癌症資訊網

文章

杏林專欄 > 臨床腫瘤專科 > 蘇子謙醫生 > <<醫師，啲中藥好普通咋喎？>>

<<醫師，啲中藥好普通咋喎？>>

28-11-2021

<<醫師，啲中藥好普通咋喎？>>

不少人以為治療一些複雜疾病特別是癌症，用的中藥一定是很多蟲類藥或者較為罕見的草藥。其實不然，中藥不貴乎常見或者少見，而是貴乎於一張藥方入面，各種藥物的如何配搭。就正如某一些的擴散咗的前列腺癌患者，適合用俗稱為超級荷爾蒙的標靶藥治療，一般可以選擇的有三至四類。但絕少聽到病人講說，“ 來來去去都係呢四隻標靶藥，好普通啫” 。

中藥和西藥一樣，最重要係醫得到病。

之前我都幾似講過中藥藥方各種藥味呀配搭，就正如管弦樂嘅音樂一樣，又或者是寫電腦程式嘅程式語言一樣。其實來來去去都係嗰幾種樂器，又或者來來去去都係嗰七個音階。又或者電腦程式語言一樣，其實所打到嘅嘢都只不過係鍵盤裏面嘅所有嘅掣。但總不是每個人都可以演奏出莫札特的音樂，也不是每個人有一個鍵盤都可以寫得出一個app. 唔係每個人有紅茶和黑白淡奶就可以冲得出一杯好味的奶茶。

有正如一些廚師一樣，好多時菜式之可以煮得好食，食材當然要新鮮要靚貨。但係大家在同一個街市買餸，一般人都煮不出廚所煮得出的美味菜式。例如幾個月前去過VEA 餐廳食過，當中嗰一味炸海參現在還津津回味。海參個個都識得買但係你煮唔煮得出嗰一種味道呢？做唔做得出嗰種創意呢？

中醫藥一樣，能夠開出一張有效又啱病人的處方，呢一啲係功夫。

另一方面中藥的質素也是很重要的。例如沙參麥冬都有唔同嘅級數，北芪當歸更加如此。大家去藥材舖買貴嘅冬蟲夏草都有唔同嘅級數價錢可以爭很遠。

例如癌症這一種疾病，有些時候其實處方未必須要直接針對癌症。唔一定要用好多蛇蟲鼠蟻飛天遁地嚟到醫病。特別有一些病人正在接受西藥治療的，就更加要先把接受嘅西藥按照中醫理論看待成中藥一樣，再配合中醫藥股本培元調理身體。例如肺癌病人進食標靶藥後病情差唔多已經完全控制腫瘤接近靜止的狀態，那麼中藥就不用很多清熱解毒或者是攻邪的強中藥，反而是用益氣養陰的方法作為輔助固本培元更加好。

所以中藥嘅處方看似簡單，其實當中藥方當中互相制衡，當中大有學問。

注意：此文章沒有接受任何餐廳的贊助，敬請留意。

蘇子謙醫生
(臨床腫瘤專科及註冊中醫師)

#中藥 #中西醫結合 #蘇子謙醫生 #蘇子謙中醫師 #中醫藥治癌

城中活動

2026-06-15 7:00 下午【中醫講座】未病先防｜中醫教你為家人守住健康防線

2026-06-13 3:30 下午有人共鳴—— 一個很小、很溫柔的喪親分享聚會

2026-06-12 7:00 下午【線上講座】家支援醫事講・老年腫瘤學新視角

疑難排解

我們有一群專業的醫護人員及相關朋友，隨時解答大家的疑難，立即提交疑問！

按此問問題

會員註冊

成為會員，可以第一時間接收由病患者和照顧者角度出發的資訊，立即行動！

按此註冊

或許你會想看

2025-4-28 AI 對肺癌防治有用嗎？聽聽這些專家怎麼說！