癌症病人應唔應該打COVID疫苗呢

文章

杏林專欄. > 臨床腫瘤專科 > 蘇子謙醫生 > 癌症病人應唔應該打COVID疫苗呢

癌症病人應唔應該打COVID疫苗呢

04-01-2021

<< 癌症病人應唔應該打COVID疫苗呢>>

首先如果普通健康人士應唔應該打疫苗，我上幾天已經講咗大家可以參考。

但癌症病人應唔應該打，其實有一啲唔同嘅考慮。

第一癌症，病人本身的免疫力已經畀其他人弱，特別係接受個化療治療嘅病人呢個情況就更加明顯。但其實即使唔係打一個化療，用某一些標靶藥又或者手術後又或者疾病本身，都會令到免疫力低下。而且有證據顯示癌症病人若然患了COVID 之後出現嚴重併發症和死亡率，都比健康人士高三倍或以上。另外更為嚴重的事，免疫力低的人身體不能抑制病毒，體內病毒含量會好高 ( 即所謂ct值低)，口水或分泌液當中大有高含量的病毒，容易成為超級傳播者。喺養和醫院和瑪嘉烈醫院嘅爆發病例當中都有這樣的情況。

由此可見癌症病人打疫苗好像，較其他健康人士更加急切。

但另一方面第二個考慮的是，現在全部進行疫苗的第三期臨床研究，都exclude 癌症病人。即係研究並沒有招募癌症病人。所以疫苗有效數據和安全性數據可能並不會apply 在癌症病人身上。但假若以流感疫苗作為數據參考，即使癌症病人在接受流感疫苗之後都會產生一定的保護性。大概產生保護性抗體有七成。效果雖然唔及其他健康人士，但仍然有一定的保護程度。而且也沒有發現安全性的問題。當然流感疫苗和今次疫症的疫苗並不相同，但兩者可以互為參考。

第三假如要打疫苗的話，癌症病人又要接受其他治療究竟會唔會撞㗎喇？首先癌症病絕對不可以打live vaccine ( 即係仲有些少感染力的病毒疫苗), 因為可以誘發感染。現在幾種covid 疫苗分別係滅活的, mRNA, non replicating viral vector 技術所研製。在免疫力低下的人身上也是安全的。mRNA 這種疫苗雖然是較為新的技術，其實呢一款疫苗亦可用作治療癌症( 過幾日會講)。所以安全性應該不是問題。

但係需要注意, 假若病人正在接受化療或其他有免疫抑制的標靶藥物 ,疫苗的有效率可能會降低。咁最好打既時機係幾時呢？若然未開始做第一針化療 ,疫苗最好在第一針化療之前打。若然已經開始了化療週期，最好就在下一針化療之前打疫苗。咁就可以增加產生有效抗體的機會。

其實醫學研究各種報告都是給我們一些證據(evidence)，而這些科學證據點樣去分析同埋判斷(judge)，係需要醫生或者科學家科學訓練, 去給中肯的結論(conclusion or verdict)。

好似法官判案和陪審團斷案一樣，看了證據其實還要一些思考同埋推理。

之前都講過打疫苗有風險，唔打都有風險。

好多時醫學決定是平衡邊一種風險大，邊一種風險細來作決定的。

#COVID
#Cancer
#Vaccine