母親今年82歲,剛發現患上肺癌,腫瘤由5月時3cm增加到8月時4.5cm。醫生說由於腫瘤活躍,即使做手術,仍要再做電療;而且復發機會相當高。現時媽媽感到肺腫瘤前面胸部及背部都痛,是否只能靠食止痛藥減輕痛楚?有沒有其他方法幫得到老人家呢?另外,燕麥片是否有乙聚糖會刺激乙型連接素引致癌細胞擴散,所以不應該吃呢
處理肺癌最重要就是要 了解腫瘤嘅特性, 係邊一種細胞同埋有冇基因病變。 第二就係要清楚知道擴散嘅範圍有幾多,涉及乜嘢器官。
從問題上據我嘅理解就是只是腫瘤增大了還未有擴散其他淋巴或器官。 從腫瘤嘅角度,我哋係可以用一些根治嘅治療( Radical treatment )去處理, 包括手術和電療。 但是若果考慮根诒嘅治療, 亦要考慮病人嘅身體狀況 和器官嘅功能。
雖然媽媽已經年過80, 但若果心肺功能正常, 身體健康, 有部分病人亦能夠接受手術治療。 至於術後是否需要做輔助電療, 取決於手術切除是否完整, 有冇殘餘組織, 和有沒有可疑淋巴擴散嘅地方。
至於術後或電療後, 現時亦有相當多嘅數據 配合藥物輔助治療, 可以減低復發。治療可以係化療, 標靶治療或免疫療法, 要視乎腫瘤嘅特性和治療嘅方案。
至於腫瘤影響到胸部和背部痛, 有可能係腫瘤已經影響咗部分神經線或胸腔組織, 建議同腫瘤科醫生商討最適合嘅治療方案,對症下藥。
至於燕麥片是否會刺激癌細胞, 以我嘅理解暫時數據亦不太高。 坊間有很多文章或意見, 有不同嘅食療和偏方去處理癌病, 因每個人嘅身體情況和腫瘤嘅特性都不同, 所以不太建議完全接受坊間嘅說法。