藏在心底裏既點解嘅？點解嘅？點解嘅？

文章

杏林專欄 > 藏在心底裏既點解嘅？點解嘅？點解嘅？

藏在心底裏既點解嘅？點解嘅？點解嘅？

23-05-2016

點解我廿二歲就有CANCER？？

點解我咁靚女要甩頭髪？？

唔好話有Cancer，喺塊面生咗粒瘡你都會不停問點解嘅？點解嘅？點解嘅？
醫生你唔係諗住一句基因異變就可以打發我走呀？你唔係諗住話原因有好多，我就可以安息呀？
事實係…一日入面，呀醫生要面對幾十個相同嘅case！對佢黎講已經習慣咗個個都天崩地裂咁。佢可以做嘅係同你講：你好好接受治療啦，我地會盡力幫你！
其實呢啲時間可以做倒嘅係俾自己靜下…

其實…It's okay to be not okay！

＜你有病就睇醫生＞

斷估你咳下唔會覺得自己有Cancer掛？
（如果會…我諗你太大壓力，都係睇醫生穩陣！）

我唔係要嚇大家！不過老實講，我最主要徵狀係咳。其他嘅徵狀唔用心加以留意，只會當係感冒影響。

事源係2013年6月尾，我本住天不怕地不怕嘅精神跟學校Study Tour去東京。回港後就隨即投入Intern 嘅Office 工作。
唔係講笑！番咗幾日工，啲同事個個輪住病，個個都咳到肺癆咁款。(我相信絕對唔係我邪住佢地呀下！)
幾日後，我係不負眾望地加入咗【咳到痴肺大家庭】。其實我都醒！咳咗幾日，加上“覺得”咳到心口有啲痛就即刻狗衝去睇醫生，話俾醫生知你地班人傳染我！
呀醫生：「你可能咳得太勁所以拉親啲肌肉姐！開啲止痛藥俾你啦。」

如是者之後覆診都得到相同回覆····· （其實又唔怪得呀醫生咁老定，鬼估倒彤姐你廢到咁咩！）個多月後，一次照鏡嘅時間竟然發現左邊鎖骨被心口腫脹的肌肉遮住。「我個性感鎖骨去咗邊呀？媽呀…」於是淆底嘅我就超級心緒不寧地去搵一個勁嘅醫生睇睇啦！（所謂勁，即係收得貴啲囉）

講解下我當時已經有嘅徵狀先：
1. 咳咳咳
2. 消失的鎖骨
3. 心口痛＆背痛（唔能夠打側壓住左邊訓）
4. 一次訓覺出大汗

拿！人家收得貴係有原因！勁醫生摸摸我條頸後，就命令我即刻去照肺。下圖就係我當時照X-ray嘅底片。望望右邊（即我嘅左肺），見唔見倒有個橙？好記得當時我同友人拎呢張 X-ray片時，低能無腦嘅我地係指住個“橙”笑左好耐，因為我地以為係心臟又le又lo…其實惡夢已經漸漸走近身邊，但兩個傻仔仍然笑得好開心！

之後發生咩事呢？？下回再分解…

P·S· 呢個橙足足有15-16cm! 其實我都唔明解，有個橙喺心口我都可以唔知…真叻豬！

彤姐話你知 : Cancer 咋嘛駛乜驚呀!

城中活動

2026-06-15 7:00 下午【中醫講座】未病先防｜中醫教你為家人守住健康防線

2026-06-13 3:30 下午有人共鳴—— 一個很小、很溫柔的喪親分享聚會

2026-06-12 7:00 下午【線上講座】家支援醫事講・老年腫瘤學新視角

疑難排解

我們有一群專業的醫護人員及相關朋友，隨時解答大家的疑難，立即提交疑問！

按此問問題

會員註冊

成為會員，可以第一時間接收由病患者和照顧者角度出發的資訊，立即行動！

按此註冊

或許你會想看

2025-4-28 AI 對肺癌防治有用嗎？聽聽這些專家怎麼說！