文章
杏林專欄. > 臨床腫瘤專科 > 蘇子謙醫生 > 單用supplement 可以醫癌?

單用supplement 可以醫癌?

08-01-2021
<<單用supplement 可以醫癌? >>

有記者訪問我, 關於單用某幾類健康產品, 不做 手術化療,電療,標靶治療 ,免疫療法等 ,可否醫癌。 我有以下補充。1. 我從來都是倡議中西醫結合, 或者西方所講的結合醫學(integrative medicine)。 特別係對於腫瘤病人,因為病情嚴重 ,就更加應該用盡一切的方法醫治癌症。 呢個概念近十年在北美地區稱為integrative oncology. 所以我 從來不反對病人服食補充劑或者是其他健康產品。 但關鍵是你要讓你的主診醫生之道 你正在服用的產品。 而且同事要定期覆診見醫生 觀察症狀嘅變化 腫瘤嘅控制和肝腎功能是否正常等。

2. 薑黃素, 綠茶素等 很多年前已經知道 在細胞學上有一定的抗癌功能。 在西方世界食這些補充劑根本是非常普遍。 而且這些產品在很多地方 甚至網上平台iherb 都已經有得賣。 而且標明哪一些是經過GMP 認證更為安全。 而且價錢又不貴, 又知道生產來源 和藥廠的資料 可以說更加安全。

3. 這些 能在細胞研究 或者是實驗室研究上 上發現 有一些抗癌作用的產品是否可以成為主要依涵的藥物呢? 我近來重新審視呢一啲產品嘅 科學證據。 發個大部分都是臨床前研究, 亦即係話冇 在臨床研究上證明可以單用這些產品可以喺人體上醫癌。 至少現在的臨床證據不足。 咁究竟可唔可以用呢? 我認為 充其量可以作為一種輔助治療(complementary), 不可以取代手術電療化療免疫標靶 等等有科學證據的治療。

4. 再講得明白啲 食呢啲產品冇問題 一般都係安全嘅, 除非你用量過大。 但唔可以話就咁食咗呢啲嘢就 唔使睇醫生唔使接受正規的治療。 總之要食嘅都話畀醫生聽有醫生定期幫你睇住, 咁樣做就穩陣好多。

5. 咁有冇一啲臨床研究證明呢一啲產品嘅功效呢? 都有一啲 。不過規模細而且結論唔夠conclusive. 例如薑黃素 曾經發現假如與腸癌 化療一齊用, 可以減輕 化療 藥物Xeloda 引起的 手足綜合症( 手腳甩皮發炎)。 另外又有人嘗試用薑黃素去 同埋化療藥物Gemcitabine 一齊用於治療胰臟癌, 沒有額外的毒性。 以上只是其中兩個例子, 但差不多所有的這些臨床研究都是細規模 ,而且唔可以畀到肯定的結論。 所以呢啲只係作為研究參考價值。

6. 化療一用 癌症就會擴散?
其實癌症的擴散是因為癌症本身失控而擴散。 與化療無關。

7. 化療唔好做?
首先講下咩係化療, 化療全名是化學治療(chemotherapy), 亦即係利用一些對癌細胞有毒性的藥物, 去殺死癌細胞。 而化療藥物實在繁多,常用的至少有三十種。 而每一種癌症 用的化療藥亦有可能不同。 所以以偏概全咁講化療毒性好大 幫助唔到疾病, 邏輯上已經不通。 因為 應該分清 是哪一種癌症 做哪一種化療藥物 有效,定係無效? 又或者效用有多少? 若然一聽到化療就話一定冇效, 就即係話喺街度上見到一個賊, 就話全個香港都係衰人。 邏輯上完全唔通。

再者化療的毒性其實現在已經大為減輕。 主要因為 有一些好的輔助藥物, 例如是止嘔藥 現在非常有效,甚少見到病人真的嚴重嘔吐。 白血球低我們也有白血球針去提升返白血球。 可唔可以畫花了一些副作用都沒有, 但係至少現在 化療的副作用已經減到很低。 即使某些乳癌病人或腸癌病人 完成化療後的手痺腳痺, 利用針灸亦可以舒緩。

8. 電療唔好做?
電療 亦即係放射治療, 利用 輻射去殺死癌細胞。 好多人聽到電療以為副作用好大, 而且冇乜用呢個其實完全係誤解。 首先近這二十年電療技術大幅進步, 由以往的3D 技術變成了 現在常用的IMRT, IGRT, Arc Therapy, MR Linac, Heavy Particle Radiotherapy… 我拋出這些專有名字, 並唔係想嚇大家 而係其實現在電療技術非常複雜, 即使係醫生 假如唔係做放射腫瘤科的也不一定很認識, 所以一般人要了解詳情恐怕並不容易。 例如電療 治療第一期肺癌局部控制率達到九成以上。 對於手術後的乳癌電療可以 減低復發和增加生存率。 早期 前列腺癌經過電療後, 大多數也能痊癒。 而且再加上現在 影像定位精準, 同埋輔助技術如rectal spacer, 大腸發炎 的副作用已經減到非常低。 仲未講短期電療Brachytherapy…

總之電療的 有效性 和安全性一言難盡, 臨床科學證據有很多。

三十多年前對電療的認知, 去理解今天的電療技術, 就好似 將電話亭電話 去理解 phone12 一樣, 夏蟲不可語冰。

9. 好多天然產品其實裏面都有抗癌作用? 點解醫生又唔作為一線治療呢?

正如上述所講, 很多天然產品或食物的確有抗癌或防癌的功效, 但主要的作用輕微, 一般只可以作為輔助性治療 又或者健康人士 用來作為“ 食療”。

一般醫生 睇癌症病人 制定治療方案的時候, 以科學證據為先。 最多科學證據和臨床數據證明有效的 ,當然要首先使用。

冇理由明明有用的嘢唔用去試一啲 唔知有冇用的偏方。

作為醫生和科學研究, 當然要以最開放的態度去接受 一些未經臨床驗證的療法。 但一般我建議這些療法只用在正規治療失效以後。

好多人擔心正規療法的各種副作用。 覺得天然產品副作用甚輕, 所以應該首先使用。 但係其實用一些另類療法而忽略或者delay正規療法最大的副作用, 就是減低醫好的機會。

10. 有冇研究證明單用另類療法 ,會減低自癒的機會呢?
美國的耶魯大學 在2018年發表論文, 去回顧 2003年到2014年的病人資料庫。 在回顧了 超過190萬 病人 包含四種癌症 包括(肺癌,腸癌,乳腺癌和前列腺癌 )資料。 當中發現 有一些病人只是用另類療法 而冇用西醫正規治療, 死亡率會高一倍。 在分組 分析裏面 乳癌病人死亡率會高四倍。 但同時使用西醫正規治療 和另類療法共用的病人, 生存率沒有減低。 (https://jamanetwork.com/journals/jamaoncology/fullarticle/2687972)

另外在 剛剛2020年11月 在 公佈了一篇系統性分析回顧(meta analysis). 去睇下 假如病人因為各種原因延遲應該要做的治療,死亡率會唔會升高。 發覺原來每四個禮拜的 延誤手術, 在乳癌和大腸癌的病人當中, 死亡風險(相對風險)會增加 7到9個%. 另外化療電療的延誤, 每四個禮拜也會加重幾種癌症的死亡率。 例如是 乳癌手術 後假若需要做 做化療, 每四星期延誤也會 增加死亡率大概10%
(https://www.bmj.com/content/371/bmj.m4087)

所以無論係點 ,或者想用什麼輔助治療 都唔應該忽略正規的治療。

11 某些中藥例如是白朮白花蛇舌草當中的一些成分,會刺激癌症生長?
我首先唔去逐隻成份去慢慢論述。

講下乜嘢係中藥。 中藥係 按照中醫藥的理論, 許透過電正論自為病人定出 最啱該病人的方藥。 而唔係就咁拿住一隻草藥 入面其中一種成分 佢畀病人服用。

中藥 很多時是一種 復方, 一條方入面有多種中藥 癌症病人一般服的中藥藥方藥材更加多。 小則十多種, 多則接近30種。 當中入面中藥的互相制衡 同埋interaction, 一來目的是要多方面去全面調理身體治療癌症, 二來 是互相制衡每種藥材之間的毒性, 減低副作用。 而且所用的中藥會根據病人的病情變化而有所更改。

單是拿著 某些中藥當中的某一成分 ,說中藥 對癌症病人有害, 有一點污名化了傳統中國醫藥, 不太公道。

12 癌症有很多種,都是用同樣幾種補充劑治療?
西醫用藥不同癌症用不同的 化療 標靶或者免疫療法藥物, 又或者合併使用。 近這幾年西方腫瘤學已經進化到了 個體化治療precision medicine. 亦即係話 會透過每一個病人 的腫瘤基因排序去製定位該病人 合適的治療方案藥物。 所以十個 同樣 是肺癌 病人, 現在可能十個病人用的藥物都不同。

呢個理念和中醫的辨證論治,三因制宜, 有共通的概念。

除咗要考慮腫瘤本身的不同也要考慮病人體質 都有不同, 用藥都有不同。 不正醫生是醫人,而唔係醫病。

所以反過嚟睇,假若說有幾種健康產品可以醫百病, 聽落去和中西醫兩種醫癌的概念都 背道而馳。

13 今日寫得很長, 希望在不久的將來能夠將 更多正確的健康資訊和大家分享, 以正視聽。

蘇子謙醫生
(臨床腫瘤專科)

城中活動

2021-12-29 2:30 下午 義剪服務 – 癌症患者
2021-12-18 6:00 下午 Hoo~Hoo~Merry X’mas 聖誕聚會
2021-12-18 10:00 上午 癌症支援服務義工培訓系列

疑難排解

會員註冊


或許你會想看
畫出彩虹 | 藝術治療如何結合癌症醫學? 腫瘤科醫生:醫「心」才能醫「身」
畫出彩虹 | 藝術治療如何結合癌症醫學? 腫瘤科醫生:醫「心」才能醫「身」 作為醫者,在專注治療癌症之餘,和病 […]
國際乳癌關注月 | 乳癌初期存活率可達八成! 醫生詳解乳癌分期的病患特徵及治療方案
國際乳癌關注月 | 乳癌初期存活率可達八成! 醫生詳解乳癌分期的病患特徵及治療方案 十月,是國際乳癌關注月,希 […]
癌症與情緒 | 如何與癌共存?醫生分享9個預防癌症和抗癌的對策
癌症與情緒 | 如何與癌共存? 醫生分享9個預防癌症和抗癌的對策 癌症患者往往對自己為何患上此病而有所疑惑,在 […]
保持「正氣」,癌症就不會來襲?
保持「正氣」,癌症就不會來襲? 「正氣存內邪不可干」是出自黃帝內經的一句說話,即係若體質好、免疫力高,癌細胞便 […]
電療及化療期間 是否適合服用中藥?
電療及化療期間 是否適合服用中藥? 「做緊電療化療,可唔可以食中藥?」呢個問題好多病人都會問。其實中醫可以擔任 […]
<<抗癌藥物咁多種, 點知道自己嘅癌症最適合用什麼藥?>>
<<抗癌藥物咁多種, 點知道自己嘅癌症最適合用什麼藥?>> 好多病人都有疑惑,究竟而家 […]
腫瘤與熱毒 中西醫解究
腫瘤與熱毒 中西醫解究 不少中醫認為腫瘤是由「熱毒」所引起的,究竟咩係熱毒?是否等於熱氣、咳嗽、喉嚨痛咁簡單? […]
大腸癌如何用中藥幫手?
大腸癌如何用中藥幫手? 大腸癌可以講係香港三大癌症之一, 發病人數 越嚟越多, 而且和西方社會一樣逐漸有年輕化 […]
編者的話
#編者的話 《醫生註冊修訂條例草案》本周三立法會將恢復二讀。各界別一直看法不一。有評論認為私家醫生收費貴,「生 […]
<<年青醫生的壓力>>
<<年青醫生的壓力>> 這星期有一單新聞, 震撼醫學界, 當中的事情發生經過和原因, […]
<<牛津大學最新研究發現,冬蟲夏草成分可冶癌?>>
<<牛津大學最新研究發現,冬蟲夏草成分可冶癌?>> 冬蟲夏草嘅價格有增無減, 傳統中醫 […]
(射頻消融+電療) (免疫+標靶) 組合療法提升治肝癌成效
(射頻消融+電療) (免疫+標靶) 組合療法提升治肝癌成效 大公報 2021年10月10日  及早察覺 隨着醫 […]