> – 癌症資訊網

文章

杏林專欄 > 臨床腫瘤專科 > 蘇子謙醫生 > << 中醫戒口實錄>>

<< 中醫戒口實錄>>

06-06-2021

<< 中醫戒口實錄>>

今朝睇咗一個病人，佢家姐話之前唔想帶佢去睇中醫，因為佢話睇咗之後肯定戒口戒口乜都唔食得。所以唔敢睇。上星期也有一個病人，睇完之後問姑娘可唔可以向我攞一張戒口紙。咁究竟睇中醫係咪真係需要戒口呢？同埋帶啲乜嘢食物呢？

戒口紙，我唔係冇準備好，但係我一般很少直接畀病人。理由是因為每個人的病情唔同，戒口的側重點也有一點點分別。當然也有一些通用的避忌食物。但是我通常會花一點點時間，和病人解釋針對佢本身最重要需要戒的食物。

例如上星期有一個癌症病人，中醫診斷肝熱血熱。我重點叫他不要進食一些熱氣食物，例如是打邊爐，鴨鵝，乳鴿，辛辣黑椒等等。他的一位親人問那麼牛肉豬肉雞肉魚肉和雞蛋可唔可以食呢？我說沒有問題。那位親人有點驚訝。他再問可唔可以食生冷嘢呢？我說也沒有大問題。他更為驚訝按耐不住再問 “ 唔係喎中醫成日叫人唔好食啲生冷嘢㗎喎”

我便再詳細解釋。

“無錯多食生冷嘢對脾胃的確唔好，但係對於這個病人來說，這並不是最重要需要戒口的食物種類。我不是說多吃生冷食物會對他有益，只是希望他能夠做到第一步，將最重要喺中醫睇嚟會，影響病情的食物先戒除。給他一點點時間慢慢適應慢慢重新找出一個新的飲食平衡和習慣。之後再看病情的需要再決定是否要戒一些其他食物。凡事都要一步一步嚟避重就輕避免想一步到位。給他一張戒口紙很容易但係好容易引起病人心理壓力大而反感。就好似啲細路仔啱啱返學你想他最重要學習的東西先給他一樣功課叫他做好。他可能很愉快地給你做好。但你一下子又要他學數學學中英文又要STEM, 又要音樂琴棋書畫，再加十樣功課。最後他心裏產生對抗性索性做都唔做。病人的情況也是一樣”

病人和家人聽了我的解釋之後，就明白了。

另外有皮膚病患者問，可唔可以偶然偷食一碗沙爹牛肉麵，因為他真的很鍾意食。但次次食完都會身痕。我說暫時不要。現在病情還頗為嚴重戒口戒得清一點。遲一點病情好轉偶爾偷食少少也問題不大。但若然太早已經偷食難以醫得好。理由是身體多號到一定程度，就可以有一點點tolerance, 亦即係我哋俗稱港嘅水位。一路覆食中藥一路治療，就等於身體不斷儲錢，銀包由只得一百蚊儲到可能已經有一萬蚊。偶爾食一點壞東西就等於從銀包拿出三百蚊。但假如已經儲到一萬蚊 300蚊簡直微不足道。但若然只有在五百蚊的階段就已經用了三百蚊，那麼身體就很難儲錢，病情也很難好轉。

戒口的道理其實也是一樣。