mRNA 疫苗原來可以醫癌症??

文章

杏林專欄 > 臨床腫瘤專科 > 蘇子謙醫生 > mRNA 疫苗原來可以醫癌症??

mRNA 疫苗原來可以醫癌症??

06-02-2021

<<mRNA 疫苗原來可以醫癌症??>>

mRNA (messenger RNA)疫苗技術喺過往的一年得到爆炸式的發展. 其實呢一種技術已經發展左超過20年. 估唔到今次疫症竟然令到這一種啱啱成熟的技術可以大派用場. 除咗用於今次冠狀病毒感染之外, mRNA 疫苗其實其中一個重要的作用, 是用來醫治癌症! mRNA 疫苗可以算是免疫療法的一種!

關於mRNA疫苗的基礎知識, 可以參考本博客之前的文章. 另外而家一般癌症病人所講的免疫療法, 其實是check point inhibitors, 只是免疫療法的其中一種. 詳情可參看上一條youtube video.

究竟mRNA疫苗, 點樣可以幫助醫治癌症呢. 其實這是一種個體化 (personalised)的治療. 首先要抽取該病人的腫瘤DNA, 同埋該病人正常細胞的DNA. 再從中利用基因排序同埋電腦計算方法, 去分析腫瘤獨有的DNA基因突變, 而正常細胞是沒有的. 這一部分是非常重要, 因為若然分析錯誤, 注射疫苗後有機會引發免疫系統攻擊自己正常細胞. 最後再透過電腦估計腫瘤細胞表面上的抗原. 亦即係在黃色細胞上的藍色點. 現在平均每個病人可以找出大約20多個特別抗原. 抗原數目越多, 免疫細胞能夠認得出癌細胞而進行攻擊的機會越大.

最後利用各樣機器去製造出能夠產生這些腫瘤特有抗原的mRNA. 這部分所需的技術其實是非常困難. 因為做得不好, mRNA 很容易會受損而失效. 而且在儲存和運輸的過程溫度一定要合適, 否則mRNA很容易會denature. 變成了無效的東西. 因此不少藥廠投資了很多時間沒金錢在這種技術當中.

再將這一些能夠製造出的mRNA, 組合成為腫瘤疫苗. 記住這種疫苗是個體性的, 即是說只係對某一個病人的某一種癌症有用. 唔能夠用喺第二個病人身上. 而這一些mRNA 在注射後會走到身體的 Antigen Presenting Cell (APC, 亦即係下圖黃色的細胞). mRNA進入了這些特別的細胞之後, 便會在這些細胞的表面產生腫瘤的特異抗原. 呢一種細胞的厲害地方, 是可以加強對免疫細胞(又或者淋巴細胞, 粉紅色的細胞)的”免疫教育”. 亦即係教育淋巴細胞去認得到這一些抗原, 激發淋巴細胞的免疫力. 當激活淋巴細胞認得到癌細胞之後, 便會遊走全身尋找癌細胞去攻擊, 達到了自身免疫去治療癌症. 而且淋巴細胞會不斷產生記憶, 而且會不斷複製, 直至到全身癌細胞消失為止. 所以這一種疫苗雖然唔係淨係打一次, 但打了一個週期有效之後, 唔似得其他藥物需要長期打針. 一旦產生效用, 效力可以持續很長久甚至可以一生有效. 這是因為淋巴細胞的壽命很長而且記憶力幾乎是永久性的.

聽落去好似最強武器, 但好多時要發揮最強功效, 需要配合其他的免疫療法, 例如而家常用的antiPD1 /PDL1抗體療法 (可以睇一睇上一條youtube 片段). 而家已經有初步的臨床數據證實對於黑色素瘤有很好的效果. 第三期的臨床研究和治療其他癌症的研究仍然在進行當中. 相信過多幾年, 臨床數據成熟, 這種治療方法將會成為其中一種骨幹療法!

但這一種療法的最大唔好處係, 製作過程複雜, 而且成本昂貴. 相信只會在發達國家當中找得到. 而且在正式推出市面時相信呢一種療法應該係天價.

#mRNAvaccine
#癌症治療
#免疫療法

ref https://www.modernatx.com/……/mrna-personalized……