文章
杏林專欄. > 臨床腫瘤專科 > 蘇子謙醫生 > << 好僱主, 有好員工>>

<< 好僱主, 有好員工>>

01-03-2021

<< 好僱主, 有好員工>>

**利益申報: 此貼文不是廣告, 也沒有收取任何廣告費. 只是我認為好的僱主應該受到公開的稱讚 . 另一方面他們的餐廳s我確是頗為喜歡的**

今天在門診看了一位病人, 和他的一段對話, 心有所感, 實在不吐不快.

病人張小姐(化名 )早就已過退休之年, 近這兩年多時間前前後後都在我們門診當中接受化療. 今天他回來繼續接受化療.

“上次電療嗰個位啲皮膚好返曬未?” 我問到.

張小姐: 而家已經好返曬, 實在感謝你們, 之前突出的腫瘤都好像收回去一樣. 農曆新年之前剛剛電療完成, 皮膚好似有點灼傷,也有流水. 但現在經過包紮已經乾水了. 現在皮膚除咗少少乾就冇咩問題.不過在電療之前你哋都已經講咗有這個副作用, 所以我都唔擔心. 因為我知道個幾星期一定會好番.

“Yea, it would get worse before getting better” (唔知點解呢個一定要講英文).

我繼續講“你的血報告全部都很正常,癌指數就未有報告. 咁你上次打化療針辛唔辛苦呀?”

張小姐 :“ 一啲都唔辛苦, 好似冇乜感覺, 反而上次嗰一隻化療就真係有幾日辛苦. 我而家仲可以全職返工.”

“你仲返工的嗎? 你做什麼工作的?” 問完我即刻scroll 返上去病歷睇下以前啲同事有冇打低職業資料.

張小姐:“對呀, 我唔返工的話, 哪有錢可以負擔得了這些昂貴藥物? 我是在 Mandarin Oriental 酒店工作的, 我已經做咗三十幾年”.

“你真係犀利, 唔怪得你嗰對大耳環係兩把大嘅扇! 如果我冇記錯應該係酒店嘅標誌!”

張小姐: 蘇醫生你真係眼厲, 呢對耳環我真係喺公司嘅gift shop 度買返嚟㗎!”

即使在非工作日子, 都帶著公司的標記, 可以見到張小姐實在非常熱愛他的公司. 至少我幾乎未見過醫管局員工放假嘅時候會帶著醫管局的襟章.

“you must be a very strong woman. 一路打住化療咁耐仲可以全職工作, 而且你已經年過70”

張小姐: “係呀其實我好感謝公司, 繼續請我做嘢. 因為公司知道我有病, 而且我也十分喜愛我的工作, 所以我現在返工都是頗為flexible. 好過日日坐喺屋企冇事做. 橫掂我而家的energy level 和以前未病之前都沒有大分別.賺多啲錢仲好. 一路治療咁耐, 我都冇claim 公司的醫療保險.其實公司的醫療福利算是不錯的, 不過我自己有啲不想claim. 因為老實說老實說, 公司肯畀我繼續工作已經算係好好. 所以我都盡量唔請假. 但當然之前嗰一隻化療藥,有時攰得滯嗰幾日, 我都會請假唔返工. 主要係因為若然我狀態不好, 在客人面前會影響到公司的形象”

我越聽越覺得難以置信. 竟然真係有員工會為公司著想.而且同外人不斷讚公司政策, 相信呢個情況係香港好少見. 至少我喺瑪麗醫院未見過.

張小姐繼續講: “好似今日咁樣, 係我的rest day 我先嚟睇醫生, 所以今日醫生你唔使畀假紙我. 但係聽日我要做心臟素描, 醫生你可否寫一日假畀我呢?”

我馬上在電腦上打入假紙, 一邊希望printer 今次會聽話唔會jam紙, 另一方面繼續和病人傾.

“咁你哋酒店生意在疫情這一年多有冇差咗好多?”

張小姐越講越停唔到: “酒店生意都算係咁啦, 上年咁嘅環境都叫做 做得住. 比其他地方好得多了. 我哋酒店嘅hyigene 做得非常好, 因為我哋真係見好多客人. 酒店政策如果凡係某些員工居住的大廈有確診個案, 該員工三個星期都要隔離在家, 不可回到酒店.我對酒店的防疫政策非常有信心”.

佢確實係一個非常好的營銷, 講講下真係有啲畀佢講到想去staycation, 不過諗起上星期股票大跌, 所以我打消了念頭.

差唔多到了診症尾聲 , 喺個printer出緊紙嘅時候我繼續講多幾句.

“睇嚟做化療咁耐, 真係好似冇乜唔舒服, 體重又穩定, 行出街都冇人知你病”

張小姐: 係呀我胃口真係唔錯添, 基本上返工日子公司都包曬早午晚三餐

“包三餐?? 係咪真係酒店入面啲食物? 好唔好食?”

張小姐” The hotel food is good!”

我突然間諗起呢間酒店的bakery, 回味了三秒鐘, 腦海中突然傳來瑪麗醫院K1 canteen 食物. 有從天堂跌落地獄的感覺. (來回地獄又折返人間….)

“好啦咁你今日繼續打針, 三個星期再返嚟啦! 不過最後張小姐我有啲嘢想問一問你”

張小姐:蘇醫生你想問乜嘢?

“ 唔知你哋酒店請唔請駐酒店醫生的呢?”

張小姐大笑了幾聲, 一言不發, 拂袖而去.

蘇子謙醫生
(臨床腫瘤專科)

疑難排解

會員註冊


或許你會想看
【骨與軟組織肉瘤】 「如何進行骨與軟組織肉瘤的多學科診治?讓我們來聽聽專家們怎麼說,基本方法和新方法!」活動回顧|抗癌防癌全球視野GCOG
2023 年 7 月29 日北京時間晚8 時,由香港大學知識交流辦公室主辦,全球腫瘤協作組(GCOG), 香  […]
抗癌自碘?— 拆解都市急性盲搶鹽現象
自周四起日本政府力排眾議將核廢水排放至大海,網上廣泛流傳食碘鹽可以抗輻射,即使食物安全中心馬上在社交平台撰文澄 […]
偏方我見
以前有位醫學院教授講過一句令我印象非常深刻嘅說話:「如果一個病有好多方法去醫,代表無一個方法係最好。」 道理其 […]
乳房和甲狀腺雙重癌症
乳癌和甲狀腺癌都是香港十大常見癌症,然而同時間患上這兩種癌症的機會率是多少?是基因作怪,還是源於其他外在因素? […]
飲食戒糖餓死腫瘤? 癌魔更愛脂肪胺基酸
筆者曾寫了3篇關於癌症和糖之關係的文章,詳細解釋了「癌症食糖」這種講法的來源,當中理據和坊間一些謬誤,也闡述了 […]
【鼻咽癌】 「鼻咽癌怎麼防治?來聽聽這些多學科專家怎麼說!」活動回顧|抗癌防癌全球視野GCOG
2022年9月24日北京時間晚8時,“防癌抗癌,全球視野”科普教育系列講座活動第十四期—“鼻咽癌的預防和治療, […]
【前列腺癌】 「前列腺癌怎麼防治?來聽聽這些多學科專家怎麼說!」活動回顧|抗癌防癌全球視野GCOG
2022年5月21日北京晚8時,“防癌抗癌,全球視野”科普教育系列講座活動第九期—“診療前列腺癌,多學科專家怎 […]
【中樞神經系統腫瘤】 「中樞神經系統腫瘤怎麼防治?來聽聽這些多學科專家怎麼說!」活動回顧|抗癌防癌全球視野GCOG
2022年7月31日北京時間晚8時,“防癌抗癌,全球視野”科普教育系列講座活動第十一期—“診療中樞神經系統腫瘤 […]
【皮膚腫瘤】 「皮膚腫瘤怎麼防治?來聽聽這些多學科專家怎麼說!」活動回顧|抗癌防癌全球視野GCOG
2022年8月27日北京時間晚8時,“防癌抗癌,全球視野”科普教育系列講座活動第十二期—“皮膚腫瘤的預防和治療 […]
【食管癌】 「食管癌怎麼防治?來聽聽這些多學科專家怎麼說!」活動回顧|抗癌防癌全球視野GCOG
2022年6月25日北京時間晚8時,“防癌抗癌,全球視野”科普教育系列講座活動第十期—“診療食管癌,聽聽多學科 […]
【胃癌】 「胃癌怎麼防治?來聽聽這些多學科專家怎麼說!」活動回顧|抗癌防癌全球視野GCOG
2022年4月23日北京時間晚8時,“防癌抗癌,全球視野”科普教育系列講座活動第八期—“胃癌可治嗎?來聽聽專家 […]
乳癌手術的選擇困難症
從外科醫生角度來看,醫治乳癌患者最困難的部分不是手術本身,而是術前術後的諮詢和心理輔導。乳房和腋下淋巴位置沒有 […]