報告：今朝番醫院覆診時….

文章

杏林專欄 > 報告：今朝番醫院覆診時….

報告：今朝番醫院覆診時….

01-06-2016

報告：今朝番醫院覆診時，唔小心透露咗俾醫生知我開咗個 facebook page 為害人間。我依家好擔心佢會搵我出黎（人地打算瘋狂講佢壞話嫁嘛！）為保性命安全…
「Hi！李醫生：) 多謝你呀！你係一個好好嘅醫生呀！我會盡量唔…講你壞話嫁啦！」

繼上次講到拎完X-ray片…
勁醫生見狀，9秒9寫左封信俾我入急症。到醫院又即刻俾人鎖咗喺房，叫我千奇唔好出黎（其實我係咪變左怪獸，但我唔知？）往後嘅情節就係話我一係有肺癆一係有cancer！（心諗你都癡癡地！心血少真係嚇得死）然後我就好陰公咁被困隔離病房兩星期。呢兩星期就精彩囉！你諗倒嘅檢查，我都幾乎做曬（媽呀！）

今次要特別分享（除咗出世嗰刻）我第一次做手術嘅情況。老老實實，手術前一晚胃口非常好，亦訓得好甘甜～（唔使奇怪，因為喺之後嘅post 我會話你知原因）呢個手術其實係要喺我右頸抽一粒大家所謂嘅痰火核【頸淋巴結核】黎做化驗，睇下係咪真係cancer同係咩類型嘅cancer。
被推入手術室前，喺門口等啦…門後不時傳出電鑽聲加幾聲尖叫！我真係嚇到呑咗好多啖口水…唔通入面睇緊〈德州電鋸殺人狂〉？到上一位病人出黎後，我就被推入手術室，再訓上手術枱。醫生第一句説話竟然係：「o靚妹！想聽咩歌？」er…………….喺呢一刻我更加肯定剛才位病人係同醫生係一齊睇緊〈德州電鋸殺人狂〉。喺我唔知點回應醫生嘅時候，佢已經為我揀好，「同學愛新鮮戀愛大過天」
有幾下，其實我覺得醫生想一齊唱…

當時的確係好無奈！但依家望見條頸個疤埋得咁靚，我知醫生只係想輕鬆d姐～不過可唔可以唔好聽Twins

彤姐話你知 : Cancer 咋嘛駛乜驚呀!

城中活動

2026-06-15 7:00 下午【中醫講座】未病先防｜中醫教你為家人守住健康防線

2026-06-13 3:30 下午有人共鳴—— 一個很小、很溫柔的喪親分享聚會

2026-06-12 7:00 下午【線上講座】家支援醫事講・老年腫瘤學新視角

疑難排解

我們有一群專業的醫護人員及相關朋友，隨時解答大家的疑難，立即提交疑問！

按此問問題

會員註冊

成為會員，可以第一時間接收由病患者和照顧者角度出發的資訊，立即行動！

按此註冊

或許你會想看

2025-4-28 AI 對肺癌防治有用嗎？聽聽這些專家怎麼說！