文章
杏林專欄. > 臨床腫瘤專科 > 蘇子謙醫生 > 朝早用免疫療法效果好啲?? 時間醫學的重要

朝早用免疫療法效果好啲?? 時間醫學的重要

04-12-2021

朝早用免疫療法效果好啲?? 時間醫學的重要

近來在一個國際期刊Lancet當中, 刊登了一篇非常有趣的研究。 當中一個美國的團隊去回顧返佢哋自療嘅4百個黑色素瘤(melanoma) 的病人記錄。 黑色素瘤傳統上很難治,但近這十年隨著免疫療法的興起,治療已經好咗很多。 研究發現 原來病人在下午四點半之前完成免疫療法既吊針, 生存率比下午四點半之後才吊針的 好得多! 雖然這是一個回顧性的研究, 當中可能存有一些未adjust嘅bias, 但係研究結果確實有一座震撼性, 證實時間醫學確實重要。

免疫療法常用的係注射一些藥物,check-point inhibitors, 去刺激身體嘅淋巴細胞, 令到淋巴細胞呢啲免疫細胞自己攻擊癌症,達到治療效果。 但其實一路都知道身體嘅免疫系統和生理時鐘 和日光都好有關係。 呢個就係點解好多感染性疾病 ,一般早上會退燒,但係到咗下午或者深夜發燒特別嚴重 嘅原因。 因為的確免疫系統是在日光嘅時間特別活躍。

但我認為這個研究還未足夠。 應該再细行究竟是否在朝早十二點前的時間注射免疫療法生存率較高。 因為根據中醫嘅理念, 早上至正午係陽氣上升嘅時候, 陽氣盛嘅時候身體嘅正氣會強。 午時(11am to 1pm) 係身體陽氣最旺盛嘅時候。 所以假如要補充陽氣正氣嘅話應該借用 天時之利, 順勢而行。 呢個就係點解傳統上有些補陽益氣嘅藥物, 要在早上服用。 因為咁樣可以借用 天時陽氣上升嘅趨勢,“ 借力打力”, 天人合一, 怎樣治療嘅藥效可以事半功倍。

近呢十年香港都興起做呢一個三伏天灸。 其實嘅概念同時間醫學也好大關係。 所謂冬病夏治, 就係話一些虛寒症嘅疾病例如鼻敏感哮喘等, 要在夏天陽氣最盛嘅時候, 借用天灸嘅力量補助身體陽氣。 其實一年嘅冬天就好比一日嘅深夜, 一年嘅夏天就好比一日嘅正午。 所以其實一日嘅陽氣變化, 亦可以和天灸嘅道理一樣,借用天使陽氣盛衰嘅觀念, 好好利用早上和正午嘅時間嚟醫病。

回到現實香港腫瘤科嘅治療, 慶幸的是一般注射呢啲免疫療法時間需時不是太長, 很多時都是在 還有日光嘅時候已經完成註射。 所以實質 很少人是在四點半以後注射的。 唯獨是有些時候公立醫院等候時間較長, 有可能注射嘅時候已經係下午或黃昏。

其實免疫療法唔係淨係識療黑色素瘤。 而家好多 癌症嘅治療都有免疫療法喺當中。 例如係常見嘅肺癌, 腎癌, 一些婦科腫瘤, 又或者是消化道嘅腫瘤好多時都要用這些check point inhibitors。 所以將呢個研究結果推身出去其實大部分癌症治療最好是在早上開始而且在黃昏之前完成。

西以往較少重視時間醫學, 最多講嘅就係早上皮質醇大概在朝早九點會開始升高, 到到夜更 皮質醇下降,另一種激素褪黑激素慢慢上升,所以人便會覺得眼瞓要瞓覺。 近年西方醫學都發現原來日夜顛倒咁工作和睡覺, 長期係咁其實對身體有損害。 例如即使是一個夜晚不睡覺捱更抵夜更工作, 其實身體嘅基因係會受到破損。 長期嘅基因破損可引致癌症。 所以其實長期嘅夜間工作已經被世衛列為一個致癌風險。 所以假如現實許可嘅話,為咗保持身體健康,選擇嘅工作應該 選擇避免要在夜間工作的。 當然有時現實並不容許。

所以經常有病人問我 可唔可以夜啲瞓覺,但係朝早補返瞓覺得唔得呢? 其實夜晚一瞓覺係唔可以用日間嘅瞓覺所補充的。 因為身體嘅節律生理時鐘和天時嘅變化有關係。 要保持身體健康一定要順應天時。 好多人都知中醫好鼓勵十一點前瞓覺, 因為要養肝血。 其實中醫有所謂十二經絡子午流注, 你即係話已經定出唔同嘅時辰身體嘅氣血係特別聚集於某一個經絡。 例如子時丑時, 即係晚上十一點到凌晨三點, 就係肝膽經所主宰的。 所以呢個時候瞓覺可以養到肝血。 正午11時到一點, 亦即係午時, 就係心經所主宰, 呢個時候午睡 一個短時間, 可以補助心血。 呢個十二經絡子午流注,其實更加多常用的是在針灸嘅時候選擇穴位應用。

所以無論中醫西醫, 都會認為時間對於身體健康或疾病治療有著重大嘅影響。 真係唔可以忽視。

蘇子謙醫生
(臨床腫瘤專科及註冊中醫師)

 

#免疫治療
#時間醫學
#黑色素瘤
#肺癌
#腎癌
#蘇子謙醫生
#癌症治療
#蘇子謙中醫
#中西醫結合

疑難排解

會員註冊


或許你會想看
《中西醫藥劑師傾下偈》:化療後脱髮,中醫可以如何介入?
《中西醫藥劑師傾下偈》:化療後脱髮,中醫可以如何介入? 我們想讓你知道的是 化療脫髮是一眾癌症患者最擔心的問題 […]
《中西醫藥劑師傾下偈》:如何用西藥以外的方法,減輕化療引起之嘔吐?
《中西醫藥劑師傾下偈》:如何用西藥以外的方法,減輕化療引起之嘔吐? 1 我們想讓你知道的是 大部分化療都會令癌 […]
《中西醫藥劑師傾下偈》:中醫視癌症為身體「和諧失調」?
《中西醫藥劑師傾下偈》:中醫視癌症為身體「和諧失調」? 中西合壁介入點──中醫之觀點 各種中醫治療方式在治療癌 […]
2022年施政報告公眾諮詢 : 快捷藥物引進機制與藥物撥款資助建議
2022年施政報告公眾諮詢 : 快捷藥物引進機制與藥物撥款資助建議 致 行政長官李家超先生: 恭賀成為香港特別 […]
慢性淋巴細胞白血病治療大躍進 標靶藥有效控病減復發
慢性淋巴細胞白血病治療大躍進 標靶藥有效控病減復發 突然確診患上血癌,病人常常被嚇得半死,但其實毋須過於恐慌。 […]
軀體立體定位放射治療(SBRT) — 精準而高能的治療 (下集)
軀體立體定位放射治療(SBRT) — 精準而高能的治療 (下集) 在上集,我們了解到軀體立體定位放 […]
軀體立體定位放射治療(SBRT) — 精準而高能的治療 (上集)
軀體立體定位放射治療(SBRT) — 精準而高能的治療 (上集) 軀體立體定位放射治療(Stere […]
前列腺癌治療的4種方法,放射治療是其一,有1種是你從來也沒有想過。
前列腺癌治療的4種方法,放射治療是其一,有1種是你從來也沒有想過。   前列腺癌可以說是男士的惡夢, […]
放射治療師晉升階梯 4年經驗可升職? 一級二級有何分別??
放射治療師晉升階梯 4年經驗可升職? 一級二級有何分別?? 放射治療師是專職醫護人員,專門為病人提供放射治療。 […]
5大放射治療師特質 助你成為稱職放射治療師!!!
5大放射治療師特質 助你成為稱職放射治療師!!! 放射治療師特質(一) 保持細心 網上圖片 放射治療師作為在整 […]
新冠常態 — 放射治療師所面對的4個風險
新冠常態 — 放射治療師所面對的4個風險 不知不覺間,2019新冠肺炎已經持續了2年。對香港人而言,這是難以忘 […]
放射治療師、放射診斷師「工作大不同」
放射治療師、放射診斷師「工作大不同」 就讀放射系,最後一定會成為放射師吧。沒有錯,最典型的就職方向是放射師。不 […]