 怎樣做係更加可以完善病人所得到的medical care. 並且可以作為初級醫生的訓練.

在大學醫院當中也有一些grand round時歡迎醫學生來參加的. 最出名的是一個德高望重內科教授的grand round. 很多時整個division 的醫生加埋超過十個, 都會一齊參與. 再加上十多位學生,在後面一齊參加.陣容非常鼎盛. 但大家須知, 公立醫院的走廊一般很擠迫, 其實很難容納那麼多人. 所以很多時行得慢在後面的人, 基本上是聽不到巡房醫生和教授的對話, 我哋經常說笑呢啲係後排攻擊. 大家可以幻想一下, 情況就好似結婚擺酒去到敬酒的環節, 新娘新郎行在頭, 因為參與敬酒的親戚朋友兄弟姊妹甚多, 排著最美的幾個兄弟姊妹, 很多時都畀龍頭delay 兩三張枱的距離, 根本參與不了前面發生的事. 多人參與的grand round 情況就正正一樣.

有些部門在grand round以後, 還會有下部分節目sitting round. 即係所有醫生坐喺會議室當中, 每星期輪流又不同的醫生講書. 互相update下大家的醫學知識. 不少醫生都會enjoy sitting round 多過真係喺病房行嚟行去. 因為真係冇咁攰, 同埋病房有時多人起上嚟, 真係唔係好夠fresh air.