文章
杏林專欄 > 介紹下我的主診醫生¬¬

介紹下我的主診醫生¬¬

17-06-2016

 

 

等唔切呀!!我實在要冒下次覆診會被滅口嘅危險,介紹下我主診醫生。

"彤姐"呢個名就係佢叫到街知行聞!
次次覆診,第一句實係:「彤姐,點呀?」嘩…點受得起呀大佬!下次叫聲"靚女"算啦,唔好咁客氣!
醫生嘛!就係嚴肅囉:望你兩眼,聽你講兩句就密密寫,然後「出去等攞藥啦」。依家諗番,我真係太太太天真!
我諗呀主診醫生主動同我傾討病情嘅次數,五隻手指應該數得曬!拿…正正因為咁,陪親我覆診嘅人就會俾蟻咬,每次都忍唔住衝口而出問:「張x-ray照倒啲咩呀?驗血報告點呀?下次幾時打針呀?」但醫生大佬唔係下下都答你嫁咼或者佢會話「咪又係咁!」幾有性格!所以我每次忍笑都忍得好辛苦。(好彩我長期戴口罩)
雖然佢叫我彤姐,但從來都唔會俾面我呢個呀姐!總係要串咀、嘲笑下人先安樂,就例如成日話我虧!又例如喺我肺炎病到死死下,喺病床訓咗個幾星期嘅時候叫我病鬼,又要人打反斗俾佢睇…

不過,我實在好感謝神俾我遇到呢位醫生!因為佢成日同我吹水多過睇病,令我完全唔覺自己係一個病人!(仲要每次覆診,留意係每次,我喺佢間房都笑到勁大聲!隔離房啲醫生、病人、護士應該以為我有精神病)
其實好奇怪!我相信你完全唔能夠理解,點解一個病人可以好似我咁理直氣壯地咩都唔理。但我可以話你知我內心一直都好平安!或者係因為我清楚知道天父係望到實嫁!所有事都並唔係偶然或唔好彩,反而係有無限嘅美意喺當中…

hi!醫生,唔好嬲住先!因為我聽日會為你平反既,你咁好…哈哈哈
大家就繼續追post啦,乖!

彤姐話你知 : Cancer 咋嘛駛乜驚呀!

疑難排解

會員註冊


或許你會想看
甲狀腺癌患者也可以吃紫菜
一對中年夫婦前來覆診,太太患有第二期甲狀腺癌,筆者替她進行了全甲狀腺切除和中央區頸淋巴清除手術。手術後病人康復 […]
癌症病人在治療期間可以吸煙嗎?
癌症是香港的頭號殺手,在每年導致將近三分之一的死亡個案。研究顯示吸煙是癌症的首要風險因素,吸煙人士的患癌機會比 […]
精準對付HER2乳癌 提升療效助改善生活質素
乳癌是本港的頭號女性癌症,每14位婦女便有1人最終會患病1,而在2019年已有逾4700宗新症2。幸而隨著癌症 […]
化療期間甚麼時候是運動的最佳時機?
香港大學內外全科醫學士5年級生 嚴浩民 眾所周知,運動有益身心,但是不少癌症病人在治療期間都會有虛弱無力、肌肉 […]
甲狀腺癌患者越年輕越好?
常說年輕的癌症患者的腫瘤都比較「惡搞」,一是因為家族基因遺傳的個案佔比較多,二是因為年輕人工作忙、忽視病徵,往 […]
乳癌病人飲乜奶好?
奶類製品的分類: 大家可能不太清楚,鮮牛奶才是由牛直接製造出來,其他都是統稱為奶類飲品或是再做奶 根據1977 […]
乳癌病人可否吃零食? (2)
乳癌病人是否要避忌生冷嘢? 是否可以吃壽司? 對於正在接受荷爾蒙治療的乳癌病人來說,由於經常受到潮熱困擾,偏涼 […]
乳癌病人可否吃零食? (1)
癌症病人唔可以吃糖? 坊間經常流傳癌症病人“一粒糖都唔掂得”,因為糖分會養大腫瘤,令腫瘤惡化或者會令腫瘤復發! […]
癌症資訊網專欄| 拆解乳癌五大謬誤
謬誤一:只有女性才會患上乳癌? 的而且確,大部分乳癌發生在女性身上,然而男性同樣有乳腺組織,故乳癌仍可發生在男 […]
癌症資訊網專欄|認識大腸癌成因及治療
大腸癌是本港第二大常見癌症,大約一半的大腸癌患者在確診時已屬第三期或以上,屆時痊癒率已跌至7成左右。由於大腸癌 […]
慢性淋巴細胞白血病患者的佳音 新一代口服標靶藥增加治療選擇
慢性淋巴細胞白血病是血癌的一種,在本港不算常見,並因為生長及進展速度較慢,部分早期病人可以只觀察而毋須醫治,直 […]
【冬陽天地】乳癌 | 梁冬陽醫生
  粉紅色10月是乳癌關注月,香港很多的非政府機構、商舖、傳媒都有一些活動令大家關注乳房的健康。 最 […]