文章
杏林專欄 > 臨床腫瘤專科 > 蘇子謙醫生 > 究竟邊一種人士適合注射mRNA 疫苗， 那一些人不適合呢？ 新加坡衛生局的看法

究竟邊一種人士適合注射mRNA 疫苗， 那一些人不適合呢？ 新加坡衛生局的看法

18-03-2021

<< 究竟邊一種人士適合注射mRNA 疫苗， 那一些人不適合呢？ 新加坡衛生局的看法>>

“醫生醫生， 究竟乜嘢人可以打疫苗？ 有敏感嘅打唔打得？ 有哮喘嘅打唔打得？ 有糖尿或者高血壓的人打唔打得？ 準備懷孕的人打唔打得？ 正在母乳餵哺的人打唔打得？ 有癌症的病人打唔打得？ 發緊燒嘅病人打唔打得？。。。。。”

近來都不少朋友問，他們有什麼什麼病， 究竟可唔可以打BioNtech復必泰疫苗呢？ 呢個問題其實唔容易答。 一來covid呢一個病算係一個新病， mRNA vaccine 亦都 係一種新的疫苗。所以即使醫生也需要詳細研究在可以作出一個穩妥的答案。

剛巧新加坡衛生當局早幾日更新了 他們給醫生 和醫療專業人員接種疫苗的指引。 而新加坡主要係打moderna 同埋 BioNtech 呢兩種m r n a疫苗。 所以呢一份指引都主要係針對mRNA 疫苗。 而在我們香港暫時就只有一款mRNA 疫苗 BioNTech復必泰。 所以呢一份指引應該都啱使。

新加坡方便接種疫苗的比率比香港高， 現在都差不多有20萬人完全打了兩針疫苗， 40萬人打咗一針疫苗。 而且他們有實時不良副作用通報機制，所以暫時他們自己的數據應該畀我們多。 再加上他們製作這份指引之前應該都已經做了很多科學資料搜集。

但係記住呢一份指引隻係新加坡衛生當局， 比新加坡的醫生和專業醫療人員參考。 並不是比一般公眾和病人睇的。 而且只是新加坡的看法， 所以大家真係真係要打疫苗之前，要問下自己的醫生。

記住呢份嘢只係參考!

呢篇文並不構成任何醫療建議! 有問題請請教自己醫生!

呢篇文並不構成任何醫療建議! 有問題請請教自己醫生!

呢篇文並不構成任何醫療建議! 有問題請請教自己醫生!

呢篇文並不構成任何醫療建議! 有問題請請教自己醫生!

( 重要的事情講三次， 以上講咗四次。)

 

以下就是 各類 新加坡當局認為*可以*接種BioNTech疫苗的人士

  1. 對其他食物，藥物，昆蟲針刺的 輕微敏感 ( 即係出疹嗰啲)， 但唔包括對疫苗敏感。 而呢種敏感 並*不*構成 敏感性休克( 暈低咗)， 散腫頭腫面腫或呼吸困難。
  2. 糖尿病高血壓病人
  3. 鼻敏感 ，哮喘 ，濕疹病人。 但哮喘病人接種的時候建議先帶平日用開的 吸入式哮喘藥( 氣管擴張藥)
  4. 曾經面癱病人
  5. 腦退化，柏金遜病
  6. 甲狀腺疾病
  7. 諗住懷孕或pla 試管嬰兒的女士。 冇錯呢類人都可以打。 但至少要在第二針完成後一個月才可以懷孕。
  8. 各類皮膚病( 如果沒有進行免疫抑制劑治療)
  9. 康復後的癌症病人
  10. 正在接受荷爾蒙治療的癌症病人( 前列腺癌和乳癌)
  11. G6PD 蠶豆症
  12. 肝硬化或者腎病
  13. 肺氣腫
  14. 食緊阿士匹靈或者薄血丸的人( 服食薄血丸的人 打針後至少要按壓五分鐘)
  15. 正在餵母乳的人士( 打完後要停止七日母乳*)( 請看下文)

以下就是 各類 新加坡當局認為* 不建議*接種BioNTech疫苗的人士

  1. 曾經試過對其他疫苗敏感( 即使是輕微敏感)
  2. 對第一針BioNtech 疫苗敏感人士
  3. 對任何藥物，食物，或昆蟲針刺後， 出現嚴重敏感。 即係以下是但一樣， 敏感性休克( 暈低咗)， 散腫頭腫面腫，或呼吸困難。
  4. 正在接受電療,化療,或免疫療法的癌症病人。 完成治療後要等三個月才可以接種疫苗。 或者接種疫苗第二針後 要等兩個月才可以接受癌症治療。
  5. 曾經對任何藥物出現嚴重皮膚反應， 例如是皮膚潰爛，Stevens Johnson Syndrome
  6. 正在懷孕的人士。
  7. 正在接受任何免疫抑制的藥物。
  8. 出現嚴重感染性疾病 例如肺炎
  9. 發燒。 現在退燒後24小時之後先可以打。

特別情況注意

  1. 如果打咗第一針之後先發現自己大咗肚點算？ 唔使驚， 冇證據證明呢啲疫苗對胎兒有害。 不過穩陣起見 第二針應該 在bb出世以後先打
  2. 正在餵母乳人士。 雖然新加坡當局建議都可以打， 不過建議暫停五至七日的母乳餵哺。 感覺唔係好practical， 所以這類人士可能暫時唔好打住都ok
  3. 不同的抗癌藥或免疫抑制劑 。其實有一些 病人都可以打， 不過呢方面我唔細講一定要請教醫生。
  4. (added) 如果已經打咗其他疫苗， 每針之間 至少要隔兩星期

大家記住以上這一個列表is not exclusive. 總言之以上 的東西都只可以作為參考。 一來這只是新加坡當局的看法 而來隨著疫苗數據越嚟越多隻引可能會有所更新。( 呢份指引係2021年3月12號出的)

大家參考下就好啦!

最後喺去分指引有其中一句筆者睇完之後都有少少感動。 佢講到明如果醫生根據衛生局呢一份指引作出判斷， 而且跟足曬程序建議打針。 最後如果有什麼差池畀人告， 衛生當局一力承擔賠償。。。。。

reference
https://bit.ly/38G3KRq

 

蘇子謙醫生
(臨床腫瘤專科)

相關文章:

  1. 基本篇 – 卵巢癌必驗：BRCA基因檢測全面指南（上）
  2. 執筆撰寫《淺談乳癌》
  3. #我的故事
  4. 我的故事

城中活動

2025-02-01 AEON「幸福的黃色小票」活動
2025-01-23 9:00 上午 【癌症復康】九龍區癌症復康診所計劃
2025-01-18 3:00 下午 「中醫藥在肺癌治療的角色」講座

疑難排解

我們有一群專業的醫護人員及相關朋友，隨時解答大家的疑難，立即提交疑問！
按此問問題

會員註冊

成為會員，可以第一時間接收由病患者和照顧者角度出發的資訊，立即行動！
按此註冊
或許你會想看
【渣打香港馬拉松2025】醫患陪你跑-東東雲吞麵
🏃🏻個人簡介 東東雲吞麵｜香港護士，淋巴癌康復者 🏅活動期望 / 心聲  Everyone is No. 1 […]
【渣打香港馬拉松2025】醫患陪你跑-Ada Lo
🏃🏻個人簡介 ADA LO | 乳癌康復者、粉紅戰士癌症康復者龍舟隊隊員   🏅活動期望 / 心聲  […]
【渣打香港馬拉松2025】醫患陪你跑-Doris Cheung
🏃🏻個人簡介 Doris Cheung | 乳癌康復者   🏅活動期望 / 心聲   60歲退休作出 […]
【渣打香港馬拉松2025】醫患陪你跑-Clark Cheung
🏃🏻個人簡介 Clark Cheung ｜健身教練、淋巴癌康復者   🏅活動期望 / 心聲   作為 […]
【渣打香港馬拉松2025】醫患陪你跑-IRIS SHUM
🏃🏻個人簡介 IRIS SHUM（岑麗明）｜展晴社主席、乳癌康復者   🏅活動期望 / 心聲   第 […]
【渣打香港馬拉松2025】醫患陪你跑-Jennifer Tse
🏃🏻個人簡介： Jennifer Tse ｜香港不倒騎士單車隊召集人 淋巴癌康復者   🏅活動期望  […]
【渣打香港馬拉松2025】醫患陪你跑-Josephine Tsang
🏃🏻個人簡介 Josephine Tsang  | 乳癌康復者、香港乳龍主席   🏅活動期望 / 心 […]
【渣打香港馬拉松2025】醫患陪你跑-Christine Fok
🏃🏻個人簡介 Christine Fok | 胰臟癌康復者 時裝店老闆   🏅活動期望 / 心聲 奇 […]
【人工智能】插完胃喉要「照肺」- 實習醫生還是AI 比較可靠？｜黎逸玲醫生
短時間內先後有兩間公立醫院發生實習醫生錯判X 光片，以致未能及時發現胃喉原來誤插氣管、病人受苦，在社會引起很大 […]
2024年GCOG全球抗癌協作組年會
2024 GCOG-第5屆ILROG國際淋巴瘤北京會議 2024 GCOG-智能腫瘤學北京論壇 2024 GC […]
【正副廠藥】副廠藥不如正廠藥？(二) 從何選擇
當二十年的專利權過後，藥廠需要公開其申請專利時所提交的配方，其他藥廠就可以依照該配方生產具同樣效用和安全性的非 […]
【正副廠藥】副廠藥不如正廠藥？(一) 淺談藥物專利權
病人從胃鏡檢查中發現有幽門螺旋菌，需要吃三聯療法，然而不少保險計劃都不理賠醫治幽門螺旋菌的特效藥。很多病人問我 […]
熱門話題
【書出愛心】 癌症健康講座：中西合璧治療
美政府研究表明：手機輻射與癌癥之間存在聯系
晚晴計劃　死前一刻入院
一家三代乳癌 婦切雙乳保命