癌症資訊網

文章

杏林專欄. > 臨床腫瘤專科 > 蘇子謙醫生 > <<抗癌藥物咁多種，點知道自己嘅癌症最適合用什麼藥？>>

<<抗癌藥物咁多種，點知道自己嘅癌症最適合用什麼藥？>>

26-10-2021

<<抗癌藥物咁多種，點知道自己嘅癌症最適合用什麼藥？>>

好多病人都有疑惑，究竟而家坊間所講抗癌藥物有咁多種，點先知道邊一種抗癌藥物先至係最岩自己呢？而家常用嘅抗癌藥物有傳統化療藥物，標靶藥物，和最新型的免疫療法。而且很多的治療並不是只是用一種藥物很多時是混合使用多種藥物，再加上而家嘅藥物種類繁多，新款嘅藥物不斷湧現，所以好多癌症病人和家屬都覺得好混淆，究竟邊一種藥物是最適合自己的呢？

在10多年前以往抗癌的藥物並不有那麼多，所選擇的唔多確實少了很多煩惱。但其實有黎從煩惱係一種好嘅煩惱，因為代表治療嘅選項越來越多。

首先講下傳統化療。其實所謂嘅化療很多都是對細胞一定毒性的藥物，大多數是注射的藥物，也有小部份是口服藥物。其實化療嘅種類可以話多不聲數，至少常用嘅有接近30隻。每一隻適應癌症，和相應的副作用都有不同。咁至於邊一隻化療係對邊一種疾病有效？好多時都是靠以往所作的臨床研究數據所斷定。例如俗稱紅真的anthracycline 類別，對於乳癌有很好的療效這些都已經是20多30年前所定下的數據，那麼多年也沒有改變。又例如另一種化療藥俗稱紫杉醇，以往只是在乳癌當中發現有效，後來慢慢發現對某部份的頭頸癌甚至是前列腺癌，都有莫大的作用，近幾年甚至發覺對於已經手術切除嘅第三期胃癌，作為術後化療也有不錯的療效，可以減低復發增加生存比率。另外對於大腸癌的中常見嘅化療，其中一種常用的化療藥物是口服藥物Xeloda。一種口服化療藥物可以拼其他化療藥物和標靶藥物可以話係治療大腸癌嘅骨幹藥物。另一方面一種口服化療藥物亦對其他消化道的癌症有用。又例例如胰臟癌就會對Gemcitabine和另外一種三合一的療法有用。

所以總括黎講邊一種癌症用邊一種藥物，其實是根據以往在實驗室和在大型臨床研究當中所定下來的。由於喺有臨床研究數據所推動，所以一些較為常見的癌症例如是大腸癌肺癌乳癌等等，就會有較多的化療藥物可以使用，是因為人很多，臨床研究容易進行。一些較為罕見的癌症例如是肉瘤，由於病例並不多所以有效的化療選擇也並不多。

但係再聞深一層，即使是十個乳癌病人，十個乳癌病人的腫瘤特性和當中的生物特質也不同，是否每一個病人都對同一種的化療藥物有著相同的敏感度呢？係咪個個打咗同一種藥物都一樣咁有用呢？呢個係傳統嘅大型臨床研究，有所缺憾嘅地方。有時一線藥物未必對個個病都有用打了幾針之後，無什麼療效的病人醫生點會為他們轉為第二線化療。這個情況其實對病人並不太理想，沒有療效只有毒性。

但其實現在已經有了新的準繩化療方法。

其實即使是化療藥物，也進入了個人化治療的年代。現在已經有一些測試，可以吧病人嘅癌細胞送往實驗室檢查，利用電腦數據分析可以知道哪幾款化療藥物對呢一個病人嘅腫瘤係特別有用。那麼根據實驗結果腫瘤科醫生便會得到一些提示知道哪一款藥物較高機會有效。呢一種做法對於有一些癌症同時有兩三款都有用的，化療選擇時候就更加發揮用處。

經常聽坊間的一些講法，講話化療又傷癌細胞又傷自己的正常細胞。其實呢種講法並不完全正確。現在化療藥物更加精準地針對癌細胞，而且在配合醫生的臨床判斷調教藥物種類和劑量，準確度增加提高，而且毒性可以有效降低。

聽日再講下標靶藥物和免疫療法究竟應該如何選擇呢？