文章
杏林專欄 > 驚喜的第一天

驚喜的第一天

06-05-2016

 IMG_9197.JPG 
今朝一早媽咪就嚟到醫院，但我因為真係好攰，都無理佢繼續訓。八點幾鐘嘅時候，醫生入嚟同我講返個驗血報告，佢第一句就同我講話懷疑我患上急性白血病，當時我嘅反應係覺得好突然。用張被蓋住自己，完全俾唔到反應，估唔到會係自己，我想起了一位舊朋友。大約十秒八秒，我個頭伸返出嚟嘅時候，我同醫生講咁應該點做？
呢個時候，我已經睇到媽咪喊緊呀，但係我都冇辦法安慰佢，我只係識得問醫生可以點樣處理。醫生同我講一係立刻轉介我去伊利沙伯醫院，一係留響法國醫院做骨髓檢查大約三日嘅時間。我一心以為政府醫院冇私家醫院咁快，所以立刻表示想留響法國醫院做檢查。
雖然媽咪仲喊緊，但佢突然好清醒，問醫生攞我嘅驗血報告，俾咗我契哥睇咗個報告，契哥立即問佢有關血科嘅朋友，即刻打電話俾我，表示建議我立刻轉介去伊利沙伯醫院，因為以我嘅情況，政府醫院都會立刻處理，並唔會延遲。
知道我嘅情況之後，我第一件事打俾六毛仔，佢都唔知發生咩事，佢好擔心好緊張，即刻坐的士過咗嚟法國醫院陪我，見到佢地好擔心，反而我心裏面都有平安，雖然都有啲驚同擔心，但係我都學習去安慰佢哋，我好記得當時一句說話，就算醫好同醫唔好都係見證上帝嘅！
另外，好記得打電話比Morn姐嘅時候，本來諗住同佢請假講少少自己嘅情況，佢因為未瞓醒，竟然乜嘢反應都俾唔到我，佢仲問我係咪真唔好玩佢，好好笑，我諗對於尋晚仲同佢一齊行街嘅我，突然患上急性白血病，佢真係好突然嘅。
無耐，牧師就到左醫院，一齊為我祈禱！
咁樣法國醫院就幫我call白車，送我去伊利沙伯醫院。上車前，有個姐姐提我千萬不能除口罩，感恩有佢提醒，我先有呢個警覺性。今次係我第一次坐白車有得吸氧氣，感覺好奇怪，心裏面有少少驚，有少少擔心自己情況會點。一邊坐響白車，一面望天上嘅白雲，果刻雖然心裏有少少驚，但心裏都係好平安好平靜嘅。感謝主，我响白車上雖然好攰，仍然可以感到平安！
去到伊利沙伯醫院， daddy已經到咗啦，我同媽咪入咗去診症室，好快已經被定義為緊急個案，唔需要等任何時間，已經可以見醫生同埋檢查，立刻照X光，仲好快安排上病房添。好特別，我響急症室嘅時候，仍然可以有講有笑，完全覺得好平安，感謝主，如果唔係有上帝，我諗我心情唔可以咁平安平靜。
可能我嘅情況好嚴重，啲醫生同護士好快就嚟協助我，同埋檢查，就係咁啲醫生同護士幾對我嘅態度都好好，甚至有護士走埋嚟同我講叫我加油，唔好放棄。
過咗無幾耐，就有醫生入嚟同我抽骨髓，因為我聽過人哋話抽骨髓會好痛好辛苦，我同六毛仔不斷祈禱不斷祈禱，求上帝讓我經歷唔好咁痛楚嘅骨髓。非常感恩，我響抽骨髓嘅時間，雖然係有少少痛同唔舒服，但係並唔係大家所講嘅咁嚴重痛楚，我好感受到上帝為我親自打嘅一支止痛針。
抽完骨髓，啲醫生就幫我打咗豆豆，幫我吊鹽水，好快就幫我安排輸血小板，同埋輸血。最高紀錄嘅時候，我兩隻手加埋有三粒豆豆。我諗呢個都係一個記錄，對如咁怕痛嘅我，竟然可以同一時間承受三粒豆豆，感謝主，讓我經歷到自己最能忍耐嘅一面。
抽完骨髓之後，醫生同護士同我講，懷疑我係M3呢個類型，當然我唔知M3係咩啦，不過醫生好快就會攞咗藥比我。我仲好傻咁問姑娘，其實係咪真係有架都未有骨髓報告，護士好溫柔咁同我講，其實都大機會架啦，仲鼓勵我叫我努力添。
對於無知嘅我，我梗係唔知咩係M3啦，但係契哥同埋六毛仔，已經幫我搵左啲資料，同我講M3呢個類型係有得醫，而契哥夜晚來探我嘅時候，更同我地屋企人講話今次如果就算係急性白血病，都係不幸中之大幸，因為M3呢個類型嘅痊癒率有七至八成。
都係講句，我其實心情上邊冇乜大起大落，雖然有少少擔心，亦都响六毛仔面對喊左一陣，但好感恩我哋嘅心情好快就平復，响大家面前仲好能夠有平安同喜樂添。
不過，到咗夜晚一個人嘅時候，心裏面有少少擔心，仲覺得有少少唔現實，因為實在太突然啦。我突然想起小白當年知道自己患有急性白血病嘅時候錄咗一條片.


 

相關文章:

  1. 編者的話( 3 ) : 不良醫藥廣告條例 / 規管在互聯網上銷售藥物
  2. 編者的話( 11 ) 相片展覽
  3. 編者的話( 20 ) 財政預算案引申的風波
  4. 編者的話( 28 ), 宣明會的訪問

城中活動

2025-02-01 AEON「幸福的黃色小票」活動
2024-12-23 10:30 上午 英文藝術字書法創作班 
2024-12-16 11:00 上午 花藝班之聖誕篇🎄

疑難排解

我們有一群專業的醫護人員及相關朋友，隨時解答大家的疑難，立即提交疑問！
按此問問題

會員註冊

成為會員，可以第一時間接收由病患者和照顧者角度出發的資訊，立即行動！
按此註冊
或許你會想看
渣打香港馬拉松2025「醫患陪你跑-」-東東雲吞麵
🏃🏻個人簡介 東東雲吞麵｜香港護士，淋巴癌康復者 🏅活動期望 / 心聲  Everyone is No. 1 […]
【人工智能】插完胃喉要「照肺」- 實習醫生還是AI 比較可靠？｜黎逸玲醫生
短時間內先後有兩間公立醫院發生實習醫生錯判X 光片，以致未能及時發現胃喉原來誤插氣管、病人受苦，在社會引起很大 […]
2024年GCOG全球抗癌協作組年會
2024 GCOG-第5屆ILROG國際淋巴瘤北京會議 2024 GCOG-智能腫瘤學北京論壇 2024 GC […]
【正副廠藥】副廠藥不如正廠藥？(二) 從何選擇
當二十年的專利權過後，藥廠需要公開其申請專利時所提交的配方，其他藥廠就可以依照該配方生產具同樣效用和安全性的非 […]
【正副廠藥】副廠藥不如正廠藥？(一) 淺談藥物專利權
病人從胃鏡檢查中發現有幽門螺旋菌，需要吃三聯療法，然而不少保險計劃都不理賠醫治幽門螺旋菌的特效藥。很多病人問我 […]
【北上求診】 我哋要讚你 退休公務員參與義工服務回饋社會
退休Young old，可以做什麼？Tommy 認為，只要在自己能力範圍，幫助一把有需要的病人就好，可讓他們缓 […]
全身麻醉後蠢了 ｜黎逸玲醫生
「唔得呀唔得呀！唔可以再做手術！上次全身麻醉完佢成個人蠢晒又無晒記性！」姨姨對著我激動地說。 我望一望她身旁的 […]
【藥物轉贈】如何監察藥物捐贈
就懷疑有人出售公立醫院藥物事件，醫管局的新聞稿中談及到會繼續檢討及優化處方藥物的安排，以達至減少浪費及妥善運用 […]
肉瘤癌防治新技術，聽聽多學科專家怎麼說！
2024年7月27日，北京時間晚上 8 時，由香港大學知識交流辦公室主辦，全球腫瘤協作（GCOG）, 香港大學 […]
癌症相關的緊急情況該怎麼辦？背痛腳軟怎麼辦？背痛腳軟的時候應該考慮腫瘤嗎？ 聽聽多學科專家怎麼說！
2024年6月29日，北京時間晚上 8 時，由香港大學知識交流辦公室主辦，全球腫瘤協作（GCOG）, 香港大學 […]
《冷凍切片》
冷凍切片(frozen section 或 FS) 是一種用於手術途中的病理切片診斷。它的用途非常廣泛，不同專 […]
【癌症治療】癌症患者如何面對長期疲勞
  癌症相關疲勞（Cancer-related Fatigue, CRF）是許多癌症存活者在治療期間 […]
熱門話題
為健康‧動起來 讓椅子飛慈善賽 關注癌症
多發性骨髓瘤常見病徵
肺癌篩查隨時救你一命 及早發現 迎擊頭號殺手勝算更高
張寬耀醫生 DR CHEUNG FOON YIU