文章
杏林專欄. > 臨床腫瘤專科 > 蘇子謙醫生 > <點樣治療胰臟癌? > (下集)

<點樣治療胰臟癌? > (下集)

25-01-2021

<點樣治療胰臟癌? > (下集)

今日再講埋下集, 究竟胰臟癌如何使用中藥治療呢?

胰臟癌的病人喺中醫看來, 不少都有脾胃虛弱, 痰濕阻滯. 而且不少病人都有長期壓力或情緒鬱結. 呢類病人不少屬於性格內斂, 即所謂有小小屬於好好君子, 有氣自己受. 有時自己的情緒都屈在心入面,並沒有抒發出來. 中醫看來就係因為情緒 鬱結於”中焦” (大約相對於肚臍上的腹部), 再加上本身脾胃虛弱, 脾胃虛弱身體的水分能夠正常運行, 痰濕(即係不正常嘅水分)就會結聚在腸胃之後方, 亦即係胰臟的地方. 氣鬱同埋痰濕互相影響和纏綿, 久而久之慢慢便會成為積聚, 形成腫瘤. 所以治療除了一方面要健脾化濕解結, 另一方面都要疏通氣機. 兩者兼顧先得.

另一方面, 當呢啲積聚越嚟越嚴重嘅時候, 身體的血液流動不暢順, 變成為中醫所講的血瘀. 血瘀所以是一種繼發性的病變而唔係本身的主要原因. 臨床上血瘀重嘅病人, 會見得身體有好多瘀斑, 而且面色青灰暗淡, 另外因為血瘀會令到腫瘤更加之”實”, 喺呢個階段病疼痛會加重, 而且痛固定在一個位置, 痛得像針刺一樣. 所以適當嘅時候都要加一些活血化瘀的藥物, 例如是三七, 乳香,沒藥,丹參,丹皮等等.

上文提個從中醫的角度胰臟癌位於一個藥物難以到達的地方. 所以要另外加一些所謂穿透性強的藥物, 例如是皂角刺, 蠍子, 地龍等等作為輔助.

現實上胰臟癌病人的病機复雜, 好多時都是以上更多種情況交集出現. 特別係去到中後期之後, 很多時會營養不良肌肉萎縮, 但下肢和腹部積水, 這樣也是非常常見. 喺呢個時候雖然病人顯得虛弱, 但很多時當中也有血瘀重或痰濕重的情況. 所以唔可以一路單食補品, 淨係一味用補益的中藥, 又或者是用冬蟲夏草人參靈芝等等並不是對症下藥, 反而要一年攻邪, 一面補身先得.

至於假如病人同時間使用中西醫療法治療, 用藥方面就真係夾一夾. 例如起初用化療的時候第一週期可以先進行觀察副作用, 又或者即使是配合中藥也在打針後的日子 (大約兩星期或者三星期一個週期),利用調理腸胃,補益氣血的中藥, 去減輕化療的副作用. 增強維口固本培元. 攻邪的中藥就盡量減少. 與電療配合情況也是差不多. 但最緊要是定期抽血檢查, 再加上症狀, 把脈舌頭檢查有否改變, 去判斷疾病治療情況和副作用.

最多人問中西藥會唔會撞呢? 答案係如果謹慎小心使用, 互相配合中西藥選用的藥物和服藥時間, 撞的機會很細. 但呢個因為每個病人多的情況, 所以使用嘅時候, 請先請教醫生確保安全.

去到後期啲胰臟癌, 有一些症狀如果淨係用西醫的方法, 處理未必非常完美.配合中藥可能更好.

最常見的腳部水腫, 又或者腹部有積水, 西醫一般用利尿藥又或者定期抽水, 但係好多時抽完冇幾耐又會有番水. 呢方面可以配合健脾利水滲濕的中藥, 減輕水腫. 另外唔少病人都有胃口差又或者食完之後都唔肥嘅症狀. 對於呢種肌肉萎縮和營養不良, 但係不斷飲奶也解決不了. 可以透過健脾開胃的中藥方法, 又或者配合針灸, 可以增加胃口和消化吸收能力.

另外若然胰臟腫瘤壓到後面的神經叢, 呢個時候通常痛得非常犀利. 除咗一般止痛藥或者嗎啡藥物之外, 亦可以配合電療, 又或者透過痛症科醫生進行某些神經麻痺手術, 可減輕痛楚. 此外利用中藥活血化瘀亦可以達到一定的止痛效果.

胰臟癌係一個非常難醫的腫瘤. 但係其實隨著西方的免疫療法(包括腫瘤疫苗)推陳致新和電療的科技進步. 相信在未來幾年應該會有一個突破性的發展. 但中藥仍然佔着重要的作用, 因為中醫藥可以改善病人本身的體質 (host factor), 而唔係淨係集中於癌症去用藥. 所以中西醫結合治療, 可以更上一層樓.

#胰臟癌
#中醫藥

蘇子謙醫生
(臨床腫瘤專科)

疑難排解

會員註冊


或許你會想看
《中西醫藥劑師傾下偈》:化療後脱髮,中醫可以如何介入?
《中西醫藥劑師傾下偈》:化療後脱髮,中醫可以如何介入? 我們想讓你知道的是 化療脫髮是一眾癌症患者最擔心的問題 […]
《中西醫藥劑師傾下偈》:如何用西藥以外的方法,減輕化療引起之嘔吐?
《中西醫藥劑師傾下偈》:如何用西藥以外的方法,減輕化療引起之嘔吐? 1 我們想讓你知道的是 大部分化療都會令癌 […]
《中西醫藥劑師傾下偈》:中醫視癌症為身體「和諧失調」?
《中西醫藥劑師傾下偈》:中醫視癌症為身體「和諧失調」? 中西合壁介入點──中醫之觀點 各種中醫治療方式在治療癌 […]
2022年施政報告公眾諮詢 : 快捷藥物引進機制與藥物撥款資助建議
2022年施政報告公眾諮詢 : 快捷藥物引進機制與藥物撥款資助建議 致 行政長官李家超先生: 恭賀成為香港特別 […]
慢性淋巴細胞白血病治療大躍進 標靶藥有效控病減復發
慢性淋巴細胞白血病治療大躍進 標靶藥有效控病減復發 突然確診患上血癌,病人常常被嚇得半死,但其實毋須過於恐慌。 […]
軀體立體定位放射治療(SBRT) — 精準而高能的治療 (下集)
軀體立體定位放射治療(SBRT) — 精準而高能的治療 (下集) 在上集,我們了解到軀體立體定位放 […]
軀體立體定位放射治療(SBRT) — 精準而高能的治療 (上集)
軀體立體定位放射治療(SBRT) — 精準而高能的治療 (上集) 軀體立體定位放射治療(Stere […]
前列腺癌治療的4種方法,放射治療是其一,有1種是你從來也沒有想過。
前列腺癌治療的4種方法,放射治療是其一,有1種是你從來也沒有想過。   前列腺癌可以說是男士的惡夢, […]
放射治療師晉升階梯 4年經驗可升職? 一級二級有何分別??
放射治療師晉升階梯 4年經驗可升職? 一級二級有何分別?? 放射治療師是專職醫護人員,專門為病人提供放射治療。 […]
5大放射治療師特質 助你成為稱職放射治療師!!!
5大放射治療師特質 助你成為稱職放射治療師!!! 放射治療師特質(一) 保持細心 網上圖片 放射治療師作為在整 […]
新冠常態 — 放射治療師所面對的4個風險
新冠常態 — 放射治療師所面對的4個風險 不知不覺間,2019新冠肺炎已經持續了2年。對香港人而言,這是難以忘 […]
放射治療師、放射診斷師「工作大不同」
放射治療師、放射診斷師「工作大不同」 就讀放射系,最後一定會成為放射師吧。沒有錯,最典型的就職方向是放射師。不 […]