文章
杏林專欄 > 臨床腫瘤專科 > 蘇子謙醫生 > 【癌症飲食】冬蟲夏草咁貴，其實有冇用？

【癌症飲食】冬蟲夏草咁貴，其實有冇用？

05-01-2021
<冬蟲夏草咁貴，其實有冇用?>

一個星期前走過一間中藥藥房，藥房中顯示出售西藏野生冬蟲夏草，大約是七千多元一兩。 而一般人士服用冬蟲夏草保健身體，每天服食至少3錢。 咁樣計法，其實比西藥抗癌的標靶藥物同埋免疫療法都仲要貴。 成日聽冬蟲夏草可以調理身體，增強免疫力，又可以抗癌。 咁其實冬蟲夏草係咪真係咁神奇呢？

冬蟲夏草嘅藥性係甘平保肺益腎，化痰止咳。 佢嘅好處係一方面可以補肺氣和腎氣，另一方面佢唔會溫燥，即係補得嚟又唔會熱氣。 傳統冬蟲夏草用於治療肺部疾病為多，例如治哮喘，咳得耐身體虛弱，又或者肺癆癒後的身體調理，又或者任何大病之後條氣唔夠氣即所謂氣虛嘅症狀。 近呢幾十年冬蟲夏草名聲大振，價格可為越吵越貴。 慢慢講下講下，就好似變成什麼病也醫得好的神藥 。 再加埋近來據說有抗癌的作用，也可增強免疫力。 所以在需求大增之下，依家真係可以話貴過黃金。

冬蟲夏草增強免疫力, 甚至可以抗癌？

首先冬蟲夏草係咪真係可以增強免疫力呢? 其實有唔少嘅實驗室同埋細胞學上嘅研究都指出冬蟲夏草或其提煉物真係可以刺激到身體的淋巴細胞更加活躍，特別係NK killer cell。 但注意呢啲都只不過係實驗室的研究。 在人體身上是否有相同的效果，又或者真的有重大治療的作用，實驗室的研究是不會給到我們答案的。 咁至於臨床研究，亦都有一些細規模的對照研究證實，服用八星期的冬蟲夏草提煉物之後，身體的NK cell 免疫力真的會提高。 (https://bmccomplementmedtherapies.biomedcentral.com/articles/10.1186/s12906-019-2483-y ) 另外理論上假若身體的免疫細胞受到刺激，特別係呢一種NK Cell，真的可以加強身體的抗癌能力。 但呢個只是在理論上。 在現實上，治療癌症，冬蟲夏草只可以作為一種輔助性治療，唔可以靠曬佢呢醫癌。 呢個概念非常重要。

但呢啲都係一啲細規模嘅研究，最多只能夠畀我們一些提示，但係絕對唔係conclusive。

講返中醫方面，冬蟲夏草其實最常用於食療，用來燉湯，又或者作為長期病患的其中一種調理方法。 例如有一個病人因為長期氣喘，中醫睇呢係肺腎兩虛。 最後治療方法，都是找中醫開出針對性的處方，用蘇子降氣湯等等的中藥治療。 但病人因為買了很多冬蟲夏草，所以就額外用冬蟲夏草作為食療調理身體。 所以㗎如果身體有問題需要服食中藥，其實傳統使用複方中藥，先至係最重要，而唔係一定要用冬蟲夏草。 若然真的負擔不了冬蟲夏草，其實也有較為平價的中藥可以取代。 例如可以用白人參，西洋參，再配合蛤蚧，五味子等等，同樣可以達到補肺補腎的功效。 性價比高得多。

冬蟲夏草價格昂貴，亦有不少不同的價錢級數。 有的野生的就更加貴。 幾年前國內驗出大陸很多冬蟲夏草都受有機砷重金屬的污染。 所以有關當局並唔建議使用冬蟲夏草作為一種保健產品。 至於香港方面，大部分藥材同埋中成藥都會經過衛生署的定期抽樣檢驗，確保重金屬含量合乎安全範圍。 所以呢一方面不用太擔心。

癌症病人可否進食冬蟲夏草？

最後至於癌症病人可唔可以服用冬蟲夏草呢? 會唔會同西醫嘅治療有衝突呢?其實在我睇嚟問題不大，但之前有實驗室研究發現冬蟲夏草的抗氧化功能可能會抵消電療的治療效果，另一方面又有機會刺激到前列腺癌細胞生長。 (都係實驗室研究，唔一定喺人體度會有同樣情況) 但係為咗安全起見，我一般都係建議病人電療期間，避免服食冬蟲夏草。 可以考慮在完成電療以後再服用也未遲。 而且我另一方面建議假如病人前列腺癌不受控制，特別再加上身體沒有明顯肺腎兩虛嘅情況，其實倒不如不要食冬蟲夏草，反正也有其他中藥補品可以使用。

但最後都係嗰句，服用任何中藥補品之前，建議先請教自己的中醫師。

蘇子謙醫生
(臨床腫瘤專科)

 

冬蟲夏草篇 – 黃韻婷博士

https://www.youtube.com/watch?v=1Cl1osvHbg0

相關文章:

  1. 一起走過的日子- Christina別樹一格的七年抗癌路
  2. 癌症病人的皮膚瑣碎事(4) 如何處理抗癌治療引起之手腳反應以及甲溝炎?
  3. 咖啡灌腸抗癌真係得？ 腫瘤科醫生拆解4大患癌飲食謬誤
  4. 中大葉氏家族基金腫瘤學教授陳林教授就職演講「不苦口的良藥」

城中活動

2025-05-27 10:00 上午 「Re:Start 我仲掂」舍區嘉年華
2025-05-21 2:00 下午 民航處航空教育徑導賞團
2025-05-17 11:00 上午 癌症支援服務義工培訓計劃2025

疑難排解

我們有一群專業的醫護人員及相關朋友，隨時解答大家的疑難，立即提交疑問！
按此問問題

會員註冊

成為會員，可以第一時間接收由病患者和照顧者角度出發的資訊，立即行動！
按此註冊
或許你會想看
容許犯錯：成長的必經之路
多謝@drip_music_records 的邀請、有機會和幾位音樂達人分享我對藝術治療的一些看法，相信再多的 […]
基因檢測好有用 幫你對症下藥治療轉移性大腸癌
隨著醫學不斷發展，近年有愈來愈多新藥面世，晚期的轉移性大腸癌的治療亦出現很大的改變，特別對腫瘤細胞進行基因檢測 […]
【腦腫瘤關注月】甚麼是腦膜瘤？｜鄒淑韻醫生
甚麼是腦腫瘤? 腦部大約可分為大腦、小腦、腦幹。大腦扮演人體機能總指揮，左右兩邊各有四個組成部分，包括額葉、頂 […]
痱滋與舌癌 | 黎逸玲醫生
舌癌的可怕之處，在於舌頭是維持生活品質其中一個重要的器官。舌頭幫助我們說話構音、咀嚼、吞嚥和感受味覺。不少病人 […]
提供另類療法是無牌行醫嗎？ | 黎逸玲醫生
有美容中心負責人涉嫌勸喻三位癌症病人不要向私人醫生求診和服用化療藥，又替他們進行心靈治療、磁療法和回春療法，收 […]
【渣打香港馬拉松2025】醫患陪你跑-黃韻婷博士
🏃🏻個人簡介 Dr Wendy 黃韻婷博士 ｜香港註冊中醫師   🏅活動期望 / 心聲 忙到裙拉褲甩 […]
【渣打香港馬拉松2025】醫患陪你跑-馬偉傑醫生
🏃🏻個人簡介 馬偉傑醫生 | 泌尿外科專科醫生   🏅活動期望 / 心聲 每一個落場跑的跑手，在起點 […]
【渣打香港馬拉松2025】醫患陪你跑-東東雲吞麵
🏃🏻個人簡介 東東雲吞麵｜香港護士，淋巴癌康復者 🏅活動期望 / 心聲  Everyone is No. 1 […]
【渣打香港馬拉松2025】醫患陪你跑-Ada Lo
🏃🏻個人簡介 ADA LO | 乳癌康復者、粉紅戰士癌症康復者龍舟隊隊員   🏅活動期望 / 心聲  […]
【渣打香港馬拉松2025】醫患陪你跑-Doris Cheung
🏃🏻個人簡介 Doris Cheung | 乳癌康復者   🏅活動期望 / 心聲   60歲退休作出 […]
【渣打香港馬拉松2025】醫患陪你跑-Clark Cheung
🏃🏻個人簡介 Clark Cheung ｜健身教練、淋巴癌康復者   🏅活動期望 / 心聲   作為 […]
【渣打香港馬拉松2025】醫患陪你跑-IRIS SHUM
🏃🏻個人簡介 IRIS SHUM（岑麗明）｜展晴社主席、乳癌康復者   🏅活動期望 / 心聲   第 […]
熱門話題
白血球升高不容忽視：慢性淋巴細胞白血病
英國新發現為癌症病人帶來曙光
(白血病) 香港 OL捐骨髓 女法師重生
我的行醫經歷( 46 ) : 癌病 – 復發 (一) 做個行，厭個行