文章
杏林專欄. > 臨床腫瘤專科 > 蘇子謙醫生 > 做曬化療後需要排毒?

做曬化療後需要排毒?

03-02-2022

做曬化療後需要排毒?

網上圖片

不少癌症需要做手術後嘅化療。 例如是乳癌,大腸癌最為常見。 通常第二期或者第三期嘅疾病, 做完手術以後都需要做一定次數嘅化療主要目標係減低復發。 但不少化療藥物其實對身體有一定的毒性和傷害, 好多病人都希望做完化療之後利用中醫藥嘅方法 “ 排毒”, 咁究竟中醫藥如何幫得手呢?

唔少人做完化療以後都有不同程度嘅副作用

最常見的膚色變成暗黑 ,皮膚特別是面部多了一些暗班。 對於女病人嚟講呢個問題就更加緊要。 至於點解會咁嘅呢? 原來有一些化療藥例如是 腸癌會用到嘅xeloda 和5FU, 乳癌用的紫杉醇類 和 epirubicin (紅針) 一定程度嘅光敏反應。 做緊化療期間再加上紫外光會令到皮膚有大量色素沉著。 而且除咗色素沉著之外, 化療血有令到皮膚增厚皮膚變得非常乾燥。 部分較為嚴重的病人皮膚變得黑色,而且有脫皮嘅現象。

喺中醫藥方面, 對呢啲色素沉著一般認為是濕氣和瘀毒積滯。 治療嘅時候需要活血化瘀和化濕毒。 治療了一段時間以後通常色素會慢慢地退下。來 但另一方面也要適當嘅補氣同埋養陰。 養陰足夠嘅話皮膚會重新變返柔滑, 真後嘅皮膚也會慢慢好轉。 至於部分病人面色暗黃, 呢啲係中醫所講係虛嘅表現。 服食益氣藥中藥 通常治療了幾個月後不少病人都會覺得膚色慢慢變白了,而且更加有光澤。 喺中醫嚟講呢啲叫面色有神。

另外一個常見嘅副作用就係手腳麻痺。 在乳癌中使用嘅紫杉醇類化療和喺大腸癌當中嘅oxaliplatin, 兩者都有一個累積副作用就係損傷神經線。 隨著化療愈做愈多手指尖腳指尖麻痺和感覺差嘅情況會越嚟越加重。 天氣凍的話情況也會再嚴重一些。 喺西醫方面對付呢一個副作用幾乎是無計可思。 研究發現只為有少量療效的是利用一些神經止痛藥去減痛, 但對於麻木嘅感覺並沒有幫助。 此外單單服用口服嘅維他命b也沒有很大的幫助。

反而不少研究發現 在化療期間又或者是化療完成後的短時間內, 利用針灸嘅方法可以減輕同埋緩解呢一種神經病痛。 我自己臨床經驗方便 發覺假如病人已經是麻痺咗超過半年以上, 質針灸嘅幫助非常微小。 所以我一般建議病人㗎如麻痺開始出現就應該做一些開始針灸。避免疾病已經殘留長時間, 造成長期嘅神經損傷。 另一方面利用中醫藥益氣活血通經絡嘅方法,也有一定有效果。

另外亦都有唔少病人 做完化療以後出完腸胃功能混亂。 例如是經常消化不良,經常有胃氣,甚至長期肚瀉。 而且胃口的都變差。 呢一類嘅病人 可以利用中醫藥嘅健脾益胃方法重新調整腸胃嘅功能。 可以慢慢改善大便習慣增加胃口重新幫助吸收。 常用嘅中藥有 黨參人參白朮等等, 有趣嘅係現代有唔少研究發現呢一些中藥原來可以同時間改善腸道益菌嘅組成, 呢個亦都可能係中醫藥有效嘅其中一個基理。

另外有病人做完化療之後,氣血虛弱,變得經常怕冷出汗手腳冰凍容易頭暈等等。 除咗可以利用中藥益氣補血外, 你都可以利用我之前介紹過嘅羅宋湯加肉方法長期調理補益氣血。 另外也有一些補 品可以幫助回復身體。 例如是野生人蔘,野生花旗參 可以補氣而且唔會溫燥。 偏熱症嘅病人再加上口乾, 可以服用霍山石斛。 另外假如化療後經常氣喘 體力 未回復過來, 可以適當利用冬蟲夏草。 但需要注意服用一些補品嘅時候 ,最好先請教自己的中醫師,睇睇睇質究竟適唔適合。 否則真的浪費金錢而且可能對身體有害。

另一方面化療亦都可以引起脫髮, 喺乳癌病人當中尤其多見。 雖然大部分一病人給予幾個月嘅時間頭髮會慢慢長出, 但係 有部分病人經歷過幾個月都冇辦法生返頭髮出嚟, 而且生得很慢 。 呢個係中醫所講血虛。利用中藥嘅方法的確可以補血補腎加速頭髮生長。 有唔少嘅中藥好似熟地,當歸,製何首烏都可以補血養髮。 我經常聽到 一些乳癌病人 特別係陽性荷爾蒙受體嘅乳癌病人, 問我究竟服用當歸怕唔怕呢? 當歸當中唔係有雌性荷爾蒙咩? 其實答案係唔怕的, 詳細嘅原因可能要寫多一篇文先可以解釋得清楚。

至於利用中藥去調理化療後的各種副作用不適, 需要時間要幾耐呢? 情況當然因人而異, 但如果是單純想重新好調理身體一般需時三個月到半年不等。 當然 假如是有高風險復發嘅病人,現在中醫藥界嘅共識是最好服食中藥兩年或以上去 幫助減低復發, 扭轉致癌嘅體質。

但讀者如果是希望利用中醫藥去化療後進行“排毒”, 請先請教自己的主診醫生睇下適唔適合呀。

蘇子謙醫生
(臨床腫瘤專科及註冊中醫師)

 

 

淺談肝癌 |陳林醫生|#肝硬化 #肝炎 #丙肝 #乙肝 #晚期肝癌 #排毒 #癌症 #健康

城中活動

2023-02-15 11:00 上午 2023瑜伽班~ 學習篇
2023-02-09 11:00 上午 花藝班情人節篇
2023-02-08 10:00 上午 大雄工作坊 – 紙識做動物

疑難排解

會員註冊


或許你會想看
預防皮膚癌 — 滑雪也記得要防曬
自從香港出入境的防疫政策放寬,再遇上聖誕和新年的長假期,身邊的朋友同事能外遊的都出遊了。前天跟一位剛從北海道滑 […]
抗癌路上病友需要怎樣的社交支援?
當病友獲診斷患上癌症時以至治療過程中,都會感到情緒低落、無助。相信這個時候,大家都可能會找家人朋友去傾訴,從而 […]
談醫療疏忽刑事化(二)
上回說到醫療誤殺案件控辯雙方的爭議大多圍繞兩點:有關的醫療疏忽是否直接導致病人死亡,以及該疏忽行為是否魯莽、荒 […]
人生課題(一)至親與晚期病人的溝通技巧
與病人走到人生最後一段路程的時候,至親可能會不知道如何與病人好好一起走過這段路程。但同時知道至親都很希望最好地 […]
談醫療疏忽刑事化
前天新聞報導有兩名公立醫院醫生被控誤殺,立即引起醫療界的熱烈討論。倘若治療過程中有醫療失誤,最後病人逝世,究竟 […]
從頸淋巴追蹤癌症源頭
記得以前還在公立醫院工作的時候,有一天隔壁的診症室傳來吵鬧聲,一位年輕男醫生跑過來求救:「阿姐救命呀,個病人話 […]
睡個好覺對抗癌症的秘訣
面對着癌症帶來的擔憂和治療帶來的不適,相信病人難免會有睡眠的問題,而照顧者一心為了好好照顧病人亦難免有不少壓力 […]
醫生也會過量飲酒?
平日裏,我們總是聽見醫生規勸病人盡量少飲酒,以保護身體。但是大家又曾否聽聞,原來酒精不當使用,在醫生中也頗爲常 […]
在抗癌路上,音樂伴你同行
面對癌症和各種治療時,相信不少病人及其家人難免會感到焦慮和疲倦。 這些都是再正常不過的反應, 並不代表你們不夠 […]
特別的聖經禮物
2023年快將來臨,常人能讀得明白,又能巨細不遺的中文癌病書籍,仍然不算普及。我們致力在各大媒體推動正確健康資 […]
甲狀腺癌患者也可以吃紫菜
一對中年夫婦前來覆診,太太患有第二期甲狀腺癌,筆者替她進行了全甲狀腺切除和中央區頸淋巴清除手術。手術後病人康復 […]
癌症病人在治療期間可以吸煙嗎?
癌症是香港的頭號殺手,在每年導致將近三分之一的死亡個案。研究顯示吸煙是癌症的首要風險因素,吸煙人士的患癌機會比 […]